२७ सय १४ युवतीलाई पछि पारेर चलचित्र ‘प्रेम गीत ३’ को मुख्य अभिनेत्रीका लागि छानिएकी क्रिस्टिना गुरुङले अव चलचित्र क्षेत्रमै करिअर निर्माणमा केन्द्रित हुने बताएकी छिन् । नेपालको राम्रो निर्माण कम्पनी र चलचित्रबाट चलचित्रमा इन्ट्रि गर्न पाएकी क्रिस्टिनाले आगामी दिनमा कठोर मिहेनतका साथ चलचित्र उद्योगमा काम गर्ने बताइन् । कान्तिपुरका रामजी ज्ञवालीले उनै क्रिस्टिनासँग छोटो–छोटो कुराकानी गरेका छन् ।

चलचित्रमा छानिनुअघि के सोच्नुभएको थियो ?

धेरै प्रतिस्पर्धी हुनुहुन्थ्यो । सोहि कारण सम्भावना र आशासँगै खुवै डर लागिरहेको थियो ।

चलचित्रमा सेलेक्ट भएपछि कस्तो लाग्यो ?

निकै खुसी नि ! अब कसरी उत्कृष्ट काम गर्ने भन्ने विषयमा ध्यान दिएकी छु ।

चलचित्रमा छानिएको कसरी थाहा पाउनुभयो ?

मलाई चलचित्रका निर्माता तथा निर्देशक सन्तोष सेन सरले फोन गरेर वधाई दिनुभयो । अनि खुसीको सिमानै रहेन ।

उक्त कुरा सुनिसकेपछि सुरुमा के गर्नुभयो ?

म फोन चलाइरहेकी थिएँ । उक्त कुरा सुनेपछि सुरुमा मम्मीलाई अंगालो 'मज्जा' ले अंगालो मारेर खुसी शेयर गरेँ ।

प्रेमगीत–३’ मा अडिसन दिने सोच कसरी आएको थियो ?

यसअघि मैले अलमोडा राना उप्रेती र योगेश लिम्बूको निर्देशनमा बनेका दुईवटा म्युजिक भिडियोमा पनि काम गरेकी छु । ‘प्रेमगीत–३’ को अडिसन खुलेपछि कोसिस गरौँ न भन्ने सोचेर आवेदन दिएँ ।

हिरोइन हुने रहर सानैदेखिको थियो ?

हो । ठुलो भएपछि पनि विभिन्न चलचित्रका अफर त आएका थिए, तर राम्रो चलचित्र र ब्यानर कुरिरहेकी थिएँ ।

तपाईले यो चलचित्रका अभिनेता प्रदीप खड्कासँग भेटघाट गर्नुभएको छ ?

अहिलेसम्म उहाँसँग भेट भएको छैन । अब चाँडै भेट हुनेवाला छ । भेटनका लागि उत्साहित छु ।

अहिले वर्कशपमा ब्यस्त हुनुहुन्छ ?

चलचित्रका लागि महत्वपुर्ण कोष छ, ‘हर्ष राइडिङ’ । त्यसको प्रशिक्षण चलिरहेको छ । अरु, वर्कशपको काममा केहि समयपछि ज्वाइन हुने कुरा भैरहेको छ ।

अमेरिकामा बसेर के गर्दै हुनुहुन्थ्यो ?

५ वर्षदेखि अमेरिकामा छु । म्यारिल्यान्डस्थित युएमबिसी कलेजमा आइटी पढिरहेकी छु ।

यो चलचित्रपछि के गर्नुहुन्छ ?

अब चलचित्रको छायांकन सकेपछि अमेरिका फर्कनेछु । पढाई सकेर नेपाल फर्किएपछि पुनः नेपाली चलचित्र क्षेत्रमा सक्रिय रहने सोच छ ।