अनिताको कमाल
नेपालकी अनिता कार्कीले थाइल्यान्डको बैंककमा सम्पन्न सीयू ओपन फेन्सिङ च्याम्पियनसिपसमा कांस्य पदक जितेकी छिन् । नेपालले यो खेलमा जितेको यो नै पहिलो अन्तर्राष्ट्रिय पदक हो, तसर्थ यसको छुट्टै ऐतिहासिक महत्व छ ।![](https://nari-assets-api.ekantipur.com/thumb.php?src=https://nari-assets-cdn.ekantipur.com/uploads/source/news/2019/sports/Anita-Karki-08112019020116.jpg&w=1000&height=600)
![](https://nari-assets-api.ekantipur.com/thumb.php?src=https://nari-assets-cdn.ekantipur.com/uploads/source/news/2019/sports/Anita-Karki-08112019020116.jpg&w=1000&height=600)
नेपाली राष्ट्रिय महिला क्रिकेट टोलीले अफ्रिकी देश युगान्डासँग पाँच खेलको ‘टी–२०’ शृंखला खेलेको छ । विश्व वरियतामा तीन स्थानपछि रहेको युगान्डासँगको उक्त अन्तर्राष्ट्रिय शृंखला भने सुखद हुन सकेन। घरेलु मैदान र समर्थक सामु तुलनात्मक रूपमा कमजोर युगान्डाविरुद्ध नेपालले ब्याटिङ, फिल्डिङ र बलिङ तीनै क्षेत्रमा खराब प्रदर्शन गर्यो । नेपाल पहिलो खेलमा १२ रन, दोस्रो खेलमा १ विकेट र तेस्रो खेलमा ६ विकेटले पराजित भएको थियो । नेपालले चौथो खेलमा युगान्डालाई १५ रनले र पाँचौंमा ३३ रनले पराजित गरेपनि त्यो जित शृंखला जोगाउन पर्याप्त हुन सकेन । अधिकांश अनुभवी अनुहार समेटिएको नेपाली टिममा यस पटक ‘लेग स्पिनर’ हिरान्माये रोय र अस्मिना कर्माचार्यले राष्ट्रिय टोलीबाट डेब्यु गरे । १५ वर्षीया रोयले डेब्यु खेलमै दुई विकेट लिँदै नेपाली महिला क्रिकेटमा आफ्नो लामो यात्राको छनक दिइन् । आसन्न एसिया कप छनोटको तयारीमा रहेको नेपालले खेलाडीलाई एक्स्पोजरका लागि युगान्डालाई आमन्त्रण गरेको थियो। विश्व वरियतामा हाल नेपाल १६ औं स्थानमा तथा युगान्डा १९ औं स्थानमा छन् ।
तस्बिर : केशव थापा