फेसन

पृथक शैलीको आइइसी रेड डे 

आइइसी कलेज अफ आर्ट एण्ड फेशनको ‘आइइसी रेड डे–२०१९’ सम्पन्न भएको छ । आइइसी कलेजले हरेक बर्ष आयोजना गर्ने यस रनवे कार्यक्रममा विद्यार्थीहरुले पृथक शैलीमा राता रंगका पहिरन शोकेश गर्ने गर्दछन् । आइइसीमा अध्ययनरत इन्टेरियर तथा फेशन डिजाइनिङका विद्यार्थीहरुद्धारा डिजाइन गरिएका राता रंगका वेयरएवल तथा डिजाइनर्स पहिरन हरु रेड डे मा प्रस्तुत गर्ने गरिन्छ । वेलकम डान्सबाट शुरु भएको यस पटकको आइइसी रेड डे बिगतको तुलनामा ग्राण्ड देखिन्थ्यो । बाह्रवटा सिक्वेन्समा बिभाजित उक्त शोका सबै पहिरन राता रंगका थिए । डिजाइनर तथा वेयरएवल दुबै किसिमका पहिरन प्रस्तुत गरिएको यस शोमा विद्यार्थीहरु आफ्नै सृजनामा ऱ्याम्पमा क्याटवाक गरिरहेका थिए । यस्ता शोले युवाको चौतर्फी विकाशमा अहम भुमिका खेल्ने बताउंदै आइइसी गु्रपकी कार्यकारी निर्देशक शैलजा अधिकारी भन्छिन्–‘डिजाइनरमा आत्मविश्वासको आवश्यकता हुन्छ । मेकअप, ड्रेस डिजाइन, ऱ्याम्पवाक लगायतका चौतर्फी बिधामा विद्यार्थीलाई आत्मविश्वासी बनाउन यो गरिन्छ । सन् २००७ देखी यस्ता क्रियटिभ कार्यक्रम आयोजना गर्न थालेपछि बिद्यार्थीहरुमा चौतर्फी आत्मविश्वास र सृजनशिलता थपिदै गएको महसुस गरेका छौं ।’ ऱ्याम्प वाक र पहिरन प्रस्तुती बाहेक कार्यक्रममा परम्परागत नृत्य, सम्मान बितरण तथा इन्टेरियर प्रकृया सम्बन्धी भिडियो समेत प्रस्तुत गरिएको थियो । आईइसीका फेशन कलेजका डिजाइनिङतर्फका २ सय ९४ तथा इन्टेरियर तर्फका १ सय ३५ जना   विद्यार्थीे सहभागी रेड डेमा फेशन तर्फ पाल्देन दोर्जी शेर्पा विनर, आलोक अर्याल फस्ट रनरअप, मीराज हुसैन सेकेण्ड रनरअप तथा अञ्जिला श्रेष्ठ र बिमला नापितले अपकमिङ डिजाइनरको अवाड हात पारे । त्यसैगरी इन्टेरियरतर्फ समुह २ का सुमित श्रेष्ठ, प्रनिता श्रेष्ठ, प्रिया शर्मा काफ्ले तथा सोनाम शेर्पा विनर, फस्ट रनरअपमा समुह १ का रेश्ना महर्जन, दिक्षान्त पण्डित, शिष्टा चित्रकार तथा बिनी महर्जन , सेकेण्ड रनरअपमा समुह ९ का मुना परियार, शुष्मा महतो, सुरबिना तामाङ, किशन सुबेदी र समुह–३० का गिर्वान शेरचान, रितु खड्का, दिपेशराज जोशी, सृष्टि श्रेष्ठ, अखिल कोचर तथा अनृुशा मानन्धर ले अपकमिङ डिजाइनरको अवार्ड हात पारे ।  

नारी संवाददाता , मंसिर २३, २०७६

-- पुरै पढ्नुहोस् --

ब्राइडल वेयरमा  फ्युजन च्वाइस

यो ज्याकेटको किनारमा लेहेंगाको जस्तै हेभी इम्ब्रोइडरी हुन्छ जसले यसलाई थप रोयल लुक प्रदान गर्छ । यो मौसमका लागि लेहेंगा विद टेल पनि फेसनमा छ । यस्तो लेहेंगाको घेरा पछाडि बढी हुन्छ । यसको पछाडिको भाग जमिनमा लत्रन्छ । यो डिजाइनले दुलहीको चाललाई अझ ग्रेसफुल बनाउँछ । त्यस्तै यही चिसो मौसमलाई मध्यनजर गरी ज्याकेट लेहेंगा पनि रोयल लुक्स दिने डिजाइनर वेयर हो ।

मञ्जु ढकाल, मंसिर २०, २०७६

-- पुरै पढ्नुहोस् --

पोखरमामा फेसनमय जीवनशैली 

गत साता पर्यटकीय नगरी पोखरास्थित स्वीस इन्टरनेसनल होटल सरोवरको प्रेक्षालय फेसनमय बन्यो । १४ जना युवती मोडलहरुले विभिन्न पाँच वटा सिक्वेन्स मार्फत् विविध डिजाइन र शैलीका फेसनका स्वरुपहरु प्रस्तुत गरेको उक्त फेसनमय प्रस्तुति ‘जीवनशैली नामक फेसन शो’ अन्तर्गत समेटिएको थियो ।

