ड्रिम डे अर्थात् विवाहका दिन अप्सराजस्तै सुन्दर तथा आकर्षक देखिने चाहनामा अधिकांश यौवना तौल घटाउन क्रेस डाइटिङ, स्लिमिङ क्याप्सुल, लिक्विड डाइट, फास्टिङ, एक्सेसिभ जिम आदि अपनाउँछन् । जसोतसो तौल कम त हुन्छ तर इनर ग्लो फिक्का हुन्छ र केही समयपछि स्वास्थ्यसम्बन्धी समस्या देखिन थाल्छ । अत: क्रेस डाइटिङको साटो एक्सरसाइज र योगका साथै डाइटलाई सन्तुलित राख्नु उत्तम हुन्छ ।

रियलिस्टिक प्लानिङ

तौल घटाउन सजिलो छ तर यसका लागि इमान्दारी एवं समर्पण आवश्यक हुन्छ । थोरै पनि लापरबाही र जिब्रोको स्वादमा चिप्लियो भने जिमखानामा जत्तिकै पसिना बगाए पनि त्यसको कुनै औचित्य हुँदैन । इन्स्टेन्ट वेट लसको चक्करमा क्रेस डाइटिङ, फास्टिङ, लिक्विड डाइट, स्लिमिङ पिल्सले स्लिम टि्रम लुक त प्रदान गर्छ तर अनुहारबाट नेचुरल ग्लो चोर्छ । तपाईं स्किनी हुनुहुन्छ र तौल बढाउने सोचमा हुनुहुन्छ वा मोटी हुनुहुन्छ र स्लिम हुन चाहनुहुन्छ भने डाइटिसियनबाट डेली मेन्यु प्लान तथा फिटनेस एक्सपर्टबाट दैनिक एक्सरसाइज प्लान लिएर त्यसमा कार्यान्वयन गर्नुपर्छ । वेट लस वा वेट गेनको लक्ष्य रियलिस्टिक हुनुपर्छ । छोटो समयमा स्लिम त भइँदैन, तर ब्राइडल वेयरमा आफ्नो फिगर पर्फ]{ट देखिन्छ । यसको तयारी कमसेकम विवाहभन्दा ६-७ साता पहिले प्रारम्भ गर्नुपर्छ ।

क्यालोरिजको नापतौल

विवाहको भागदौडमा एनर्जी लेवल हाई हुनुपर्छ । यस्तोमा ब्रेकफास्टदेखि डिनर दिनभरि ऊर्जा दिने खालको हुनुपर्छ । तौल घटाउन एउटी महिला -सामान्य उचाइ भएकी) ले दिनभरिमा १२०० देखि १५०० क्यालोरी डाइट लिनुपर्छ र वेट गेनका लागि दिनभरिमा १४०० देखि १७०० क्यालोरी लिनुपर्छ । वेट लसका लागि दिनको प्रारम्भमा अन्न र लो फ्याट मिल्कबाट गर्नुपर्छ र भिटामिन एवं फाइबरका लागि मौसमी फल (आँप, लिची, अंगुर आदि छोडेर) खानुपर्छ । वेट गेनका लागि खानामा ब्राउन ब्रेनका साथमा दुईवटा अण्डाको अमलेट सेवन गर्नुपर्छ । वेट लसका लागि लन्चमा कार्बोहाइड्रेटलाई प्राथमिकता दिनुपर्छ अर्थात् दुईवटा लो फेट सेन्डविच वा रोटी वा दुईवटा ब्रोउन ब्रेड, प्रोटिन अर्थात् दाल, भिटामिन्स, क्याल्सियम वा मिनरल्सका लागि सलाद लिनुपर्छ । साथमा दही र हरियो सागपात पनि । डिनरमा प्रोटिन लिनुपर्छ । एक पिस ग्रिल्ड चिकन वा मेरिनेटेड चिकेन ब्रेस्ट । यदि भेजिटेरियन हुनुहुन्छ भने दाल वा कटेज चीज -पनीर) वा मसरुम । साथमा कार्बोहाइड्रेट -स्टिम्ड ब्राउन राइस), भिटामिन्स र मिनरल्स -हरियो सागपात) । तौल बढाउन होस् वा घटाउन तैलीय वा मसलेदार खाना र रिफाइन्ड फुडबाट टाढा रहनुपर्छ । कम भोक लागेका बेला फ्रुट्स, ड्राई फ्रुट्स आदि खानुपर्छ ।

