स्मार्ट होममेकर

घरलाई शीतलता दिन

समअनुसार घरको सजावटमा पनि परिवर्तन ल्याउन सकिन्छ । गर्मीमा फ्लोरल प्रिन्टका फेब्रिक बढी चल्छन् । हलुका र चम्किला रंगका पर्दा तथा तन्ना प्रयोग गरी घरमा नयाँपन ल्याउन सकिन्छ । गाढा रंगका तन्ना र पर्दाको साटो फ्लोरल प्रिन्ट र हलुका रंगका बेडसिट एवं पर्दा प्रयोग गर्नु उपयुक्त हुन्छ ।सोफामा नयाँपन ल्याउन चम्किला रंगका फ्लोरल प्रिन्टका कुसन एवं तकिया प्रयोग गर्न सकिन्छ ।गर्मीबाट जोगिन पूरै पर्दा खोलेर बस्न रुचाउनेहरूले झालर अथवा विड्सका माला झुन्ड्याउन सक्छन् ।फ्लावर पटमा सजिएका फूलले आँखालाई शीतलता प्रदान गर्छन् । सुन्दर फ्लावर पट किनेर त्यसमा दिनहुँ ताजा फूल राख्दा घर सुन्दर देखिनुका साथै मन पनि रमाउँछ । गर्मीमा पहेंला तथा सुन्तला रंगका फूलले घरलाई अझ सुन्दर देखाउँछन् ।डेकोरेटिभ ग्रिन प्लान्टलाई सुत्ने कोठाको एउटा कुनामा राखेर हरियालीको आभास गर्न सकिन्छ ।गर्मीमा कोठामा कार्पेटको साटो दरी ओछ्याउनु उपयुक्त हुन्छ । कार्पेटले बढी गर्मी महसुस गराउँछ ।पुराना फर्निचरलाई नयाँ लुक दिन हलुका एवं चम्किला रंगले रंगाउनु पर्छ । पुराना खैरो रंगका कुर्सी–टेबलमा नीलो अथवा हरियो रंग लगाउन सकिन्छ ।घरलाई सुगन्धित तुल्याउन सुगन्धित मैनबत्ती, अगरबत्ती अथवा रुम फ्रेसनर प्रयोग गर्नु उपयुक्त सकिन्छ ।गर्मीमा हलुका तथा चम्किला रंगका पेन्टिङ झुन्ड्याएर पनि घरलाई आकर्षक बनाउन सकिन्छ ।

नवीना श्रेष्ठ, इन्टेरियर डिजाइनरश्रावण ३०, २०७६

-- पुरै पढ्नुहोस् --

भान्सामै रमाइलो

हामी तरकारी काट्छौं, ग्यास बाल्छौं, कराही बसाल्छौं, तेल हाल्छौं, मरमसला पिस्छौं । यी काम हाम्रो हात र मस्तिष्कले खुसीपूर्वक गरिरहेका हुन्छन् । यतिबेला हाम्रो एउटै ध्याउन्न हुन्छ कसरी मीठो बनाउने ? खानेकुरा तयार हुन्छ । हामी त्यसलाई रहरलाग्दो ढंगले पस्कन्छौं । परिवारका सदस्यहरू खान थाल्छन् ।

सुजाता मुखिया, श्रावण ३०, २०७६

-- पुरै पढ्नुहोस् --

खुत्रुके आर्ट

खास्की, पोलिस, पेन्ट तथा आर्टपछि तयार हुने यी खुत्रुके एक हप्तामा तयार हुन्छन् । त्यति समयमा जस्तोसुकै कन्सेप्टका चित्रसहितका खुत्रुके तयार पार्न सकिने मेलिना बताउँछिन् । सबैले इन्टेरियर डिजाइनर भएर पनि किन यसमा लागेको भन्छन्, तर शाक्य आफ्नो कलाप्रतिको रुचिलाई खुत्रुके पेन्टिङमार्फत भए पनि निरन्तरता दिन पाएकोमा सन्तुष्ट छिन् ।

नारी संवाददाता , जेष्ठ २८, २०७६

-- पुरै पढ्नुहोस् --

पोर्टेबल फर्निचरको प्रयोग

घर बनाउने काम सामान्य हुँदैन । त्यसो हुँदा मानिसहरू सानै घरमा बस्न बाध्य छन् । सानो ठाउँमा घरका सम्पूर्ण सरसामानलाई सुव्यवस्थित ढंगबाट राख्न ठूलो समस्या हुन्छ । यस्तोमा मल्टियुज पोर्टेबल फर्निचर उपयुक्त विकल्प हुन सक्छन् ।

नारी संवाददाता , जेष्ठ १, २०७६

-- पुरै पढ्नुहोस् --

मल्टिप्रपोज फर्निचर

पहिलेजस्तो ठूला जग्गा एवं घरहरू कम हुँदैछन् । अहिले सानो जग्गामा घर बनाउने, सानो अपार्टमेन्ट वा हाउजिङमा बसोबास गर्नुपर्ने बाध्यता पनि छ । त्यस्तो बाध्यताका बाबजुद पनि मानिसहरू स्मार्ट घरमा बस्न खोज्छन् । दिनभरिको थकानबाट घर प्रवेश गरेपछि छुट्टै आनन्द आओस् भन्ने चाहना हरेकमा हुन्छ ।

