प्रश्नोत्तर

आफूले आफैंलाई चिन्ने कला माइन्ड म्यानेजमेन्ट : निभा प्रधान

महामारीका बेला तनाव व्यवस्थापन कसरी गर्न सकिन्छ ?सबै मानिसको मनमा धेरै मात्रामा तनाव हुन्छ । तर, ‘माइन्ड म्यानेजमेन्ट’ गरेर तनावलाई कम गर्न सकिन्छ । यसका लागि पहिलो कुरा हामीले घटनालाई स्वीकार गर्नुपर्छ । जुन कुरा हाम्रो नियन्त्रणमा छैन, त्यसको चिन्ता लिनु बेकार छ । यसमा सजगता हुनुपर्‍यो ।के हो माइन्ड म्यानेजमेन्ट ?मनको प्रवृत्ति बुझ्नु नै ‘माइन्ड म्यानेजमेन्ट’ हो । यसमा तीनवटा कुरा पर्छन् । एक त प्रायः हाम्रो मन नकारात्मक दिशातिर गइरहेको हुन्छ भने अर्को भूतकाल र भविष्यत्कालमा धेरै रुमलिरहेको हुन्छ । वर्तमानमा शतप्रतिशत नहुनुका कारण हामीले कुनै काम सिद्ध गर्न सक्दैनौं, पूर्ण रुपमा खुसी पनि हुन सक्दैनौ । जब हामी भूतकालमा जान्छौं, पछुतो र आफूलाई दोषी मान्छौं । भविष्यमा जाँदा डर, भय र चिन्ता हुन्छ । खुसी, आनन्द त वर्तमानमै पाइन्छ । मनले आफूलाई जताततै लैजान्छ । मनले हामीलाई वर्तमानमा बस्न दिँदैन । तेस्रो भनेको मनमा अनेकौं विचारधारा आइराख्नु हो । यसको अभ्यास नै ‘माइन्ड म्यानेजमेन्ट’ हो । छरिएको मनलाई समेट्ने विधि हो । हामीलाई विद्यालयमा धेरै कुरा सिकाइन्छ तर मनको प्रवृत्ति कसरी बुझ्ने भन्ने कुरा सिकाइँदैन । यो आफूले आफैंलाई चिन्ने कला हो ।यो कसरी गराइन्छ ?योग, ध्यान र श्वासप्रश्वासको माध्यमबाट यसको अभ्यास गराइन्छ । यसमध्ये पनि धेरै श्वासप्रश्वासको अभ्यासबाट हाम्रो मनको प्रवृत्तिलाई बुझ्ने प्रयास गरिन्छ ।कसले गर्ने ?यो हरेकका लागि उपयोगी हुन सक्छ । हामीले तनाव लिनु हुन्न, यसले हाम्रो स्वास्थ्यलाई नकारात्मक असर गर्छ भन्ने कुरा थाहा हुँदाहुँदै पनि हामीले मनलाई तनाव लिनबाट रोक्न सकिरहेका हुँदैनौं । ‘माइन्ड म्यानेजमेन्ट’ फ्रन्टलाइनर तथा कर्पोरेट क्षेत्रका कर्मचारीलाई अति आवश्यक छ । यो महामारीमा सबैभन्दा बढी तनाव स्वास्थ्यकर्मीलाई छ । नराम्रो खबर बिरामीका आफन्तलाई सुनाउन उनीहरूलाई गाह्रो हुनुका साथै आफ्नै परिवारलाई कोभिड सर्ला कि भन्ने तनाव हुन्छ । यो तनावलाई कसरी व्यवस्थापन गर्ने भनेर ‘माइन्ड म्यानेजमेन्ट’ का क्रममा अभ्यास गराइन्छ ।फाइदा के पुर्‍याउँछ ?‘माइन्ड म्यानेजमेन्ट’ विधिबाट हाम्रो मनलाई भूत र भविष्यत्कालबाट वर्तमानमा ल्याउन सहयोग पुग्छ । जब हाम्रो मन वर्तमान क्षणमा आउँछ तब हामी अझ उत्पादनशील हुन्छौं । हाम्रो दिमागको सोच्ने र काम गर्ने क्षमता  दोब्बर हुन्छ । सकारात्मक सोचको विकास हुने, सामाजिक कार्यमा मन जाने, कसैको कुभलो नसोच्ने यसका फाइदाहरू हुन् । सबैभन्दा महत्वपूर्ण कुरा भनेको आफूले आफैलाई बुझ्नु र चिन्नु हो ।(प्रधान दि आर्ट अफ लिभिङकी इन्टरनेसनल कर्पोरेट ट्रेनर हुन् ।)