नारी संवाददाता , मंसिर ३, २०७६

-- पुरै पढ्नुहोस् --

आधुनिकतातर्फ  परम्परागत पहिरन  

युवीका अनुसार अरु समयमा त हामी इस्टर्न–वेस्टर्न आदि पहिरन लगाइरहेका हुन्छौं तर विवाहमा आफ्नो संस्कृति–परम्पराअनुकूलको पहिरन छोड्न सकिँदैन । युवी आफूलाई लुंगी र पटुकीलाई यथावत् राखी ब्लाउजमा डिजाइनर टच दिएर हल्का मोडिफाइ गर्न केन्द्रित गरिरहेका छन् । अहिलेको पुस्ता आ–आफ्नै जातीय पहिरनको मोहमा परेको उनको अनुभव छ ।

सिर्जना दुवाल श्रेष्ठ, मंसिर २, २०७६

-- पुरै पढ्नुहोस् --

पहिरनमा  रंगको प्रभाव

रातो, हरियो तथा नीलो रंगलाई मूल रंग मानिन्छ । रातो रंगलाई प्रेम, पवित्रता एवं ऊर्जा तथा नीलोलाई ताजगीको प्रतीक मानिँदै आएको छ । हरियो रंगलाई शीतलता तथा आशाको प्रतीक मानिन्छ । पहेंलो रंगलाई उज्यालो, प्रसन्नता अनि गुलाफी रंगलाई भावुकता एवं कोमलतासँग जोडेर हेरिन्छ ।

नारी संवाददाता , कार्तिक १८, २०७६

-- पुरै पढ्नुहोस् --

ट्रेडिसनल वेयरमा डिजाइनर्स लुक्स

अहिले धेरैजसो महिला साडी लगाउँदैनन् । व्यस्त समयका कारण महिलाहरू इजी वेयरतर्फ आकर्षित हुँदैछन् । तैपनि तीज र दसैंमा भने विवाहित महिलाहरू साडी नै लगाउन खोज्छन् । साडीलाई पनि इजी टु वेयरका रूपमा स्कर्ट साडी, ड्रपिङ साडी, पाइन्ट स्टाइलमा साडी, ग्याडर साडीहरू सजिलो हुने भएकाले यही थिममा साडी तयार गरिरहेकी छु ।

नारी संवाददाता , आश्विन १७, २०७६

-- पुरै पढ्नुहोस् --

टीका लगाउन जाँदा 

अरूबेला भन्दा फरक र आकर्षक समेत देखिन चाहने हुँदा यति बेला आफ्नो च्वाइस र फिगरअनुसार पहिरन लगाउनुपर्छ । यतिबेला साडीका साथै कुर्ता, लेहेंगा नै धेरैको रोजाइमा पर्छ । आफ्नो घरको टीकामा साडी लगाइने हुँदा साडी सजिलो तरिकाले लगाउन मिल्ने गरी फिक्स साडी तयार गराउन सकिन्छ ।

नारी संवाददाता , आश्विन १६, २०७६

-- पुरै पढ्नुहोस् --

राम्रो र नयाँ पहिरन  लगाउने लहर

कतिपयले यस्ता चाडपर्वमा ट्रेडिसनल लुक्स दिने पहिरन नै लगाउन खोज्छन् । साडीका पनि अनेक डिजाइन छन् । साडी लगाउने शैलीमा पनि विविधता छ । साडीसँग हल्का गहनाको कम्बिनेसन राम्रो देखिन्छ । फर्मल वेयरमा साडी धेरैले रुचाउने पहिरन हो । त्यसपछिको सदाबहार पहिरनमा पर्छ, कुर्ता–सुरुवाल । न यसलाई मौसमले असर गर्छ, न त अवसरले नै । जस्तोसुकै बेला पनि कुर्ता–सुरुवाल सही हुन्छ ।

सिर्जना दुवाल श्रेष्ठ, आश्विन १२, २०७६

-- पुरै पढ्नुहोस् --

बेहुलीको क्याटवाक 

चितवनको भरतपुरस्थित फेमिना ब्युटिपार्लरले आफ्नो १८ औं वार्षिकोत्सवको अवसर पारेर नेपाली परम्परागत विवाह तथा नेपाली संस्कारी बेहुली थिममा फेसन शो प्रस्तुत गरेको छ । उक्त अवसरमा ब्युटिपार्लरमा बेहुलीको मेकअप गरेर विवाह गरेका बेहुली तथा मेकअप कोर्स गरिरहेका विद्यार्थीहरू बेहुलीको पहिरनमा र्‍याम्पमा उत्रिएका थिए ।

नारी संवाददाता , आश्विन ४, २०७६

-- पुरै पढ्नुहोस् --

म्युजियममा फेसन शो

परम्परागत फेसन शोभन्दा पृथक् मानिएको उक्त शोमा नेपाली पहिरनलाई नेपाली सम्पदासँग जोड्ने प्रयास गरिएको कासाकी सञ्चालक तथा फेसन डिजाइनर रमिला नेमकूलले बताइन् । उक्त फेसन शोको मुख्य उद्देश्य नेपाली ब्रान्डलाई अन्तर्राष्ट्रियस्तरमा पुर्‍याउनुका साथै मेड इन नेपाललाई प्रवर्द्धन गर्नु एवं नेपाली पहिरनमार्फत नेपाली संस्कृतिको प्रबर्द्धन गर्नु थियो । 

सिर्जना दुवाल श्रेष्ठ, भाद्र २१, २०७६

-- पुरै पढ्नुहोस् --

मनसुन फेसन 

लबिम मलको भुईं तल्लामा आयोजित उक्त फेसन शोका प्रायः सबै सिक्वेन्समा मनसुन वेयर प्रदर्शन गरिएको थियो । १६ वटा सिक्वेन्समा विभाजित यो फेसन शोमा ८ जना पुरुष, १२ जना महिला तथा ८ जना बाल मोडलले आकर्षक पहिरनहरू प्रदर्शन गरेका थिए ।

नारी संवाददाता , भाद्र ६, २०७६

-- पुरै पढ्नुहोस् --