मनोरन्जन

मनकारी सेलिब्रेटी

कोरोनाको अनियन्त्रित संक्रमणले विश्वलाई नै नराम्ररी सताइरहेको छ । यो विश्वव्याधिले धेरैको ज्यान लिइरहेको छ । धेरैलाई अस्पतालमा थुपारिदिएको छ । खतरा मोलेरै स्वास्थ्यकर्मीहरूले संक्रमितको उपचार गर्दैछन् । यद्यपि पर्याप्त स्वास्थ्य सुविधा र पहुँचबाट धेरैजसो वञ्चित छन् । अक्सिजन नपाएर छटपटाइरहेका छन् । उपचार अभावमा अस्पताल परिसरमै लम्पसार परिरहेका संक्रमित र कुरुवाहरूका दयनीय तस्बिर सार्वजनिक भइरहेका छन् ।यही जटिल पृष्ठभूमिमा कतिपयले भने स्वतस्फूर्त सहयोगको हात बढाएका छन् । आफ्नो गच्छेले भ्याएसम्म उनीहरू उपचारमा सहयोग गरिरहेका छन् । यिनै सहयोगी मनहरूसँग नेपाली सेलिब्रेटीहरूले पनि हातेमालो गरिरहेका छन् ।तीमध्येका एक हुन्–गायक रामकृष्ण ढकाल । उनले बढ्दो कोरोना रोकथाम र संक्रमितको उपचारका लागि १८ लाख रुपैंयाँ जुटाइदिएका छन् । उनी सांगीतिक कार्यक्रमका लागि अमेरिका गएका थिए । कोरोना संक्रमण बढ्दै गएपछि उनी नेपाल फर्कन पाएनन्, उतै रोकिए । अमेरिकामा रहेका नेपालभाषीहरूलाई अपिल गरी उनले सहयोग जुटाएका हुन् । रामकृष्णले ती सहयोगी मनहरूप्रति कृतज्ञता ज्ञापन गर्दै भनेका छन्, ‘मनकारी दाजुभाइहरूले सहयोग गरी जुटाइदिनुभएको १८ लाख रुपैयाँ महावीर पुनको राष्ट्रिय आविष्कार केन्द्रको नाममा रहेको हिमालयन बैंकको खातामा जम्मा गरिनेछ ।’ उनले सहयोग गर्ने व्यक्ति र संस्थाको नाम आफ्नो फेसबुकमा सार्वजनिक गर्दै आभार प्रकट गरेका छन् ।कोरोना संक्रमण बढ्दै गएको अवस्थामा अभिनेता पल शाहले सहयोगी हात बढाएका छन् । जतिबेला कोरोना संक्रमणको कारण अक्सिजनको चरम अभाव हुन थाल्यो, उनी आफै अक्सिजन लिएर ठाउँ–ठाउँमा पुगे । उनले दिनरात नभनी सिलिन्डर उपलब्ध गराए ।‘हाम्रो टिम नेपाल’ सँगको सहकार्यमा उनले अक्सिजन सिलिन्डर संकलन र वितरण गर्ने अभियान नै चलाए । ठाउँ–ठाउँमा रहेका अक्सिजन सिलिन्डर संकलन र खरिद गर्दै पलले अस्पतालसम्मै पुगेर संक्रमितलाई उपलब्ध गराए । त्यसो त गत वर्ष लकडाउन भएपछि चलचित्र प्राविधिकका लागि पलले पाँच लाख रुपैयाँ बराबरको खाद्यान्न सहयोग गरेका थिए । त्यसअघि बाढी–पहिरोका बखत उनले विभिन्न जिल्लामा पुगेर प्रभावित व्यक्तिहरूलाई लत्ताकपडा एवं खाद्यान्न बाँडेका थिए ।यता अर्का अभिनेताद्वय दिलीप रायमाझी र रमित ढुंगाना पनि राहत वितरण अभियानमा लागेका छन् । उनीहरूले ‘इन्ट्राच नेसनल वेलफेयर एन्ड सपोर्ट फाउन्डेसन अमेरिका’ को अग्रसरतामा मोरङ जिल्लाको पथरी शनिश्चरेस्थित शरणार्थी शिविरमा राहत वितरण गरेका हुन् । त्यहाँ खाद्यान्नलगायत मास्क, स्यानिटाइजरजस्ता स्वास्थ्य सामग्री वितरण गरिएको थियो ।अभिनेता नाजिर हुसेनले महावीर पुनको राष्ट्रिय आविष्कार केन्द्रलाई एक लाख रुपैयाँ सहयोग गरे । कोरोना संक्रमित बढ्दै जाँदा र उपचार असहज हुँदै गएको अवस्थामा अक्सिजन जोहो गर्नका लागि नाजिरले उक्त सहयोग गरेका हुन् ।त्यसैगरी, अभिनेता पुष्पा खड्काले पनि कोरोना संक्रमितको उपचारका लागि सहयोग गरेका छन् । उनले सुदूर पश्चिमका विभिन्न जिल्लामा कोरोना संक्रमित भएर उपचार गराइरहेकाहरूका लागि ५० थान अक्सिजनको सिलिन्डर सहयोग गरे । उनले कैलालीस्थित ‘मैनादेवी फाउन्डेसन’ सँग सहकार्य गर्दै अक्सिजन खरिदका लागि रकम सहयोग गरेका हुन् । ‘धेरै ठाउँमा अक्सिजनको अभाव छ । संक्रमितले उपचार पाइरहेका छैनन् । आर्थिक अभावले गर्दा उपचार नपाएको भनी मलाई म्यासेज आइरहेका छन्’ खड्काले भने ।अभिनेतृ श्वेता खड्काले पनि कोरोना संक्रमितको उपचारमा सहयोग पुगोस् भनी एक लाख ३० हजार रुपैयाँ सहयोग गरेकी छन् । उनले कोरोनाको दोस्रो लहरपछि हाम्रो टिम नेपाललाई उक्त रकम हस्तान्तरण गरेकी हुन् । श्वेताले भनेकी छन्, ‘मेरो क्षमता, गच्छे, सीपले जे भ्याउँछ, त्यही प्रयोग गर्दै मनबाटै सामाजिक सेवामा होमिने छु । मेरो जिन्दगी रहेसम्म समाजप्रतिको जिम्मेवारी भुल्ने छैन । यो मेरो प्रण हो ।’ अभिनेतृ मनिषा कोइरला, करिश्मा मानन्धरले पनि यो बेलामा सहयोग पुर्‍याएका छन् ।त्यसो त विश्व चर्चित सेलिब्रेटीहरू कुनै न कुनै रूपमा सामाजिक सेवामा जोडिएका हुन्छन् । उनीहरूले आफ्नो कमाइको ठूलो हिस्सा सामाजिक सेवामा खर्चने गरेका छन् । स्वास्थ्य, शिक्षाजस्ता क्षेत्रमा सेलिब्रेटीहरूले आफ्नो कमाइ खर्च गर्छन् । नेपाली सेलिब्रेटीहरूले पनि यस्तै उदाहरणीय काम गरेका छन् । चाहे विनाशकारी भूकम्पको बेला होस् वा भारतले गरेको अघोषित नाकाबन्दीमा, कतिपय सेलिब्रेटीले आ–आफ्नो तर्फबाट कुनै न कुनै रूपमा पीडितलाई साथ र सहयोग गरेकै छन् ।

