गीता भण्डारी, गुड न्यू आइ टी सी ब्युटिपार्लर, कलंकी

अहिले वातावरण सारै प्रदूषित छ । धूवाँ, धूलो र कामको व्यस्तताले छाला त्यत्तिकै बिग्रिरहेको हुन्छ । अरू बेला छालाको त्यति हेरचाह गर्न नपाए पनि चाडपर्वमा छाला राम्रो बनाउने विविध उपाय अपनाइन्छ । घर वा भान्सामै उपलब्ध हुने चीजबाट छालाको दैनिक स्याहार गर्न सकियो भने पार्लरमा गएर पैसा खर्च गरिरहनु पर्दैन । यदि फेस्टिभ मुडका लागि फेसियल गराउने हो भने गोल्ड फेसियल उपयुक्त हुन्छ । गोल्ड फेसियलले अनुहारमा चमक ल्याउँछ । २५ वर्ष पूरा भएपछि यो फेसियल गराउन सकिन्छ । ग्लावोनिक मेसिनबाट गरिने फेसियलभन्दा हर्बल फेसियल बढी प्रभावकारी हुन्छ । त्यसमा पनि थर्माेहब फेसियलमा थर्माेहर्ब मास्कको प्रयोगले निस्तेज छालामा चमक ल्याउने, झोल्लिएको छालालाई कसिलो बनाउने, समय नै नपुगी अनुहारमा देखिने चाउरी कम गर्ने, सुख्खा छाला नरम बनाउने आदि गुण हुन्छ । यो छालामा देखिने चायाँ, पोतो, ब्ल्याकहेड्सका लागि पनि लाभदायक उपचार हो । यो फेसियलमा कुनै पनि रसायन प्रयोग गरिँदैन । यो मास्क बेल, गुलाब, पुदिना, चन्दन, काँक्रो, चुकन्दर, तुलसी आदिबाट बनेको हुन्छ । यसको मास्क लगाउँदा ताप आउँछ । यसको मुख्य आधार मुलतानी माटो हो । यो मास्क अनुहारमा कडा हुन्छ । थर्माे मास्कमा ४० डिग्री सेन्टिग्रेटसम्म ताप निकाल्ने क्षमता हुन्छ, तापबाट रक्तसञ्चार बढ्छ । जब मास्क चिसो हुन्छ त्यसबाट खुल्ला रोमछिद्र बन्द हुन्छ र छाला कसिलो हुन्छ । सामान्यतया थर्माेहब मास्क ३० वर्ष कटेपछि मात्र गराउनुपर्छ भनिन्छ तर छालाको समस्या पहिचान गरेर २० वर्षपछि पनि यसको प्रयोग गर्न सकिन्छ ।