पुरुष

बहुप्रतिभाशाली चिकित्सक

धेरै पुरुष भान्सामा छिर्दैनन् । आफूलाई मन परेको परिकार बनाउन महिलालाई नै आग्रह गर्छन् । तर, मुटु रोग विशेषज्ञ डा. ओममूर्ति अनिल भने आफैं भान्सामा पस्छन् । आफूलाई मन परेको परिकार आफैं बनाउँछन् र परिवारका सबैलाई खुवाउँछन् । उनी आफूलाई मात्र नभई छोरी वा श्रीमतीलाई मनपर्ने परिकार पनि बनाएर खुवाउँछन् । भान्सामा काम गर्दा उनलाई छुट्टै रमाइलो लाग्छ । उनी भन्छन्, ‘कहिलेकाहीँ भान्सामा काम गर्दा बेग्लै आनन्द आउँछ ।’ उनले खाना बनाउँदा घरको वातावरण पनि बेग्लै हुन्छ । छोरी वा श्रीमतीले उनलाई भान्सामा देख्दा निकै रमाउँछन् । उनले बनाएको खानाको प्रशंसा भएपछि उनी मख्ख पर्छन् । डा.अनिल भन्छन्, ‘म भान्सामा पस्दा आफू सँगै परिवारमा खुसी छाउँछ ।’चिकित्सकको व्यस्त दैनिकीका बाबजुद पनि उनी भान्सामा रमाउँछन् । भान्सामा पुगेपछि दिनभरको तनाव कम हुन्छ । पुरुष भएर भान्सामा काम गर्न हुँदैन भन्ने मान्यता उनी राख्दैनन् । भान्सादेखि घरको काम महिलामा मात्रै सीमित हुन नहुने उनको धारणा छ । पुरुष र महिलाले मिलेर काम गरे परिवारमा खुसी छाउनुका साथै समानता कायम रहने उनी गर्वका साथ बताउँछन् । उनी भन्छन्, ‘घरको काममा पनि पुरुषले हात बढाउन सके पारिवारिक खुसी मिल्नुका साथै समानता कायम हुनसक्छ ।’भान्सामा काम गर्नु, खाना बनाउनु उनको रुचि हो । उनले आफ्नो यो रुचिलाई परिवारलाई खुसी बनाउने र जनमानसमा चेतना फैलाउने उपायका रूपमा लिएका छन् । सामाजिक सञ्जालमार्फत उनी स्वस्थ खानाका लागि सन्देश दिने गरेका छन् । खाना बनाउँदा मसला, चिल्लो के कति प्रयोग गर्ने उनले सिकाइरहेका हुन्छन् । डा. अनिल भन्छन्, ‘मेरो यो रुचि अहिले घर–समाज दुवैका लागि उचित रूपमा प्रयोग भएको छ ।’ उनी सामाजिक सञ्जालमार्फत नै आममानसमा पुग्छन् । उनले खाना पकाउने तरिकादेखि हरेक रोगबारे जनचेतना फैलाइरहेका हुन्छन् । यसलाई समाजप्रति उत्तरदायित्व पूरा गरेको उनी ठान्छन् । उनलाई लाग्छ आफ्नो सन्देशले धेरैलाई फाइदा हुन्छ भने किन नगर्ने ? यसबाट उनलाई  समाजप्रतिको उत्तरदायित्व पूरा गरेको महसुस भइरहेको हुन्छ । चिकित्सक पेसा समाजप्रति उत्तरदायी हुने पेसा भएको उनी ठान्दछन् । त्यही कारणले पनि उनी सामाजिक सचेतना फैलाउन अग्रसर हुन्छन् । उनी धेरैका लागि लोकप्रिय चिकित्सक बनेका छन् । सामाजिक सञ्जालमार्फत नै उनी बिरामीको समस्या समाधान पनि गर्छन् ।मुटु रोग विशेषज्ञ बन्न र समाजप्रति उतरदायित्व निर्वाह गर्नका लागि उनले थुप्रै बाधा–अवरोध पनि झेलेका छन् । कडा परिश्रम र कामप्रतिको लगावले आफू यो स्थानमा पुग्न सफल भएको बताउँछन् । महोत्तरीमा जन्मिएका उनी विद्यालयसम्मको पढाइ गाउँमै पूरा गरेका हुन् ।  त्यसपछि उनले आई.एस.सी. जनकपुरमा पढे । एमबीबीएस भने चितवनबाट पूरा गरे । सन् २००७ मा उनले महाराजगन्जस्थित त्रिवि चिकित्साशास्त्र संस्थानअन्तर्गत आइओएममा एमडीको पढाइ पूरा गरे । उनको रुचि कार्डियोलोजी (मुटु रोग विशेषज्ञ) थियो । उनको यो रहर पूरा गर्ने ठाउँ नेपालमा थिएन । नेपालमा कार्डियोलोजीको पढाइ नै हुँदैनथ्यो । एमडीपछि डिएम गर्न उनी भारत पुगे । कार्डियोलोजी विशेषज्ञ बनेर त्यहाँबाट फर्केपछि सन् २०११ मा महाराजगन्जस्थित शिक्षण अस्पतालमा बिरामीलाई सेवा दिन थाले ।डा. अनिल चिकित्सकसँगै श्रीमान्, बुवा, छोरा सबैको भूमिका राम्ररी निर्वाह गरिरहेका छन् । तर, उनको पहिलो प्राथमिकता बिरामी नै हो । उनी भन्छन्, ‘कुनै पनि चिकित्सकका लागि बिरामी मानिस पहिलो प्राथमिकता हो ।’ कार्यव्यस्तताले परिवारमा समय दिन नसक्दा कहिलेकाहीँ उनीप्रति गुनासो भइरहन्छ । भन्छन्, ‘परिवारमा पर्याप्त समयको अभाव भइरहन्छ ।’ बिरामीको उपचारपछि उनी परिवार–समाजका लागि समय दिएर बिताउँछन् । सामाजिक सञ्जाल समाजमा पुग्नका लागि गतिलो माध्यम बनेको उनी बताउँछन् । उनका भिडियोमा थुप्रै लाइक कमेन्ट आउने गरेका छन् । यसले पनि उनलाई काम गर्नका लागि थप हौसला दिने गरेको छ । उनी भन्छन्, ‘भिडियोमा कमेन्टहरूले थप काम गर्न हौसला प्रदान गरिरहेको हुन्छ ।’करिब ११ वर्षे कामको दौरानमा नेपालको स्वास्थ्य अवस्था निकै कमजोर रहेको अनुभव उनले गरेका छन् । त्यसमाथि पनि महिलाहरूको स्वास्थ्य अवस्था एकदमै नाजुक रहेको उनी बताउँछन् । महिलाहरू आफ्नो स्वास्थ्य समस्याबारे खुलेर बोल्न नसकेकै कारण धेरै समस्यामा परेको उनको ठम्याइ छ । उनी भन्छन्, ‘महिलाहरू परिवारको स्वास्थ्यप्रति जति सचेत छन्, आफ्ना लागि भने त्यति सचेत हुन सकेका छैनन् ।’ महिलाहरू आफ्नो रोग लुकाएर बस्ने गरेको उनी बताउँछन् । महिलाका यस्ता समस्याले आफैं कमजोर हुँदै जाने उनको भनाइ छ । डा.अनिल भन्छन्, ‘महिलाहरू आफ्नो स्वास्थ्यका लागि आफै सचेत हुनुपर्छ ।’

