मिस ग्राण्ड नेपाल वर्ल्ड २०२४ विजेता विष्णु
राजधानीको जमलस्थित राष्ट्रिय नाचघरको डबलीमा १५ जना प्रतिस्पर्धीभन्दा आफूलाई अब्बल सावित गर्दे गोरखाकी विष्णु गुरुङ मिस ग्राण्ड नेपाल वर्ल्ड २०२४ को ताज पहिरिन सफल भइन् ।
नेपाली चलचित्र वृत्तमा केही आइरहने विवादास्पद घटनाबाहेक स्वच्छ र ऊर्जाशील कामको कुरा गर्दा अभिनेत्री करिश्मा मानन्धर अहिले पनि अग्रपंक्तिमा आउँछिन् । उमेरले ४५ मा हिँडिरहेकी करिश्माले यही वर्ष एसईई परीक्षा बी प्लस ग्रेड ल्याएर उत्तीर्ण भएको कुरा त सबैलाई थाहै छ । १४ वर्षको उमेरमा चलचित्र ‘सन्तान’ बाट चलचित्र अभिनय यात्रा सुरु गरेपछि अध्ययन छोडेकी करिश्माले रोकिएको पढाइ झन्डै ३१ वर्षपछि पूरा गरिन् ।
त्रिवेणी पब्लिक स्कुल मैतीदेवीबाट बाँकी पढाइ सुरु गरेकी करिश्माले एसईई उत्तीर्ण गरेपछि उनलाई निजी कलेजहरूले छात्रवृत्ति सुविधासहित अध्ययनको व्यवस्था मिलाउने प्रस्तावहरू दिए । यद्यपि करिश्माले कलेजचाहिँ ललितपुरको टौखेलस्थित उनकै घर आसपासको सामुदायिक कलेज किटिनीलाई रोजिन् ।
सरकारी कलेजमा व्यवस्थापन पढ्ने इच्छा जाहेर गरेकी करिश्माको कलेजमा कक्षा ११ को कक्षा सुरु भैसकेको छ, तर करिश्मा भने त्यहाँ भर्ना लिएर केही दिनपछि मात्र कलेज जान थाल्नेछिन् । करिश्माले घरपायक कलेज छानेको देख्दा नजिकको तीर्थलाई किन हेंला गर्नु भन्ने सिद्धान्त अपनाएकी हुन् कि भन्ने पनि लाग्छ ।
आममहिलालाई लक्षित गरी महिलाको विषयवस्तु सम्बन्धित म्यागेजिनको संख्या न्यून रहेको अवस्थामा नारी मासिकको परिकल्पना गरिएको हो । कान्तिपुर पब्लिकेसन्सको सह–प्रकाशन नारी मासिकले महिलाका विविध आयामलार्ई समेट्दै आएको छ ।महिलाका विषयवस्तुमा प्रकाशित म्यागेजिनको संख्या न्यून रहेको अवस्थामा यसले महिलाका विभिन्न विषयलार्ई समेट्दै आफूलार्ई अग्रस्थानमा राख्न सफल भएको छ ।
© Copyright narimag.com.np |