बजार रिपोर्ट

जाडोका क्रिम

जाडो मौसममा छाला सुख्खा हुने र फुट्ने समस्या देखा पर्छन् । त्यसैले यो मौससमा छालाको हेरचाहमा ध्यान दिनु जरुरी छ । जाडोमा हावा धेरै चिसो हुने भएकाले छालामा विभिन्न समस्या देखापर्छन् । ज्ञानेश्वरकी उमा शर्माको गालामा सेतो फुस्रो दाग आउँछ । त्यस्तै, ललितपुरकी शर्मिलाको पनि यो मौसममा पाखुरामा सेतो गोलो दाग आउँछ । उमा र शर्मिलाको जस्तो समस्या धेरैलाई जाडोमा हुन्छ । छालामा सुख्खापनका कारण विभिन्न समस्या आउँछन् । चिसो मौसममा छालालाई मोस्चराइज गर्न आवश्यक हुन्छ । बजारमा विभिन्न ब्रान्डका मोस्चराइजर क्रिमहरू उपलब्ध छन् । नेपालमा आस्ताबेरी, जोय, हिमालयन, लोटस, ओसियालगायतका ब्रान्डका कस्मेटिक सामानहरू पाइन्छन् । अनुहार फुट्नेदेखि ओठ फुट्नबाट बचाउनका लागि छालाको नरमपनलाई कायम राख्न बजारमा विभिन्न ब्राण्डका क्रिम तथा लिपबाम उपलब्ध छन् ।इन्डियन ब्रान्ड ‘जोय’ ले जाडोलाई लक्षित गर्दै ‘जोय हनी आलमन्ड क्रिम’, ‘बडी लोसन’ तथा ‘लिपबाम’ बजारमा ल्याएको छ । सुख्खा छालाका लागि ‘आलमन्ड वेल’ को मोस्चराइजिङ क्रिम बजारमा उपलब्ध छ । यो क्रिमले सुख्खा छालालाई नरम बनाउनुका साथै चाउरीपन हटाउन उपयोगी भएको दाबी कम्पनीको छ । त्यस्तै, कम्पनीले छाला स्वस्थ राख्नका लागि ‘कोको बटर’ ल्याएको छ । जोयले ल्याएको ‘जोय पपैया लिप बाम’ ले ओठलाई नरम बनाउँछ । कम्पनीका नेपालस्थित ब्रान्ड म्यानेजर मदन रौनियार भन्छन्, ‘हाम्रा उत्पादनहरू गुणस्तरीय हुनुका साथै सुलभ मूल्यमा बजारमा उपलब्ध छन् ।’नेपाली बजारमा सौन्दर्य सामानका लागि अर्को उपयुक्त ब्रान्ड हो, ‘पामाकेयर’ । ‘हेल्दी विथ ब्युटी’ नारा रहेको यसका सामान बजारमा पाउन सकिन्छ । जाडो तथा गर्मी दुवै मौसम लक्षित यसका सौन्दर्य सामग्री रहेका छन् । यस कम्पनीका नेपालस्थित ब्रान्ड म्यानेजर महेश चौधरीले विगत १५ वर्षदेखि यो ब्रान्डले नेपालमा सामानहरू उपलब्ध गराउँदै आएको बताए । ‘अहिले भने जाडोलाई लक्षित गर्दै लिपबाम बजारमा ल्याएका छौं’ उनले भने, ‘यो लिपबामले ओठ सुरक्षित राख्नुका साथै सुख्खा हुन र फुट्नबाट समेत बचाउँछ ।’ यो ब्रान्डका लिपबाम, हर्बल, भेनिला, अरेन्ज, चेरीलगायतका विभिन्न फ्लेबरमा बजारमा उपलब्ध छन् ।‘सोरायास कस्मेटिक’ की संस्थापक सीता पौडेलले विगत ४ वर्ष बजारमा कस्मेटिक सामानहरू उपलब्ध गराउँदै आएको बताइन् । उनका अनुसार यो कम्पनीले जाडोलाई लक्षित गर्दै मोस्चराइजर क्रिम, टोनरदेखि सनस्क्रिन बजारमा ल्याएको छ । कम्पनीले उपभोक्तालाई सामान उपलब्ध गराउनुका साथै लगाउने विधिका बारेमा पनि ज्ञान दिन्छ । उनका अनुसार कुनै पनि व्यक्तिले मोइस्चराइजिङ क्रिमको प्रयोग गर्नु पहिले छालाअनुसार राम्रो खालको क्रिम छनोट गर्नुपर्छ । उनी भन्छिन्, ‘हाम्रो ब्रान्ड सामान बेच्ने मात्रै होइन ग्राहकहरूप्रति उत्तरदायी पनि छ ।’नेपाली बजारमा वर्चश्व कायम गरेको अर्को ब्रान्ड हो–‘लोटस हर्बल ब्रान्ड’ । यो ब्रान्डका सनस्किनदेखि कोल्ड क्रिमसम्म बजारमा उपलब्ध छन् । लोटसद्वारा उत्पादित सामानमा फलफूलको जैविक तेल प्रयोग गरिएको छ । यो कम्पनीले पनि जाडोलाई लक्षित गर्दै बडी लोसनदेखि, सनस्किन, लिपबाम ल्याएको छ । जाडो मौसममा बडी लोसनको माग अधिक हुने गरेको लोटसका ब्रान्ड म्यानेजर ऋषि अधिकारीले बताए ।