सुजाता मुखिया, असार ५, २०७८

-- पुरै पढ्नुहोस् --

शिव परियार–गायक

मेलै पहिले लामो केश बनाएर कर्ली गरेको थिएँ । त्यो समयको फोटो कैद गर्न नसकेकोमा पछुतो लाग्छ । किनभने त्यतिबेला फोटो खिच्ने कुनै साधन थिएन । अहिले म ‘मग स्टाइल’ को काट्ने गरेको छु । यो स्टाइल मलाई राम्रो लाग्छ ।

नारी संवाददाता , जेष्ठ २५, २०७८

-- पुरै पढ्नुहोस् --

बियोन्सेको नेपाली स्वर

गत वर्ष ‘फूलबुट्टे सारी’ को कभर भर्सन गीत गाएर युगान्डेली गायिका बियोन्से चर्चामा आइन् ।

नारी संवाददाता , जेष्ठ २१, २०७८

-- पुरै पढ्नुहोस् --

शिल्पा पोखरेलको च्वाइस

म सादा खाना मन पराउँछु । मसलादार, चिल्लो खानेकुरा खाँदिन ।

नारी संवाददाता , जेष्ठ १८, २०७८

-- पुरै पढ्नुहोस् --

टिकटकबाटै व्यापार

गीतमा लिपसिङ गर्दै बनाइने टिकटक भिडियो पछिल्लो समय व्यापार बढाउने माध्यमसमेत बन्दै गएको छ ।

नारी संवाददाता , जेष्ठ १६, २०७८

-- पुरै पढ्नुहोस् --

मिस युनिभर्स भइन् आन्द्रिया मेजा

मिस युनिभर्सको ६९औं संस्करण गत राती सम्पन्न भएको छ । विश्वका ७४ मुलुकका सुन्दरीहरु बीचको उपाधि दौडमा मेक्सिकोकी आन्द्रिया मेजाले मिस युनिभर्स २०२० को ताजलाई आफ्नो शीरमा सजाउन सफल भइन् ।

रोजिन शाक्य, जेष्ठ ३, २०७८

-- पुरै पढ्नुहोस् --

गर्भावस्थाका तस्बिर देखाउने ट्रेन्ड

प्रियंकाले आफ्नो बढेको पेट देखाएर तस्बिर खिचेकी छन् । आयुशमान र प्रियंकाको उक्त तस्बिरमा लेखिएको छ, ‘यस वी आर प्रेग्नेन्ट ।’

सुजाता मुखिया, वैशाख १९, २०७८

-- पुरै पढ्नुहोस् --

नायिका सुपष्पा भट्ट तथा निर्माता रौनक बिक्रम कँडेल

नायिका सुपष्पा भट्ट तथा निर्माता रौनक बिक्रम कँडेलबीच आज इन्गेजमेन्ट भयो ।

नारी संवाददाता , वैशाख १५, २०७८

-- पुरै पढ्नुहोस् --

विपिन कार्की, अभिनेता

चलचित्र र नाटक फरक विधा हुन् । दुवैमा अभिनय गर्न कठिन हुन्छ । यी दुईबीच तुलना गर्न मिल्दैन ।

नारी संवाददाता , फाल्गुन ११, २०७७

-- पुरै पढ्नुहोस् --

के गर्छन् पुराना नायिका ?

‘भाइरल हुन आउने र निरन्तरता नदिने कारणले पनि लामो समय टिक्न सकेका छैनन् ।’

नारी संवाददाता , फाल्गुन ९, २०७७

-- पुरै पढ्नुहोस् --

‘तिमी मेरो पूजा’ गीत सार्वजनिक

श्रीमान् र श्रीमतीबीच प्रेम अभिव्यक्त गरिएको ‘तिमी मेरो पूजा’ बोलको गीत प्रेम दिवसको अवसर पारेर सार्वजनिक गरिएको छ ।

नारी संवाददाता , फाल्गुन ७, २०७७

-- पुरै पढ्नुहोस् --