मेलिना शाक्य, चैत्र ३०, २०७५

-- पुरै पढ्नुहोस् --

वातावरण मैत्री घर

वर्षामा परेको पानी जमिनमा पठाउन एउटा इनार र पानी जम्मा गर्ने ट्याङ्की बनाउन नपाएकोमा भने उनलाई पछुतो छ । घरको छानाको स्लोप मिलेको हुँदा सोलार सिस्टम जोडेर विद्युत् खपत घटाउने उनको योजना भने पूरा हुन बाँकी छ जहाँबाट सबै कोठा, भान्सा र चोटामा जान मिल्छ । काठको भर्‍याङले यो घरको भित्री मौलिकतालाई जोगाएको छ । 

नारी संवाददाता , चैत्र २१, २०७५

-- पुरै पढ्नुहोस् --

सबैको पहुँच पुग्ने भवन

पहुँचयुक्त भवनका लागि कुनै विशेष नौलो ढाँचा वा डिजाइन आवश्यक हुँदैन । यद्यपि डिजाइन इलिमेन्ट्स भने हुनु जरुरी छ । पहुँचयुक्त भवन त्यस्तो भवन हो जसमा कुनै पनि व्यक्ति, अझ स्पष्ट रूपमा भन्ने हो भने विभिन्न किसिमका अपाङ्ग व्यक्ति पनि कुनै दोस्रो व्यक्तिको सहायताबिना सजिलै आवतजावत गर्न सक्छन् । यस्तो भवनलाई ‘युनिभर्सल एस्सीसीबल भवन’ वा ‘अपाङ्गमैत्री’ भवनसमेत भनिन्छ । 

सुजाता शाक्य वज्राचार्य, फाल्गुन २९, २०७५

-- पुरै पढ्नुहोस् --

पुनर्निर्माण  भवनदेखि सहरसम्म

समय–समयमा घट्ने सानातिना घटनाबाट नै मानिसहरूले पाठ सिक्दै जान्छन् र सकेसम्म त्यस्ता घटनाबाट आफू, आफ्नो परिवार तथा समाजलाई जोगाउन सक्ने उपायको खोजी गर्छन् । सोहीअनुरूप काम गर्दै जान सक्नु नै परिवर्तनशील युगका परिवर्तित मानिसहरूको मुख्य दायित्व हो ।

लक्ष्मी खड्का, आर्किटेक्ट माघ १७, २०७५

-- पुरै पढ्नुहोस् --

इन्टेरियरमा डायनिङ आर्ट

फोल्डिङ डायनिङ टेबलको उपयोग धेरैजसो कमर्सियल पर्पजका लागि गरिन्छ, कारण प्रयोगपछि यसलाई हटाउन सकिन्छ । अनावश्यक हुँदा स्टोर रुममा राखेर पाहुनाहरू आउँदा मात्र प्रयोग गर्न सकिन्छ । बजारमा काठबाहेक स्टिल, आल्मुनियम आदिका फोल्डिङ डायनिङ टेबलसमेत उपलब्ध हुन्छन् ।

नारी संवाददाता , पुस १८, २०७५

-- पुरै पढ्नुहोस् --

सुविधाजनक फ्लोरिङ सुकुलदेखि तातामीसम्म

तातामी फ्लोरिङ जापानिज प्रविधिको फ्लोरिङ हो । तातामी परालबाट बनाइएको एक किसिमको म्याट हो । धान कुटिसकेपछि बाँकी हुने परालबाट तातामी बनाइन्छ । सुकेको पराललाई compressedगरेर हात अथवा मेसिनबाट बुनेर तातामीका म्याट निर्माण गरिन्छ ।

लक्ष्मी खड्का, आर्किटेक्टमंसिर २८, २०७५

-- पुरै पढ्नुहोस् --

हाइजेनिक भान्सा

पकाइएको परिकार धेरै बेरसम्म राख्नु हुँदैन । यसलाई बारम्बार तताइरहँदा खाना बिग्रनुका साथै त्यसको वास्तविक स्वाद एवं पोषक तत्वसमेत कम हुन्छ ।

नारी संवाददाता , मंसिर १४, २०७५

-- पुरै पढ्नुहोस् --

दराजले गर्छ कोठा व्यवस्थापन

सबै पहिरन तह लगाएर राख्नुपर्छ भन्ने पनि छैन । कतिपय पहिरन हेंगरमा झुन्डाएर राख्न सकिन्छ । खासगरी कोट, ब्लेजर, साडीजस्ता पहिरनमा क्रिज बस्ने भएका कारण हेंगरमा राखे कुनै समस्या देखापर्दैन ।

नारी संवाददाता , मंसिर ११, २०७५

-- पुरै पढ्नुहोस् --