पर्याप्त पानी

शरीरमा पानीको कमी अर्थात् डिहाइड्रेसन नहोस् भन्ने कुरामा सचेत रहनुपर्छ । शरीरमा पानीको कमी भए आवश्यक भिटामिन्स र मिनरल्स नष्ट हुन्छ, जसले गर्दा अनुहारबाट नेचुरल ग्लो हराउँछ । दिनमा कमसेकम ८-१० गिलास पानी पिउनुपर्छ । चियाको साटो हर्बल टी पिउनुपर्छ । पानी पिउनाले शरीरबाट हानिकारक तत्त्व निस्कन्छ र छाला, नङ एवं केश चम्किलो हुन्छ । पानीबाहेक नरिवल पानी, कागती पानी, लस्सी, ग्रीन टी, फ्रेस जुस आदि सेवन गर्नुपर्छ । एरिएटिड र केफिलन ड्रिंक्स जस्तै कफी, कोला, पेक्ड जुस, सोडा, अल्कोहल, चिया आदिबाट टाढै रहनु उचित हुन्छ ।

फिटनेस मन्त्र

बडी फिट रहोस् तथा टोन्ड -पर्फ]{ट फिगर) होस् भन्ने उद्देश्यले बिहान-बेलुकी २० मिनेटसम्मका लागि ब्रिस्क वाक गर्नुपर्छ । यसबाट थकान महसुस हुँदैन । विस्तारै पैदल हिँड्ने गति बढाउनुपर्छ । दिनमा ३० मिनेट एक्सरसाइजका लागि समय निकाल्नुपर्छ । आम्र्स र थाइज टोनका लागि सातामा दुई-तीनपटक लाइट वेट उठाउनुपर्छ ।

सन्तुलित डाइट

दिनमा तीनपटक खानुको साटो पाँचपटक खानुपर्छ । यसमा कार्बोहाइड्रेट अर्थात् अन्न (ब्राउन राइस, विट ब्रेड, बाजरा, ज्वार आदि) समावेश गर्नुपर्छ र ननरिफाइन्ड ह्वाइट प्रडक्स् (ह्वाइट ब्रेड, ह्वाइट राइस, मैदा आदि) लाई डाइटबाट पूर्णरूपमा हटाउनुपर्छ । हाई प्रोटिनका लागि खानामा दही, दाल, पनीर, माछा आदि समावेश गर्नुपर्छ । खानामा फाइबरको मात्रा बढाउनुपर्छ । एप्लिमेन्ट्सको साटो प्राकृतिक फाइबर खानुपर्छ । फाइबरको प्रमुख स्रोत हो-अन्न, होम मेड सुप, फल आदि । यसबाट फाइबरका साथै मिनरल्स तथा भिटामिन्स प्राप्त हुन्छ । डाइटमा क्याल्सियमको मात्रा बढाउनुपर्छ । त्यसको प्रमुख स्रोत हो-दूध, माछा, मेवा, खरबुजा आदि ।

बोसो कम गर्न डाइटमा चिल्लोलाई पूर्णरूपमा हटाउनु जरुरी छैन । डाइटिसियन्सहरूका अनुसार खानामा पर्याप्त मात्रामा फ्याट्स आवश्यक हुन्छ जसले एनर्जी लेवल कायम राख्न, टिस्यु रिपेयर गर्न र भिटामिन्सलाई शरीरको सबै ठाउँमा पुर्‍याउन मद्दत गर्छ । यसका लागि मख्खनजस्ता सेचुरेटेड फ्याट्सबाट टाढै रही ओलिभ आयल प्रयोग गर्नुपर्छ ।