दैलेखमा जन्मिएकी गायिका भावना आचार्यले झण्डै एक दर्जन गीत गाईन् । ति एक दर्जन गीतहरुले उनको गायनको संख्या बढाईरहे । तर, नेपाली लोक संगीतमा उनको खासै चर्चा भएन । तर, गत वर्ष उनले ‘बग्ने खोला बगी गो’बोलको गीत गाईन् । यो गीतले उनलाई राम्रै चर्चा दियो । नेपाली सांगीत क्षेत्रमा उनलाई यहि गीतले चिनायो र स्थापित पनि बनायो ।

बग्ने खोलाको सफलतालाई नियालेकी गायिका आचार्यले पुन: बग्ने खोलाको दोस्रो सिरिज लिएर बजारमा आएकी छिन् । बिहिबार मात्रै सार्वजनिक भएको ‘मुलको पानी’बोलको उक्त गीतमा उनलाई नेपाल आईडलको पहिलो सिजनबाट चर्चामा आएका गायक प्रताप दासले गायनमा साथ दिएका छन् ।

गायिका आचार्यको उक्त गीतको म्यूजिक भिडियो समेत सार्वजनिक भएको छ । सार्वजनिक गीतको म्यूजिक भिडियोमा पनि अहिलेका चर्चित अभिनेता पल शाहले अभिनय गरेका छन् । आचार्यको गीतको म्यूजिक भिडियोमा पललाई मोडल निशा पुरीले जोडी बनेर साथ दिएकी छिन् । 

देबेन्द्र पाण्डेको निर्देशनमा तयार भएको गीतको कोरियोग्राफी पनि स्वयम निर्देशकलेनै गरेका छन् । भावनाको उक्त गीतको म्यूजिक भिडियो सार्वजनिक भएसँगै राम्रो प्रतिकृया पाएकी गायिका यो गीतलाई लिएर निक्कै उत्साहित देखिन्छिन् । 

मुलको पानीको म्यूजिक भिडियो :