श्रृंगार

ब्राइडल मुस्कान 

 विवाह जीवनको सबैभन्दा महत्वपूर्ण पक्ष हो । यसमा दुलहीको मुहारको सुन्दरता र त्यसमा पनि उनको मुस्कान अझ विशेष हुन्छ । त्यसैले विवाहपूर्व आफ्नो दाँतको ख्याल राख्नु आवश्यक छ ।वैवाहिक समारोहमा हुने अनेकौं रीतिरिवाज एवं संस्कारले दुलहीलाई शारीरिक थकान महसुस गराउनु स्वाभाविक हो । यद्यपि दुलही सुन्दर तथा आकर्षक देखिनु आवश्यक हुन्छ । यस्तो स्थितिमा दुलहीको मुस्कानले सुन्दरता कायम राख्छ । परफेक्ट मुस्कानका लागि दाँत पनि परफेक्ट हुनुपर्छ । दाँतमा ध्यान दन्त विज्ञहरूका अनुसार दिनमा कम्तीमा दुई पटक ब्रस गर्नुपर्छ र त्यस क्रममा फ्लोराइडयुक्त टुथपेस्ट नै प्रयोग गर्नु उपयुक्त हुन्छ । राम्रोसँग ब्रस गर्नुका साथै दैनिक रूपमा दाँतलाई फ्लस पनि गर्नुपर्छ । सोडा, जुस तथा अन्य पेयपदार्थको सेवन कम गर्नुपर्छ । खानासँग मिठाईं खानु उचित हुन्छ । कारण यसले खाने समयमा मुखले अधिक मात्रामा सलाइवा बनाउँछ जसबाट एसिडको उत्पादनले दाँतमा पार्ने प्रभाव कम गर्छ । प्रशस्त मात्रामा पानी पिउनु दाँतका लागि लाभदायक हुन्छ । धूम्रपान गर्नुहुँदैन । डेन्टिस्टबाट दाँतको नियमित जाँच गराउनुपर्छ भने वर्षमा दुईपटक दाँत सफा गर्नुपर्छ । ट्रिटमेन्ट पनि गर्न सकिन्छ आकर्षक मुस्कान प्राप्त गर्न बजारमा अनेकौं ट्रिटमेन्ट उपलब्ध हुन्छन् जस्तै टिथ व्हाइटनिङ, ब्रेसेस, अलाइनर्स, क्राउन्स, ब्रिजेस आदि । समय–समयमा दाँत क्लिनिङ गराउँदा दाँत तथा गिजा बलिया हुन्छन् । यो ट्रिटमेन्टबाहेक अन्य कतिपय कस्मेटिक ट्रिटमेन्ट पनि उपलब्ध छन् जसको सहायताले आफ्नो मुस्कानलाई सुन्दर एवं आकर्षक बनाउन सकिन्छ । डाइटमा पनि ध्यान विवाह जीवनको सबैभन्दा महत्वपूर्ण पक्ष हो । यसमा दुलहीको मुहारको सुन्दरता र त्यसमा पनि उनको मुस्कान अझ विशेष हुन्छ । त्यसैले विवाहपूर्व आफ्नो दाँतको ख्याल राख्नु आवश्यक छ । आफ्नो उपहारलाई दाँतको स्वास्थ्य अनुकूल बनाउनुपर्छ । चीज, हरियो सागपात, गाजर, केराजस्ता कुरालाई आफ्नो भोजनमा नियमित रूपमा समावेश गर्नुपर्छ । यी खानेकुरा दाँतको स्वास्थ्यका लागि लाभदायक मानिन्छन् । मिठाईंबाहेक चिप्स, क्रेकर्स, कार्बोनेटेड ड्रिंक, ब्ल्याक कफी तथा अत्यधिक कागतीको सेवनबाट जोगिनुपर्छ । यिनले दाँतको रंगका साथै स्वास्थ्यमा समेत प्रभाव पार्छन् । राम्रो मुस्कानका लागि स्वस्थ गिजाको भूमिका पनि महत्वपूर्ण हुन्छ । गिजालाई मजबुत तथा गुलाफी बनाउन नियमित फ्लस गर्नुका साथै एन्टिब्याक्टेरियल माउथवास प्रयोग गर्न सकिन्छ । 

नारी संवाददाता , माघ ८, २०७६

-- पुरै पढ्नुहोस् --

कम्प्लिट गाइड  फर अ ब्राइड 

यदि विवाहको समय छ महिना बाँकी छ भने आफ्नो विवाहभन्दा करिब ६ महिना पहिलेदेखि नै तयारी गर्ने हो भने विवाहको दिन आफू कस्ती देखिन्छु भन्ने कुरामा द्विविधा राख्नुपर्ने स्थिति रहँदैन । 

रोजिन शाक्य, मंसिर १९, २०७६

-- पुरै पढ्नुहोस् --

दुलही मेकअप: हेयर स्टाइल

हरेक हेयर ड्रेसरले दुलहीको रुचि, व्यक्तित्व, कार्यक्रम, पहिरन, एसेसरिज, ज्वेलरी आदिका आधारमा हेयर स्टाइल बनाउनुपर्छ । अहिलेका ब्राइडहरू टिपिकल भन्दा फ्रेस तथा एलिगेन्ट देखिन चाहन्छन् । ब्राइडहरूको व्यक्तित्व निखार्न पहिरनअनुसारको हेयर स्टाइल आवश्यक हुन्छ । हेयर स्टाइलका लागि दुलहीको ब्लाउजको डिजाइन पहिले नै थाहा हुनुपर्छ । ब्लाउज हाइनेक वा ओपन के छ त्यहीअनुसार हेयर स्टाइल बनाउनुपर्छ ।