नारी संवाददाता , माघ ११, २०७७

-- पुरै पढ्नुहोस् --

उपयोगी उपकरण

जाडो मौसम सुरु भएसँगै हामीलाई न्यानो प्रदान गर्ने विभिन्न विद्युतीय उपकरण बजारमा आइसकेका छन् । विभिन्न कम्पनीले प्रतिस्पर्धात्मक रूपमा ती हिटिङ उपकरण भित्र्याएका छन् ।

नारी संवाददाता , पुस १७, २०७७

-- पुरै पढ्नुहोस् --

सन् २०२० का मेकअप ट्रेण्ड

सन् २०२० मालोरियलले सार्वजनिक रूपमा शतप्रतिशत इकोफ्रेन्डली प्याकेजिङ (पुनप्रयोजन जन्य) सामग्र उत्पादनगर्ने प्रतिबद्धता जनाएको छ । बाहिरी जलविहीन सौन्दर्य पनि यसैतर्फ केन्द्रित छ । सन् २०१९ मा लोरियलले बाहिरी पानीको खपत घटाई सफलता हात पारेको थियो ।

रीनाप्रधान, कस्मेटोलोजिस्टजेष्ठ ६, २०७७

-- पुरै पढ्नुहोस् --

स्कुटी सररर

अटो लाइफ नेपालले पहिलो पटक टिभिएस स्कुटी पेप नेपाल भित्र्याएको थियो । स्कुटर भन्नेबित्तिकै स्कुटी पेप दिमागमा आइहाल्ने त्यतिबेलाको उक्त स्कुटर निकै लोकप्रिय थियो । 

लक्ष्मी भण्डारी, फाल्गुन १६, २०७६

-- पुरै पढ्नुहोस् --

स्किन र  हेयर केयर

 प्रोफेसनल जमानामा बाहिर काम गर्नुपर्ने हुन्छ, त्यसका लागि टिपटप हुनैपर्‍यो । व्यक्तित्व सबल बनाउन पनि यो जरुरी छ । यसका लागि सहयोगी तत्व हुन्— स्वास्थ्य र सौन्दर्य । 

नारी संवाददाता , माघ १२, २०७६

-- पुरै पढ्नुहोस् --

फैलँदो बजार 

पर्यटकीय स्थानहरू ठमेल वसन्तपुर एरियामा मात्र पाइने हस्तकलाका सामान अहिले कुपन्डोलमा समेत उपलब्ध हुन थालेका छन् ।

प्रकृति दाहाल, पुस २४, २०७६

-- पुरै पढ्नुहोस् --

कसरी चिन्ने उपभोग्य वस्तु  ?

