चिल्लो केशको हेरचाह
महिला–पुरुष दुवैमा चिल्लो केश हुनुको प्रमुख कारण भनेको अतिरिक्त ‘सिबम’ बढी उत्पादन हुनु नै हो ।
मानिसको व्यक्तित्वमा निखार ल्याउन केशको महत्वपूर्ण भूमिका हुन्छ । महिला हुन् वा पुरुष दुवैको व्यक्तित्व विकासमा केशले विशेष सहयोग पुर्याउँछ । सुख्खा, कान्तिहीन एवं रुखो केशका कारण सौन्दर्यमा ठूलो धक्का पुग्छ भने मुलायम, चम्किलो एवं लहलहाउँदो केशले सौन्दर्य वृद्धिमा मद्दत गर्छ ।
सौन्दर्यका लागि अनुहार, हातखुट्टा आदि अंगजस्तै केशको स्याहार–सुसारमा पनि ध्यान पुर्याउनुपर्छ । विशेष गरेर केशको ख्याल राखियो भने यसले अझ बढी सुन्दर बन्न सहयोग गर्छ । केशको सुन्दरताले व्यक्तित्वमा समेत सकारात्मक भाव सिर्जना गर्न सक्छ । केशले सामान्य मानिसलाई पनि आकर्षक देखाउँछ । सौन्दर्यमा अहम् भूमिका खेल्ने केशलाई झट्ट हेर्दा चम्किलो तथा मुलायम बनाउनुका साथै केश झर्नबाट रोक्न उचित स्याहार आवश्यक छ । जसरी एउटा बिरुवा सपार्न मलजलको व्यवस्था गर्नुपर्छ त्यस्तै प्रकारले केशको स्याहारका लागि हेयर ट्रिटमेन्टको ठूलो भूमिका हुन्छ ।
सुन्दर केशका लागि
१५–१५ दिनमा केश ट्रिटमेन्ट गराउनुका साथै स्टिम लिने ।
केश नुहाउनुअघि तेलले मसाज गर्ने ।
महिना–महिनामा मेहन्दी लगाउने ।
गुणस्तरीय स्याम्पु एवं कन्डिसनर प्रयोग गर्ने ।
यसरी गरौं केशको स्याहार
केश राम्रो हुन्छ ।
केश झर्नबाट रोकिन्छ ।
केश चम्किलो, नरम तथा सिल्की देखिन्छ ।
केशको चायाँ हटाउन सकिन्छ ।
जर्रो केशलाई नरम बनाउन सकिन्छ ।
छोटो केशलाई लामो बनाउन मद्दत मिल्छ ।
मेहन्दीद्वारा सेतो केशलाई रातो बनाउन सकिन्छ ।
– हीरा भण्डारी
राष्ट्रिय सौन्दर्यकर्मी संघ, कास्की जिल्ला अध्यक्ष
हीरा हर्बल ब्युटिपार्लर लामाचौर, पोखरा
आममहिलालाई लक्षित गरी महिलाको विषयवस्तु सम्बन्धित म्यागेजिनको संख्या न्यून रहेको अवस्थामा नारी मासिकको परिकल्पना गरिएको हो । कान्तिपुर पब्लिकेसन्सको सह–प्रकाशन नारी मासिकले महिलाका विविध आयामलार्ई समेट्दै आएको छ ।महिलाका विषयवस्तुमा प्रकाशित म्यागेजिनको संख्या न्यून रहेको अवस्थामा यसले महिलाका विभिन्न विषयलार्ई समेट्दै आफूलार्ई अग्रस्थानमा राख्न सफल भएको छ ।
© Copyright narimag.com.np |