पूनम श्रेष्ठ पूनम ब्युटी क्लब, सानेपामंसिर १८, २०७६

-- पुरै पढ्नुहोस् --

दुलही मेकअप

हरेक दुलही विवाहको मेकअपमा आफूलाई सुहाउने र न्यू लुक्समा देखिने चाहना राख्छन् । दुलही मेकअप भन्नासाथ रातो आइस्याडो प्रयोग गर्ने तथा गाला गुलाबी बनाउने कन्सेप्ट पूरै हटिसकेको छ । अहिलेका ब्राइडहरूको आइमेकअपमा स्मोकी तथा स्याम्पेन कलर प्रयोग गरिन्छ । दुलहीको फिचर राम्रो देखाउन कन्टोर तथा हाइलाइट गरी नाक, जलाइन एवं चिकबोनलाई आकर्षक तुल्याउनुपर्छ जसले गर्दा अनुहार अझ राम्रो देखिन्छ । 

नारी संवाददाता , मंसिर ११, २०७६

-- पुरै पढ्नुहोस् --

शृंगार, हराएका गहना

‘झम्के फुली नाकैमा बुलाकी’‘नाकैमा फुली, शिरैमा शिरबन्दी’‘गोडामा कल्ली, शिरैमा शिरबन्दी, तनैमा लाउँछु चेप्टे सुन’ ‘झम्के बुलाकी’, ‘शिरबन्दी’, ‘चेप्टे सुन’ जस्ता गरगहना गीतमा त सुनिन्छ, तर प्रयोगमा भने देखिँदैन । यी पुराना गरगहना कता हराए ? 

नारी संवाददाता , मंसिर २, २०७६

-- पुरै पढ्नुहोस् --

सुहागको प्रतीक पोते

तीज तथा साउने सोमबारका लागि पोते अनिवार्य एसेसरिज नै भैसकेको छ । केही समयअघि पोतेमा तिलहरी मात्र उन्ने चलन थियो भने अहिले नौगेडी तथा डिजाइन–डिजाइनका पोतेको माला लगाउने चलन चलेको छ ।

नारी संवाददाता , श्रावण ९, २०७६

-- पुरै पढ्नुहोस् --

ब्रोज अट्रयाक्सन टेक्निक्स

आइब्रोज मात्र एउटा त्यस्तो अंग हो जसले अनुहारको लुक्स नै बदलिदिन्छ । अहिले संसारमा यसका थुप्रै पृथक् प्रविधि भिक्रिएका छन् । समग्रमा यसलाई माइत्रोब्लेडिङका नामले चिनिए पनि त्यसभित्र पनि फरक–फरक विधि तथा स्पेप्स छन् । 

सान्द्रा पुन, सौन्दर्यविदचैत्र २५, २०७५

-- पुरै पढ्नुहोस् --

वर्षाका लागि कस्तो मेकअप उपयुक्त हुन्छ ?

वर्षामा बढी पसिना आउँछ । पसिनाले छालामा भएको धूलोका कणसँग मिक्स भएर इन्फेक्सन सिर्जना गर्छ । त्यसैले वर्षामा नियमित रूपमा अनुहारको क्लिन्जिङ गर्नुपर्छ । मनसुनी हावामा बढी ब्याक्टेरिया हुन्छ । डिप–पोर क्लिन्जरले छालाको भित्री भागसम्म गएर राम्रोसँग सफाइ गर्छ । बढी पसिना आउने भएकाले छालाको नरमपनमा कमी आउँछ ।

लक्की श्रेष्ठ महत, भाद्र ५, २०७५

-- पुरै पढ्नुहोस् --

मेहन्दी कसरी लगाउने ?

मेहन्दी केशबाहेक छालामा नलागोस् भनेर पुरानो तर सफा टाबेल वा अन्य कपडाले घाँटीदेखि तलको भाग छोप्न सकिन्छ । बिस्तारै आफ्नो इच्छाअनुसार ब्रसले मेहन्दी लगाउने । ब्रसको प्रयोगले केशको सबैतिर मेहन्दी लगाउन सहज बनाउँछ । मेहन्दी लगाइसकेपछि १० देखि ४५ मिनेटसम्म केशमै रहन दिनुपर्छ ।

मनोज ठाकुर, जेष्ठ २०, २०७५

-- पुरै पढ्नुहोस् --

सोर्‍ह शृंगार र पहिरनका साथ तीज

तीज गर्मी तथा वर्षायाममा पर्ने भएकाले वाटरप्रुफ मेकअप गर्नुपर्छ । अनुहार सफा गरेपछि पहिले सनब्लक क्रिम लगाउनुपर्छ । अनुहारमा दागहरू छन् भने कन्सिलरले छोप्न सकिन्छ । सबैभन्दा पहिले आँखाको मेकअप गर्ने । तीज भएकाले रातो, गोल्डेन तथा हरियो आइस्याडो बढी प्रयोग गर्ने ।

नारी संवाददाता , भाद्र ४, २०७४

-- पुरै पढ्नुहोस् --

गहनाको हेरचाह

महिलाहरू विभिन्न कार्यक्रम तथा उत्सवहरूमा गहनाका साथ सहभागी हुन रुचाउँछन् ।

नारी संवाददाता , कार्तिक १९, २०७३

-- पुरै पढ्नुहोस् --