आजको विज्ञानको युगमा परिस्कृत वस्तु र सेवाको उत्पादन एवं उपभोगको माग बढ्दो छ । साक्षरताको प्रतिशत कम रहेको हाम्रो जस्तो मुलुकमा ठूलो संख्याका उपभोक्तामा सचेतना र जागरणको अभाव छ । उपभोक्ताले होसियार हुने पर्याप्त क्षमता राख्न सक्ने अवस्था छैन ।

लक्ष्मी भण्डारी थापा, आश्विन ७, २०७६

-- पुरै पढ्नुहोस् --

खरिददारीको बदलिँदो ट्रेन्ड

हिजोआज प्राय: किनमेल डेबिड वा क्रेडिट कार्डबाटै हुन्छ । ठूला मल, सपिङ स्टोर, ग्रोसरी तथा मार्टहरूमा सामग्री किनमेलका लागि नगद बोकेर हिँड्नु पर्दैन । यस्ता ठाउँमा भएका आउटलेट तथा पसलहरूले पनि एससिटी, युनियन पे, भिसा, मास्टर आदि डेबिड तथा क्रेडिट कार्डद्वारा बिल तिर्न सकिने सुविधा उपलब्ध गराएका छन् भने सामान खरिदको बिल सरकारलाई तिर्ने करसहित आफ्नो हातमा आइपुग्छ ।

लक्ष्मी भण्डारी थापा, भाद्र २३, २०७६

-- पुरै पढ्नुहोस् --

घरमै स्वास्थ्य उपकरण

विगत केही वर्षयता नेपालीहरूले पनि स्वास्थ्य नै सबथोक भन्ने कुरामा ध्यान दिन थालेका छन् । स्वास्थ्यप्रति सजग, सचेत र सतर्क हुन थालेकै कारण अहिले मानिसहरू घरमै स्वास्थ्य जाँचका उपकरणहरू राख्न प्रेरित भएका छन् । घातकबाहेक अन्य सामान्य रोगका लागि उपयोगी उपकरण धेरै पैसा नपर्ने र प्रयोग गर्न पनि सजिला भएकाले अहिले मानिसहरू ज्वरो नाप्नकै लागि मात्र अस्पताल धाउँदैनन् ।

लक्ष्मी भण्डारी थापा, श्रावण ३०, २०७६

-- पुरै पढ्नुहोस् --

झलमल्ल भान्सा

अहिले जिउने कला फेरिएको छ । जीवन बिताउने शैली बदलिएको छ । जीवनशैलीमा आएको यो ठूलो परिवर्तनले कमैलाई माक्र नछोएको होला । हरेक व्यत्ति आफ्नो लाइफ स्टाइल अपग्रेडिङमा कन्सस देखिन्छन् । उहिले सुकुल–पिर्कामा बसेर खाना खाने हजुरबुवा–हजुरआमा अहिले डायनिङ टेबलमा बसेर आनन्दसँग खान्छन् ।

लक्ष्मी भण्डारी थापा, जेष्ठ २९, २०७६

-- पुरै पढ्नुहोस् --

सुन्दर देखिन नयाँ प्रविधि

सुन्दर देखिन सामान्यतया गाजल, टीका, सिन्दूर अनि चुरापोतेजस्ता सामग्री प्रयोग गर्ने हाम्रा आमा–हजुरआमाको समयमा अहिले ठूलो परिवर्तन आइसकेको छ । माथि भनिएका सौन्दर्य सामग्री प्रयोग नगरी अन्य विधिद्वारा आकर्षक देखिने ट्रेन्ड बढिरहेका बेला सुन्दरता थप्न नयाँ प्रविधिसँगै नयाँ शैलीको थालनी भएको छ ।

लक्ष्मी भण्डारी थापा, चैत्र २६, २०७५

-- पुरै पढ्नुहोस् --