पहिरनमा रंगको प्रभाव
मानिसले आफ्नो स्वभाव एवं प्रवृत्तिअनुसार पहिरनको रंग छनोट गर्छन् । रंगले मानव व्यवहार, मनोदशा वा शारीरिक प्रक्रियालाई प्रभावित गर्छ ।
गत माघ २८ गते दुबईमा नेपाली कल्चरल पहिरनको फेसन शो पहिलो पटक फेसन फ्युजन २०१७ सम्पन्न भयो । एनआरएन युएईको सहयोगमा आयोजित उक्त शो दुबईमा आयोजित पहिलो नेपाली फेसन शो हो । दुबईको फोर पोइन्ट्स सेराटन होटलमा छेपारो डटकमको आयोजनामा सम्पन्न उक्त शोमा १० महिला, ५ पुरुष तथा १० बालबालिका मोडल र्याम्पमा उत्रिएका थिए । सावित्रा खत्रीको कोरियोग्राफी एवं डिजाइनर तृष्णा गुरुङको सोलो डिजाइनमा आयोजित उक्त फेसन शोमा शो स्टपर मिस नेपाल–२०१४ सुविन लिम्बु, नायिका पूजना प्रधान, रजनी केसी तथा वर्षा राउतले र्याम्प तताए ।
उक्त फेसन शोमा अफिसियल मेकअप आर्टिस्ट निरु न्यौपानेको मेकअपमा ५ वटा सिक्वेन्स प्रस्तुत भए । पहिलो राउन्डमा ढाकाको फ्युजन, दोस्रोमा रेड कार्पेट गाउन, तेस्रोमा लेहेंगा, चौथोमा सांस्कृतिक एवं पाँचौंमा भ्यालेनटाइन स्पेसल विथ किड्स पहिरनमा नेपाली पहिरनको दमदार प्रस्तुति देखिन्थ्यो ।
नेपाली संस्कृति झल्कने पहिरन अन्तर्राष्ट्रिय स्तरमा चिनाउने उद्देश्यले यस्तो फेसन शो आयोजना गरिएको तृष्णा गुरुङ बताउँछिन् । यस्तै फेसन शो बहराइन, कतार तथा नेपालमा पनि हुँदैछ ।
आममहिलालाई लक्षित गरी महिलाको विषयवस्तु सम्बन्धित म्यागेजिनको संख्या न्यून रहेको अवस्थामा नारी मासिकको परिकल्पना गरिएको हो । कान्तिपुर पब्लिकेसन्सको सह–प्रकाशन नारी मासिकले महिलाका विविध आयामलार्ई समेट्दै आएको छ ।महिलाका विषयवस्तुमा प्रकाशित म्यागेजिनको संख्या न्यून रहेको अवस्थामा यसले महिलाका विभिन्न विषयलार्ई समेट्दै आफूलार्ई अग्रस्थानमा राख्न सफल भएको छ ।
© Copyright narimag.com.np |