रोजगार

एप्सबाट रोजगारी

 काम दिन होस् वा कामदार खोज्न अहिले एप्सहरू सक्रिय हुँदै गएका छन् । रोजगारीको क्षेत्रमा समेत प्रविधिले फड्को मारेको छ । नेपालमा श्रीयोग डटकम, भेटायो डटकम, मेरो जब्स, कुमारी जब्स, जब्स नेपाल, मेरो रोजगारी, नेपाली जब्स आदि एप्सले कामदार खोजिदिनेदेखि रोजगारी उपलब्ध गराउने कामसम्ममा सक्रियता देखाउँदै आएका छन् । स्नातकोत्तर सकेर बसेकी रोजिना न्यौपानेले रोजगारीका लागि कुमारी जब्समार्फत आवेदन भरिन् । उक्त एप्समार्फत उनले एकाउन्टेनका लागि आवेदन दिएकी थिइन् । आवेदन दिएको केही समयपछि उनी छनोट भइन् र अहिले उनी एक कम्पनीमा काम गरिरहेकी छिन् । यसरी एप्समार्फत आफ्नो क्षमताअनुसार काम खोज्न सजिलो भएको न्यौपाने बताउँछिन् । रोजिना भन्छिन्–‘अहिले हात–हातमा प्रविधि छ । यसले गर्दा काम खोज्न सहज भएको छ ।’ आवेदन दिन धाउनु नपर्ने त्यसमाथि पनि पैसा तिर्नु नपर्ने हुनाले सबैलाई सजिलो भएको न्यौपानेले बताइन् । भक्तपुरकी शर्मिला शर्मा गृहिणी हुन् । उनले सेलरोटी पकाएर आफ्नो गुजारा चलाइरहेकी थिइन् । शर्माले श्रीयोग डटकमको सेलरोटी पकाउने समूहमा आफ्नो नाम दर्ता गराइन् । श्रीयोगमा नाम दर्ता गराएपछि भने उनको दैनिकी व्यस्त हुँदै गएको छ । कामका लागि उनलाई विभिन्न ठाउँबाट फोन आउँछ । श्रीयोगले उनलाई थप आम्दानीका लागि सहयोग गरेको छ । शर्मिला भन्छिन्–‘पहिले सीमित आम्दानी गर्थें अहिले भने काम र आम्दानी दुवै बढेको छ ।’अहिलेको समयमा रोजगारी एप्स काम गर्न चाहनेहरूका लागि एउटा खुल्ला प्लेटफर्मका रूपमा अगाडि आएको श्रीयोग डटकमका संस्थापक प्रकाश उप्रेती बताउँछन् । उप्रेतीका अनुसार आफूसँग सीप र क्षमता भए बेरोजगार बस्नुपर्ने बाध्यता अनलाइन एप्सहरूले हटाएका छन् । श्रीयोगमा काम दिलाउनेहरूसँग सीधा सम्पर्क गर्न सकिने व्यवस्था भएको उप्रेतीले जानकारी दिए ।रोजगारी पसल डटकमले हस्पिटालिटी क्षेत्रको रोजगारीको व्यवस्था गर्ने गरेको छ । उक्त एप्सले न्यूनतम २० हजारदेखि अधिकतम ५० हजार मासिक तलबको रोजगारी दिलाउने रोजगार पसलकी व्यवस्थापन समितिकी सदस्य बिन्दु थापाले बताइन् । थापाका अनुसार यो एप्सले विशेष गरी गृहिणीहरूलाई रोजगार प्रदान गर्न आफूलाई फोकस गरेको छ । रोजगारी पसलमार्फत नै काम पाएकी हुन् खरीबोटकी सुस्मिता तामाङले । ८ कक्षा उत्तीर्ण तामाङ अहिले फाइनान्सको मार्केटिङ गर्छिन् । अहिलेको समयमा नपढेकाहरूले जागिर नपाउने अवस्थामा आफूजस्ताका लागि यस्तो एप्स प्रभावकारी भएको सुस्मिताले बताइन् । तामाङका अनुसार–‘यसले गर्दा कामका लागि भौंतारिनु पर्दैन । क्षमताअनुसार आम्दानी गर्न सकिन्छ ।’कसरी पाइन्छ रोजगारी ? गुगलमा धेरै किसिमका रोजगारी एप्स उपलब्ध छन् । त्यहाँ रोजगारीका विभिन्न समूह हुन्छन् । उक्त एप्स भिजिट गरिसकेपछि आफ्नो क्षमताअनुसारको रोजगारीका लागि आवेदन दिन सकिन्छ । आवेदन भर्दा वेवसाइटको नियमअनुसार विवरण भर्नुपर्ने हुन्छ । यसमा कसैले शुल्क तिर्नुपर्दैन । आवेदक तथा कम्पनीका बीचमा एप्स एउटा माध्यम मात्र हो । एप्समार्फत पठाइएको विवरण हेरी कम्पनीलाई उचित लागे रोजगारी प्रदान गरिन्छ । प्रकाश उप्रेती / संस्थापक, श्रीयोग डटकम हामीले यो एप्स सञ्चालनमा ल्याएको दुई वर्ष भयो । यो एप्सबाट काम गर्ने र गराउने दुवै प्रकारका सेवा प्रदान गर्ने गरिन्छ । श्रीयोगमा अहिले ७८ वटा समूह छन् । यसलाई अझ बढाएर १ सय ५६ वटा समूहमा रोजगारी दिलाउने लक्ष्य लिएका छौं । हाम्रो उद्देश्य भनेको सीप भएर पनि कसैले बेरोजगार बस्नु नपरोस् भन्ने हो । हामीले यो एप्सबाट सबैलाई जोड्ने प्रयास गरेका छौं । यो एप्समा जोडिने महिलाहरूको संख्या पनि बढ्दै गएको छ । महिलाहरूका लागि विशेष गरी ब्युटिसियन, सेलरोटी पकाउने, बच्चा हेर्ने आदि काम छन् । यसले गर्दा महिलाहरू पनि रोजगार हुनुका साथै आत्मनिर्भर हुँदै गएका छन् । केही रोजगारी एप्समेरो जब्स डटकम, कुमारी जब्स, श्रीयोग डटकम, भेटायो डटकम, जब्स नेपाल आदि ।

