कला

ढुंगासँग महिलाको जीवन

पेन्टिङ सुरु गर्दा ल्यान्डस्केपमा फोकस थिइन् । स्वतन्त्र जीवनको अनुभूतिसँगै उनी सुन्दर ल्यान्डस्केपहरू कोर्थिन् । विवाहपछि महिलाको जीवनमा धेरै प्रकारका मोड आउने अनुभवसँगै उनलाई जीवन भनेको रुखजस्तो हो कि भन्ने अनुभूति हुन थाल्यो र उनको कला यात्रा ल्यान्डस्केपबाट रुखका कलाकृतितर्फ मोडियो । जसरी रुख ठूलो हुँदै गएपछि हरेक आकार–प्रकारअनुसार फरक–फरक स्वरूप हुन्छ, सम्झनालाई मानवीय जीवन पनि त्यस्तै लाग्यो । त्यसपछि उनले रुखमार्फत जीवनका सुख–दुःखहरू अभिव्यक्त गर्न थालिन् ।कलरफुल रुखका पेन्टिङले मानिसको रमाइलो क्षणलाई प्रतिनिधित्व गर्छ भने डल कलरले उजाड र दुःखका क्षणहरूलाई प्रतिनिधित्व गर्छन् । राजभण्डारीले धेरै समय रुखका चित्र कोरिन्, केही समययता उनी महिलाहरूलाई ढुंगासँग दाँज्दै आफ्नो पेन्टिङको थिम ढुंगालाई बनाउन थालेकी छिन् । मानिसले ढुंगालाई बाटोमा कुल्चेर हिँड्छ, कहिले भगवान्का रूपमा पूजा गर्छ, कतिले यसलाई ज्वेलरीका रूपमा प्रयोग गर्छन् । त्यसरी नै महिलाहरूलाई कतिले माया त कतिले अपहेलना गरिरहेका हुन्छन् । राजभण्डारीले महिलाका तिनै विभिन्न रूपलाई ढुंगाका विविध रूप–रंग तथा आकृतिमा ढालेकी छिन् ।उनले मोनो कलरमा संघर्षका रूपमा अनि कलरफुल कलरमा संघर्षपछिका कुराहरूलाई उतारेकी छिन् । कलाकार राजभण्डारी भन्छिन्–म आफ्नो कलामा खुसी, दुःख तथा संघर्षका क्षणहरूलाई उतार्ने प्रयास गर्छु । केही समयदेखि उनी रुखलाई पनि ढुंगासँग दाँजेर चित्र कोरिरहेकी छिन् । अहिले उनका रुखमा पहिले जस्तो हाँगाबिँगा र पातहरू छैनन् । अहिले सम्झनाका रुख स्वतन्त्र रूपमा कोरिएका छन् ।यी चित्रले मानवीय जीवनमा हरेकले महसुस गर्ने स्वतन्त्रताको आभास गराउँछन् । मानिसको व्यक्तिगत इच्छाअनुसार जीवन चल्नुपर्छ भन्ने मान्यता नै उनका चित्रको अहिलेको थिम हो । जीवन नदी हो बगिरहनुपर्छ, जहाँ छाल पनि आउँछ, बाढी पनि आउँछ तर नदीको काम बग्ने हो । सम्झनाका चित्रहरू हेर्दा यस्तै अनुभव हुन्छ । जीवन कहिले पहाडजस्तो लाग्छ त कहिले समथर मैदानजस्तो । कहिले स्वतन्त्रता महसुस हुन्छ त कहिले बन्धन । 

नारी संवाददाता , श्रावण ३२, २०७६

-- पुरै पढ्नुहोस् --

चित्रकलामा लाटोकोसेरो 

चित्रकार मीना डंगोलको एउटा अनोठौ स्वभाव छ । हुन त उनको यो स्वभाव उनका स्वर्गीय बुवा पन्छीविद् हीरालाल डंगोलबाट उनमा सरेको हो । दुई वर्षअघि दिवंगत भएका हीरालाल त्यस्ता चित्रकार थिए, जो जंगलमै बसेर चराचुरुङ्गीहरू नियाल्दै उनीहरूका तस्बिर क्यानभासमा उतार्थे ।

नारी संवाददाता , श्रावण २४, २०७६

-- पुरै पढ्नुहोस् --

मलाई मनपर्ने रंग

पहेंलो रंगलाई दुई थरि अर्थले हेरिन्छ । एक अर्थमा खुसी, सकरात्मकता, स्पष्टता, ऊर्जा एवं ज्ञानका रूपमा भने अर्कातिर यसले खतरा र छलको पनि प्रतिनिधित्व गर्छ । यो रंग प्राइमरी रंगमध्ये एक हो । त्यसैले पहेंलो रंगविना कुनै पनि चित्र पूरा गर्न सकिँदैन ।

