यस्तै, भलिबलकै उषा भण्डारीले ‘पिपुल्स च्वाइस’ विधाकी विजेता बनिन् । यो अवार्डको मनोनयनमा क्रिकेटका सासिफ सेख, फुटबलका अञ्जन विष्ट, टेनिसकी अभिलाषा विष्ट र पौडीकी डुवाना लामा थिए । पारा तेक्वान्दोकी खेलाडी पलेशा गोवर्धन पारा एथलेट अवार्डबाट सम्मानित भइन् । पलेशाले जापानमा सम्पन्न पाराओलम्पिकमा कांस्य पदक प्रतिस्पर्धासम्मको यात्रा तय गरेकी थिइन् । सोही वर्ष नै पलेशाले बहराइनमा सम्पन्न एसियन युथ पारा गेम्समा स्वर्ण पदक जितेकी थिइन् ।

राष्ट्रिय फुटबल टोलीका पूर्वप्रशिक्षक अब्दुल्लाह अल्मुताइरी वर्षका उत्कृष्ट प्रशिक्षक बन्दा राष्ट्रिय फुटबल टोलीकी मिडफिल्डर मनीषा डा“गी युवा वर्ष खेलाडी घोषित भइन् । ब्याडमिन्टनका दानबहादुर तामाङ र मायादेवी मोक्तान स्पेसल अवार्डबाट सम्मानित भए । तामाङ दम्पतीले आफ्ना तीन सन्तानलाई ब्याडमिन्टनका राष्ट्रिय च्याम्पियन बनाउन सफल भएका कारण स्पेसल अवार्ड प्राप्त गरे । तामाङ दम्पती राष्ट्रिय च्याम्पियनत्रय सरादेवी, नङ्सल र रत्नजित तामाङका बुवाआमा हुन् । एथलेटिक्सका प्रशिक्षक रघुराज वन्त लाइफटाइम एचिभमेन्ट अवार्डबाट सम्मातिन हु“दा अन्तर्राष्ट्रिय एसियन खेल पत्रकार अवार्ड कतारका मोहम्मद हेजीले प्राप्त गरे ।