प्रकृति दाहाल, श्रावण ३०, २०७६

-- पुरै पढ्नुहोस् --

सहज जीवन यापनका लागि एड्भान्स सिलाइ कटाई 

महिला लक्षित एक हप्ते सिलाई कटाई तालिम एक कार्यक्रम वीच आइतवार समापन भएको छ । काठमाडौं महानगरपालिकाको सहयोगमा एस.एस. सिलाई केन्द्रले असार २२ गते देखि २९ गतेसम्म सञ्चालन गरेको सिलाई कटाइ तालिम आईतबार समापन गरिएको हो । कार्यक्रममा तालिममा सहभागी १२ जना महिलालाई प्रमाणपत्र  बितरण गरियो । 

नारी संवाददाता , असार ३०, २०७६

-- पुरै पढ्नुहोस् --

पठाओ र टुटलले  दिलायो रोजगारी

टुटलले महिलाहरूसँग कमिसन नलिने र राइडबापत बोनस पनि पाइने हुनाले महिलाहरूका लागि यो पेसा आम्दानीको राम्रो स्रोत भएको सुनुवार बताउँछिन् । साधन हुनेहरूले चाहना हुँदा बेरोजगार बस्नु नपर्ने उनको दाबी छ । भीम माया भन्छिन्–‘आँट र साहस गर्‍यो भने यो एप्सबाट राम्रो आम्दानी गर्न सकिन्छ ।

प्रकृति दाहाल, असार २२, २०७६

-- पुरै पढ्नुहोस् --

कानुनी शिक्षा

अहिले कानुनी शिक्षाप्रतिको आकर्षण बढ्दै गएको छ । देशमा संघीयता लागू भएसँगै कानुनप्रतिको क्रेज थप वृद्धि भएको जानकारहरू बताउँछन् । देश संघीय लोकतान्त्रिक गणतन्त्रमा गएसँगै स्थानीय तहदेखि केन्द्रीय तहसम्म कानुनको आवश्यकता भएकाले पनि कानुनी शिक्षामा आकर्षण बढेको हो ।