नारी संवाददाता , श्रावण ७, २०७८

-- पुरै पढ्नुहोस् --

प्रश्नोत्तर

यो मौसममा नाइलन मिसिएको, भेल्भेट, सिल्कका पहिरन लगाउनुहुँदैन । यसले पसिना सोस्दैन र झन् गर्मी महसुस गराउँछ ।

नारी संवाददाता , असार १४, २०७८

-- पुरै पढ्नुहोस् --

‘ज्येष्ठ नागरिकलाई माया र सम्मानको खाँचो’

समग्रमा भन्दा उहाँहरूलाई न्याय दिलाउन सकिएको छैन । ज्येष्ठ नागरिकलाई अपहेलित वर्गकै रूपमा लिएको पाएका छौं ।

नारी संवाददाता , असार ६, २०७८

-- पुरै पढ्नुहोस् --

‘बिमाबाट अर्थतन्त्रलाई टेवा’

बिमाले अर्थतन्त्रलाई हरेक क्षेत्रबाट टेवा पुर्‍याइरहेको हुन्छ । करदेखि रोजगारीका लागि बिमा कम्पनीहरूले सहयोग गरेकै हुन्छन् ।

नारी संवाददाता , जेष्ठ ३, २०७८

-- पुरै पढ्नुहोस् --

व्यावसायिक सीपमा महिला

तालिम सञ्चालन गर्नुअघि फलोअपसम्मको प्याकेज बनाइन्छ तर सबै कार्यान्वयन भएको छैन ।

नारी संवाददाता , चैत्र १७, २०७७

-- पुरै पढ्नुहोस् --

प्रश्नोत्तर

जसरी हामीलाई मोबाइलमा नोटिफिकेसनले सफ्टवेयर अपडेट गर भनिरहन्छ । मैले पनि ब्युटीलाई अपटेड गर्नुपर्छ भन्ने लागेर हो ।

नारी संवाददाता , चैत्र १०, २०७७

-- पुरै पढ्नुहोस् --

दाँतका लागि ब्रेसेस

सेरामिकबाट बनाइएको ‘ह्वाइट ब्रेसेस’ नै सेरामिक ब्रेसेस हो भने दन्तलहरको पछाडिबाट पनि लगाउन मिल्ने ‘गिङ्गोल ब्रेसेस’ हो । त्यस्तै, इन्भिजिलाइन भनेको झिक्न र राख्न मिल्ने इन्भिजबल ट्रेजस्तो ब्रेसेस हो ।

नारी संवाददाता , पुस २७, २०७७

-- पुरै पढ्नुहोस् --

अनलाइन कक्षा सबैको पहुँच बाहिर

अन्य देशमा भने पाठ्यक्रमलाई जोड दिँदै क्रियाकलापमा ध्यान दिइन्छ । नेपालमा पनि क्रियाकलापमै जोड दिनुपर्छ । क्रियाकलापमा ध्यान दिएर अध्यापन गरे विद्यार्थीहरूलाई मनोरञ्जनका साथै पाठ्यक्रमलाई पनि अघि बढाउन सकिन्छ ।

नारी संवाददाता , पुस १२, २०७७

-- पुरै पढ्नुहोस् --

कौसी खेतीको रहर

कोकोपिट, मल सबै बाहिरबाट आउँछ । कौसी खेतीलाई रहरभन्दा पनि व्यवस्थित गर्न जरुरी छ । घरकै स्रोत र साधनको प्रयोग गरी मल बनाउन सकिन्छ । तरकारीको बोक्रा, चियापत्ती, बासी भात, अण्डाको खोलको मल बन्छ ।

नारी संवाददाता , पुस २०, २०७७

-- पुरै पढ्नुहोस् --

देउताले जातीय र लैंगिक विभेद गरेका छैनन

वेद पढ्ने भनेको भगवानका लागि हो । देउताले नै जातीय र लैंगिक विभेद गरेका छैनन् भने अरूको यसमा के वश होला र ? वेद भगवान्मा अर्पण गरेर शुद्ध मनले पढिन्छ जुन कुरा भगवान्ले अस्वीकार गर्छन् भन्ने मलाई लाग्दैन । 

लक्ष्मी भण्डारी थापा, आश्विन २, २०७६

-- पुरै पढ्नुहोस् --

मागअनुरूप सही रंग 

महालक्ष्मीले सामान्यदेखि उच्च गुणस्तरको रंग बजारमा ल्याएको छ । हामीले बजारको मागलाई सम्बोधन गरेका छौं । बजारमा जुन किसिमको, जुन गुणस्तरको रंगको माग हुन्छ, हामीले सोहीअनुसार रंग ल्याएका छौं । 

नारी संवाददाता , भाद्र ३०, २०७६

-- पुरै पढ्नुहोस् --