मनोरन्जन

सज्जा चौलागाईं, विजेता, नेपाल आइडल

पहिलो महिला नेपाल आइडल हुनुभएको छ । कस्तो प्रतिक्रिया पाइरहनुभएको छ ?पहिलो महिला नेपाल आइडल बनेकोमा आफैंलाई गर्व महसुस भएको छ । अहिले सबैतिरबाट सकारात्मक प्रतिक्रिया पाइरहेकी छु । सबैले जे हुनु थियो भयो भनिरहनुभएको छ । अघि बढ्नका लागि हौसला दिइरहनुभएको छ ।आइडलको उपाधि जित्नासाथ के कुरा सम्झनुभयो ?मैले उपाधि जित्नासाथ गायक बन्ने क्रममा गरेका संघर्षहरू सम्झिएँ । गायक बन्नका लागि मैले थुप्रै संघर्ष झेलेकी छु ।सांगीतिक यात्रा कसरी सुरु भयो ?बुवाआमाले गुनगुनाएको सुनेर नै मलाई गीत गाउने रहर पलाएको हो । म कुनै सांगीतिक माहोलमा हुर्केको भने होइन । संगीत सिक्ने मौका पनि पाइनँ । बर्निङ डिजायरले पनि गायक बन्न प्रेरित गरेको हो ।पहिलो गीत कहाँ गाउनुभयो ?मैले १० कक्षा पढ्दा विद्यालयको प्रतियोगितामा तारादेवीको उकाली ओरालीहरूमा ...गीत गाएको थिएँ । उक्त प्रतियोगितामा उपाधि जितेकी थिएँ ।‘द लर्ड ब्यान्ड’ कसरी निर्माण भयो ?गीत गाउने रहरले ब्यान्ड बनेको हो । गीत गाउने रहर थियो तर प्लेटफर्म कही थिएन । ठमेलको क्लबमा गीत प्रस्तुत गर्नका लागि साथीहरू मिलेर यो ब्यान्ड निर्माण भएको हो । यही ब्यान्डमार्फत नै ठमेलका क्लबमा गीत गाउने गर्थें ।क्लबमा गाउँदाको अनुभव कस्तो रह्यो ?मलाई गीत गाउने एक प्रकारको हुटहुटी थियो । क्लबमा त्यो रहर पूरा गरें । क्लबमा गाउने क्रममा मैले सिक्ने मौका पनि पाएँ । गाउनका लागि आत्मविश्वास पनि बढ्दै गयो । अर्को कुरा क्लबमा गाउँदा आम्दानी पनि हुन्थ्यो । एकातिर आम्दानी अर्कोतिर रहर दुवै पूरा हुन्थ्यो ।गीत गाएर कति कमाइ हुन्थ्यो ?त्योचाहिँ गोप्य नै राखौं ।क्लबमा दुर्व्यवहार भोग्नुपर्‍यो कि ?मेरो सन्दर्भमा त्यस्तो भएन । आफू सही भएर काम गरे यसको सामना गर्नुपर्दैन ।नेपाल आइडलमा दोहोरिएर आउनुको कारण ?पहिलो नेपाल आइडलमा धेरै परसम्म पुग्न सकिनँ । दोस्रोमा पनि मन थियो, बाध्यतावश सकिनँ । तेस्रो संस्करणमा भने विश्वासका साथ आएँ र उपाधि पनि हासिल गरें ।आगामी दिनमा तपाईंको प्राथमिकता के कुरामा हुन्छ ?अबको मेरो पहिलो प्राथमिकता भनेको आफ्नो ब्यान्डलाई अघि बढाउनु हो । ब्यान्ड सँगसँगै आफू पनि एक अब्बल गायक बन्ने प्रयास गर्नेछु ।

नारी संवाददाता , आश्विन १३, २०७७

-- पुरै पढ्नुहोस् --

स्वस्तिमाको अभिनयमा फड्को

व्यवसायिक हिसाबले ‘ठीकै’ मानिएको ‘नाई नभन्नु ल–५’ मा औसत देखिएकी स्वस्तिमाले ‘बुलबुल’मा भने सम्झनलायक अभिनय गरिन् । सोही चलचित्रबाट राष्ट्रिय अवार्ड समेत प्राप्त गरेको स्वस्तिमाको अभिनय यात्रा अंग्रेजी भाषाको चलचित्र तर्फ सोझिएको छ । 

नारी संवाददाता , वैशाख २३, २०७७

-- पुरै पढ्नुहोस् --

सफलताको राज नै आमा

कर्माले पहिलो पटक यतिका दिन आमासँग बिताउन पाएका छन् । लकडाउनले यो मौका जुराइदियो । आमाको माया अपरम्पार हुन्छ भन्ने थाहा भए पनि यसरी आमासँगै बस्ने मौका उनले कमै मात्र पाएका थिए ।