नारी संवाददाता , जेष्ठ २७, २०७६

-- पुरै पढ्नुहोस् --

मन्टेश्वरी शिक्षा 

मन्टेश्वरी शिक्षा हिजोआज हाम्रो चासोको विषय बन्नुका साथै विद्यालय शिक्षाको अभिन्न अङ्गसमेत भएको छ ।

कल्पना अधिकारी, शिक्षक एवं मन्टेश्वरी ट्रेनरमाघ ९, २०७५

-- पुरै पढ्नुहोस् --

कफीप्रति बढ्दो आकर्षण

कफीले रिफ्रेस गराउँछ । सधै एक्टिभ राख्छ भने स्मरणशक्ति पनि बढाउँछ । विश्वका ७० प्रतिशत मानिस अरेबिका कफी सेवन गर्छन् । अरेबिका कफी हल्का तथा सुगन्धित हुन्छ । ३० प्रतिशतले रोबुस्टा सेवन गर्छन् । यो स्वादमा तीतो हुनुका साथै यसमा अरेबिकाको तुलनामा ५० प्रतिशत बढी कफिन हुन्छ ।

उपासना घिमिरे, मंसिर २१, २०७५

-- पुरै पढ्नुहोस् --

पिंकजबमा महिला नै किन ?

बिरामी भएर कुनै अस्पताल पुग्नुभयो भने त्यहाँ केयर गर्ने नर्स महिलाहरू नै हुन्छन् । प्लेनमा यात्रा गर्दै हुनुहुन्छ भने ढोकामा स्वागत गर्नेदेखि आवश्यक पर्ने सरसहयोग गर्ने एअर होस्टेस पनि महिला नै हुन्छन् । चाइल्ड केयरिङ तथा मन्टेश्वरीजस्ता क्षेत्रमा पनि महिलाहरूले प्रदान गर्ने सेवा नै बढी रुचाइन्छ ।

मेनुका बस्नेत, असार २७, २०७५

-- पुरै पढ्नुहोस् --

महिलाका लागि रोजगारी

अहिले सरकारी तथा निजी क्षेत्रबाट प्राकृतिकका साथै आयुर्वेदिक उपचार केन्द्र एवं अस्पताल स्थापना हुने क्रम बढेको छ । यसले होलस्टिक नर्सिङमा रोजगारीको सम्भावना बढाउँदै लगेको छ । अहिले विश्वमै आयुर्वेदिक एवं प्राकृतिक चिकित्सा विधि लोकप्रिय हुँदै गएको छ ।

नारी संवाददाता , श्रावण १३, २०७४

-- पुरै पढ्नुहोस् --

कसरी बन्ने फुड टेक्नोलोजिस्ट

खाना पकाउने काम आफैमा एउटा कला हो र विज्ञान पनि । खानामा मरमसलाको प्रयोग कसरी गर्ने, मात्रा कसरी मिलाउने, त्यसलाई कसरी स्वादिष्ट बनाउने ?

नारी संवाददाता , चैत्र १३, २०७३

-- पुरै पढ्नुहोस् --

मेकअप आर्टिस्टमा नाम पनि दाम पनि

वर्तमान प्रतिस्पर्धीे समयमा जोकोही आफ्नो करियरलाई लिएर जागरुक बन्दै गएका छन् । अहिले करियरका माध्यमबाट मानिसहरू दाम मात्र होइन नाम पनि कमाउन चाहन्छन् ।

नारी संवाददाता , माघ २५, २०७३

-- पुरै पढ्नुहोस् --

वेभरेज र बरिस्टामा रोजगारीको अवसर

युवापुस्ताको सीप, क्षमता एवं ज्ञानको कदर गर्ने अवसरका थुप्रै ढोका स्वदेशमै खुल्ला हुँदै गएका छन् । कतिपय कोर्स तथा विदेशी करिकुलम नेपालमा अध्ययनका लागि सम्भव नभएपछि शिक्षा र सीपका लागि अझै पनि युवाहरू दैनिकजसो विदेसिनु परेको तीतो यथार्थ हाम्रो सामु छ

नारी संवाददाता , माघ १६, २०७३

-- पुरै पढ्नुहोस् --