नारी संवाददाता , असार १९, २०७६

-- पुरै पढ्नुहोस् --

पोखरामा गोल्डेन आइकन

पोखरामा आयोजित छैटौं संस्करणको नेपाल गोल्डेन आइडलको गायनतर्फको उपाधि सर्लाहीका सृजल खनालले जितेका छन् । यो विधामा दाङकी विशाखा शाही फस्ट रनर्सअप तथा इलामका युअल राई सेकेन्ड रनर्सअप भए । 

राजाराम पौडेल, वैशाख २०, २०७६

-- पुरै पढ्नुहोस् --

ठगिइन् आस्था राउत

आस्था राउतको बारेमा कति कुरा गरिरहनु ? आवाजमा उनको छुट्टै जादु छ । उनि स्टेजमा उक्लिएपछि दर्शक हेरेको हरै हुन्छन् । उनको प्रस्तुतीमा खुलेरै मनोरन्जन लिन्छन् । दर्जनौं लोकप्रिय गीत दिइसकेकी गायिका राउत संसारका धेरै देशमा पुगेर नेपाली मनलाई मनोरन्जन दिएकी छिन् । कामको ब्यस्तताका कारण नेपालमा पनि एकदिन घरमा बस्ने फुर्सद छैन् ।

नारी संवाददाता , वैशाख ४, २०७६

-- पुरै पढ्नुहोस् --

मिसेज टप अफ द वर्ल्ड

विवाहित महिलाहरूमा लक्षित मिसेज टप अफ द वर्ल्ड शीर्षकको अन्तर्राष्ट्रिय सौन्दर्य प्रतियोगिताका लागि नेपालको आधिकारिक संस्था ईप्लानेटले अलिना शाक्य तुलाधरलाई मिसेज टप अफ द वर्ल्ड नेपाल–२०१९ घोषणा गरेको छ ।

नारी संवाददाता , चैत्र १६, २०७५

-- पुरै पढ्नुहोस् --

गुरुमा र गुरुबा

गुरुमा, अनगिन्ती शिष्यकी आमा अनि गुरुबा  चाहिँ  तिनका  बाबाकिन  लाग्छ  ती  शिष्यलाई आमा प्यारी,डरलाग्दो बाबा

बिना लामिछाने, चैत्र १२, २०७५

-- पुरै पढ्नुहोस् --

लेटाङ एक्स्पो 

पूर्वीउत्तरी मोरङको लेटाङमा १० दिने लेटाङ एक्स्पो सम्पन्न भएको छ । लेटाङ नगरको आधार, कृषि, पर्यटन, कला र संस्कृति सहितको पूर्वाधार भन्ने नाराका साथ फागुन १७ गते प्रारम्भ भएको एक्स्पो फागुन २६ गतेसम्म चलेको थियो ।

नारी संवाददाता , चैत्र २, २०७५

-- पुरै पढ्नुहोस् --

प्रसूति रोग विशेषज्ञ डा. सुमनको नयाँ पुस्तक

अन्तर्राष्ट्रिय नारी दिवसको अवसरमा नारीप्रति सम्मान गर्दै धुलिखेल अस्पतालमा कार्यरत वरिष्ठ स्त्री तथा प्रसूति रोग विशेषज्ञ डा. सुमनराज ताम्राकारले गर्भ तथा सुत्केरी स्याहारसम्बन्धी पुस्तक ‘एक शरीर : दुई जीवन’ प्रकाशनमा ल्याएका छन् ।

नारी संवाददाता , फाल्गुन २८, २०७५

-- पुरै पढ्नुहोस् --

आमा !

मेरो पहिलो रूवाईशायद तिम्रो पहिलो सच्चा हँसाईत्यतिन्जेल सम्म त हाँसो कतै धरौटी राखेकी थियौ

नारी संवाददाता , माघ १३, २०७५

-- पुरै पढ्नुहोस् --

कास्की सुपरस्टार

पहिलो संस्करणको कास्की सुपर स्टार–२०७५ को नृत्यतर्फको उपाधि सीमा पुनले जितेकी छिन् । पोखरा उद्योग वाणिज्य संघको हल गैरापाटन, पोखरामा सम्पन्न फाइनल प्रतियोगितामा सहभागी १९ जनामध्ये पुन उत्कृष्ट घोषित भएकी हुन् ।

राजाराम पौडेल, माघ ११, २०७५

-- पुरै पढ्नुहोस् --