सिर्जना दुवाल श्रेष्ठ, वैशाख ११, २०७७

-- पुरै पढ्नुहोस् --

केटाकेटीका निम्ति युट्यूबमा वर्णमालापछि अब स्वरमाला

सामाजिक सञ्जाल युट्यूबमा बालबालिकाका निम्ति उपयोगी सामग्रीहरु थुप्रै भेटिन्छन् । नेपाली भाषा सिक्नका लागि सहज होस् भन्ने उद्देश्यले नेपालयकासँगको सहकार्यमा गीतकार तथा संगीतकार आभाषले वर्णमाला र स्वरमाला तयार पारेका छन् ।

नारी संवाददाता , वैशाख १०, २०७७

-- पुरै पढ्नुहोस् --

स्कोप देखेरै नेपाल फर्किएकी हुँ : श्रद्घा मास्के

नेपालमा धेरै कुराको स्कोप छ । तर हामी जसले कुनै नयाा काम गर्छ, जुन कुरा चलेको देख्छौं,  उसकै पछि लाग्छौं । यसले गर्दा बजार बिग्रिरहेको छ । नेपालमा सबैले मेकअप आर्ट नै सिक्नुपर्छ भन्ने छैन, नेपालमा छुट्टै हेयर स्टाइलिस्ट, नेल आर्टिस्ट, छुट्टै वाक्सिङ, थ्रेडिङ, फेसियल गर्ने टेक्निसियनको कमी छ ।

सिर्जना दुवाल श्रेष्ठ, वैशाख १, २०७७

-- पुरै पढ्नुहोस् --

लकडाउनमा सेलिब्रेटीः कोही टिकटक बनाउँदै, कोही पढ्दै

अहिले आमदर्शक, स्रोता तथा पाठकले रुचाएका सेलिब्रेटी पनि क्वारेन्टाइन अर्थात् घरभित्रै बसिरहेका छन् । लकडाउनमा सेलिब्रेटीहरुले के गरिरहेका छन् त ?

सिर्जना दुवाल श्रेष्ठ, चैत्र १६, २०७६

-- पुरै पढ्नुहोस् --

सिड्नीमा हेरिटेज अफ फेसन 

फेसन शोमा नेपालसहित भारत, चीन, अस्ट्रेलिया, न्युजिल्यान्ड, कोरिया, फिलिपिन्सलगायत देशका ३५ मोडल र्‍याम्प वाल्कमा देखिएका थिए । उनीहरू विभिन्न ९ सिक्वेन्समार्फत र्‍याम्प वाल्कमा प्रस्तुत भएको आयोजक संस्थाका प्रबन्ध निर्देशक सन्तोष अधिकारीले जनाए । 

नारी संवाददाता , चैत्र ८, २०७६

-- पुरै पढ्नुहोस् --

प्रतिस्पर्धामा रमाउने गायिका

प्रतिस्पर्धा रुचाउने विद्या तिवारी हेटौंडामा बस्दादेखि नै खोजी प्रतिभा, नेपाली तारा आदि प्रतियोगितात्मक कार्यक्रममा सहभागी हुन्थिन् । प्लस टुपछि काठमाडौं आएकी उनले सानैदेखिको गायनप्रतिको रहर पूरा गर्न शास्त्रीय संगीतका कक्षा लिन थालिन् ।

नारी संवाददाता , चैत्र ६, २०७६

-- पुरै पढ्नुहोस् --

मिस नेपालको धरान अडिसनमा ६ युवती

मिस नेपाल २०२० को धरान अडिसनमा ६ जना प्रतियोगीहरुले अडिसन दिएका छन् । प्रतियोगीतको लागि भनेर १२ जना युवती अडिसनमा आएपनि ६ युवती उचाइ कम भएका कारण फर्किएका थिए । अडिसनमा भाग लिनका लागि ५.४ इन्च उंचाई हुनु पर्ने नियम छ । 

नारी संवाददाता , चैत्र ५, २०७६

-- पुरै पढ्नुहोस् --

गायनमा सराना

सराना अहिले बुवा मदनकृष्ण श्रेष्ठसँग बढी समय बिताइरहेकी छिन् । उनलाई बुवाले त्यत्तिकै बस्न दिएनन् । केही महिनाभित्रै ७–८ वटा गीत रेकर्ड गर्न लगाए । ‘पानी छाया’ गीत बुवासँग गाउन पाउनु उनका लागि अविस्मरणीय क्षण हो । जब सराना गीत गाउँछिन् तब मदनकृष्ण लठ्ठ पर्छन् ।

नारी संवाददाता , चैत्र ४, २०७६

-- पुरै पढ्नुहोस् --

मिस वल्र्ड आयोजकवाट सहयोग

मिस वल्र्ड आयोजकले मिस नेपाल २०१९ अनुष्का श्रेष्ठ र पूर्व मिस नेपाल शृंखला खतिवडालाई २०,२० हजार डलर सहयोग गर्न भएको छ । ब्युटी विथ पर्पाेज विजेता शृंखला र अनुष्काले सुरु गरेको समाज सेवा परियोजनालाई सहयोग स्वरुप सो रकम प्रदान गर्ने लागेका हुन् ।

नारी संवाददाता , फाल्गुन २९, २०७६

-- पुरै पढ्नुहोस् --