लेजर हेअर रिमुभल के हो ?
एउटा विशेष प्रकारको बत्तीको किरण प्रयोग गरी शरीरमा भएका अनावश्यक रौं हटाउने प्रक्रियालाई लेजर हेअर रिमुभल भनिन्छ । यसले बढ्ने प्रक्रियामा रहेका रौंका जरालाई मार्ने काम गर्छ जसले गर्दा फेरि त्यही जराबाट नयाँ रौं पलाउँदैन । कुनै पनि समयमा २० प्रतिशत रौं मात्र बढ्ने क्रममा हुने हुँदा सन्तोषजनक रिजल्टका लागि एक–एक महिनाको फरकमा करिब ६ देखि ८ पटकसम्म यो ट्रिटमेन्ट गराउनुपर्ने हुन्छ ।
यसो गर्दा फेरि कहिल्यै रौं आउँदैन त ?
पूरै रौं नआउने त होइन तर पहिलेभन्दा धेरै कम रौं आउँछ । त्यसैले यसलाई लेजर हेअर रिमुभल नभनेर लेजर हेअर रिडक्सन भन्ने चलन छ ।
यसले शरीरमा केही नकारात्मक असर पार्छ कि ?
सामान्यतया कुनै नकारात्मक असर पर्दैन । यद्यपि हजारौंमा एक जनालाई दाग बस्ने सम्भावना हुन्छ । त्यस्तो नहोस् भनेर लेजर उपचार गर्नुभन्दा एक दिनअघि लेजर प्याच टेस्ट गर्नुपर्छ जसले गर्दा सम्बन्धित व्यक्तिको छालामा यो ट्रिटमेन्ट गर्नुहुन्छ कि हुँदैन निक्र्यौल गर्न सहज हुन्छ ।
लेजर हेअर रिमुभलले कत्तिको पीडा हुन्छ ?
पटक्कै दुख्दैन, अलिअलि तातो मात्र महसुस हुन्छ ।
(स्किन थेरापिस्ट आशा सुवालसंगको कुराकानी )
आममहिलालाई लक्षित गरी महिलाको विषयवस्तु सम्बन्धित म्यागेजिनको संख्या न्यून रहेको अवस्थामा नारी मासिकको परिकल्पना गरिएको हो । कान्तिपुर पब्लिकेसन्सको सह–प्रकाशन नारी मासिकले महिलाका विविध आयामलार्ई समेट्दै आएको छ ।महिलाका विषयवस्तुमा प्रकाशित म्यागेजिनको संख्या न्यून रहेको अवस्थामा यसले महिलाका विभिन्न विषयलार्ई समेट्दै आफूलार्ई अग्रस्थानमा राख्न सफल भएको छ ।
© Copyright narimag.com.np |
