सुनील बर्मा नेपाली चलचित्रमा
दक्षिण भारतको सुपर हिट चलचित्र ‘पुष्पा’ का मुख्य खलनायक सुनील बर्मा नेपाली फिल्म ‘ह्रस्व दीर्घ’ मा अनुबन्धित भएका छन् ।
पछिल्लो समय नेपाली चलचित्रको पाश्र्व गायनदेखि आधुनिक गीत गायनमा मेलिना राईको नाम पहिलो नम्बरमा आउँछ । विभिन्न देश तथा स्वदेशमै हुने विभिन्न खाले मेला महोत्सवमा पनि उनी निक्कै व्यस्त छिन् । यहि व्यस्तताका बीचमा मेलिनाले एउटा कौँडा गीत सार्वजनिक गरेकी छिन् ।
सधै ट्रेन्डिङमा पर्न सफल गायिका राईले पहिलोचोटी पश्चिमेली लोक दोहोरी भाका कौडामा आवाज भरेकी हुन् । पूर्वेली लोक गीत, चलचित्र गीत, आधुनिक गीतमा उनको स्वरले पछिल्लो समय कब्जा जमाएको भए पनि अब भने पश्चिमेली ठेट लोकगीतमा पनि स्वर दिन थालेकी छिन् ।
मेलिना राईले गाएको कौडा गीत ‘गोरखा डाँडा शितलु’मा अविनाश थापा, रजनी मगर र सर्जक तथा गायक गणेश गुरुङको स्वर रहेको छ । गणेश गुरुङले यस गीतमा लय पनि भरेका छन् भने अविनाश थापाले शब्द लेखेका छन् ।
उक्त कौडा गीत गुरुङ जाति र मगर जातिबीचको मायाप्रेममा केन्द्रित रहेको छ । गीतको म्यूजिक भिडियोलाई दीप गुरुङले निर्देशन गरेका छन् । राजेश घिमिरेको छायांकन रहेको यस गीतको भिडियोलाई सुजन शाहीले सम्पादन गरेका हुन् । भिडियोमा सन्तोष थापा मगर, मनोज थापा मगर, लिला थापा मगर, लक्ष्मी गुरुङ, पार्वती गुरुङ, सुमित्रा गुरुङ, बबिता गुरुङको अभिनय तथा नृत्य रहेको छ ।
कौडा गीतको म्यूजिक भिडियो :
आममहिलालाई लक्षित गरी महिलाको विषयवस्तु सम्बन्धित म्यागेजिनको संख्या न्यून रहेको अवस्थामा नारी मासिकको परिकल्पना गरिएको हो । कान्तिपुर पब्लिकेसन्सको सह–प्रकाशन नारी मासिकले महिलाका विविध आयामलार्ई समेट्दै आएको छ ।महिलाका विषयवस्तुमा प्रकाशित म्यागेजिनको संख्या न्यून रहेको अवस्थामा यसले महिलाका विभिन्न विषयलार्ई समेट्दै आफूलार्ई अग्रस्थानमा राख्न सफल भएको छ ।
© Copyright narimag.com.np |