श्रमिक मेलोनी बनिन् शक्तिशाली
इटालीमा पछिल्लो निर्वाचनमा चरम–दक्षिणपन्थी दलहरूको गठबन्धनले आश्चर्यजनक विजय हासिल गरेपछि त्यहाँकी ४५ वर्षीया महिला नेतृ जोर्जिया मेलोनी चर्चाको शिखरमा छिन् ।
१. अहिले कसैको स्वार्थी मनभन्दा पनि चिसो, मौसम छ
तिम्रो ह्दयको कुटिल धड्कनभन्दा पनि चिसो, मौसम छ
घाम हुस्सुले छोपेको बेला, कहाँ न्यानो दिन सक्छु र
निथु्रक्क झरीले रुझेको जीवनभन्दा पनि चिसो मौसम छ ।
२. अचेल प्रेममा विश्वास मेटिएको छ
हरेक इन्द्रेणी सपना रेटिएको छ
हिजो उसले दिएको मायालु गुलाफ
आज सडकमा लावारिस भेटिएको छ ।
३. कोमल फूल छातीमाथि, खस्दा पनि दुख्छ अचेल
यादहरू मुटुभित्र, बस्दा पनि दुख्छ अचेल
बगरमा वसन्तका डोबहरू खोज्दै जाँदा
झुक्किएर शीतल छाल पस्दा पनि दुख्छ अचेल ।
४. आगो बोकेर आएको छु, पानी बोकेर आएको छु
सुख–दु:खको एउटा, कहानी बोकेर आएको छु
जलाउँछौ भने जलाऊ, निभाउँछौ भने निभाऊ
मुटुभरी प्रगाढ प्रेमको निशानी बोकेर आएको छु ।
५. शीतको थोपाले कहिले तिर्खा मेट्न सक्दैन
फूलको धारले ढुङ्गाको मुटु रेट्न सक्दैन
सत्य हो, असम्भव सधैं असम्भव नै हुन्छ
बादल जत्ति नै मच्चिए पनि आकाश भेट्न सक्दैन ।
६. उदास आँखामा खुसी छर्न गल्ती गरियो
शुष्क ओठमा मृदु मुस्कान भर्न गल्ती गरियो
गल्ती नै गल्तीको शृंखला बढेपछि थाहा भो
ढुङ्गाको मुटुमा बसाइ सर्न गल्ती गरियो ।
आममहिलालाई लक्षित गरी महिलाको विषयवस्तु सम्बन्धित म्यागेजिनको संख्या न्यून रहेको अवस्थामा नारी मासिकको परिकल्पना गरिएको हो । कान्तिपुर पब्लिकेसन्सको सह–प्रकाशन नारी मासिकले महिलाका विविध आयामलार्ई समेट्दै आएको छ ।महिलाका विषयवस्तुमा प्रकाशित म्यागेजिनको संख्या न्यून रहेको अवस्थामा यसले महिलाका विभिन्न विषयलार्ई समेट्दै आफूलार्ई अग्रस्थानमा राख्न सफल भएको छ ।
© Copyright narimag.com.np |