प्रकृति दाहाल, फाल्गुन ४, २०७७

-- पुरै पढ्नुहोस् --

महान् महावीर

केन्द्रले भेन्टिलेटर, आइसियु मर्मत र बनाउनेदेखि पीपीई समेत उपलब्ध गराइरहेको छ । केन्द्रमा दैनिक करिब चार सय पीपीई उत्पादन हुन्छ । महावीर शिक्षक र समाजसेवीका साथै युवा वैज्ञानिकका रूपमा संसारभरि परिचित छन् ।

प्रकृति दाहाल , माघ ९, २०७७

-- पुरै पढ्नुहोस् --

प्रताप दासको रोजाइ

आफूले गाएको गीत ...: फूल होइन ।

नारी संवाददाता , माघ ८, २०७७

-- पुरै पढ्नुहोस् --

लकडाउन युवापुस्तालाई बुझ्ने मौका पनि भयो

मेसिन जस्तै दगुरेको जीवनमा आफ्नो लागि समय नै हुदैंन थियो । यो समय आफुले आफुलाई ध्यान दिने अवसर पनि हो जस्तो उनी ठान्छन् । आफ्नो कपाल सेतो भइसकेको उनलाई पत्तो नै थिएन, अनुहारमा डार्क सर्कल पनि यादै थिएन ।

सिर्जना दुवाल श्रेष्ठ, वैशाख २१, २०७७

-- पुरै पढ्नुहोस् --

कस्ता पुरुष सहकर्मी रुचाउँछन् महिला

‘काममा उत्प्रेरणा जगाउने, हास्यचेत भएका, नबुझेको कुरा बुझाइदिने अनि घरपरिवारकै सदस्यजस्तो व्यवहार गर्ने सहकर्मी असल लाग्छन् ।’

नारी संवाददाता , माघ १३, २०७६

-- पुरै पढ्नुहोस् --

फेसनेबल  धीरज

धीरज मगरलाई विशेषत: युट्युबमा हेर्ने नेपालीहरू निकै छन् । उनको ड्याट टुडे ब्लग नामक युट्युब च्यानल छ, जहाँ २ सय ५० भन्दा बढी भिडियो अपलोड छन् । धीरजले १ लाख १२ हजारभन्दा बढी सब्स क्राइबरको उक्त युट्युब च्यानलमा अपलोड भएका भिडियोबाटै लोकप्रियता कमाएका हुन् । त्यसमा पनि उनका महिला प्रशंसक बढी छन् । 

नारी संवाददाता , मंसिर ८, २०७६

-- पुरै पढ्नुहोस् --

मनोजको सफलता

हालै थाइल्याण्डको चियाङमाई सम्पन्न मिष्टर मोडल अफ द वर्ल्ड २०१९ नामक अन्तर्राष्ट्रिय मोडल प्रतियोगितामा नेपालका तर्फबाट सहभागिता जनाएका मनोज कुमार गुरुङले वेष्ट वाक विधाको अवार्ड जित्न सफल भएका छन् । 

नारी संवाददाता , भाद्र १८, २०७६

-- पुरै पढ्नुहोस् --

एकल गायनमा सुमन

लामो समयदेखि सांगीतिक क्षेक्रमा सत्रिय गायक सुमनकुमार श्रेष्ठ शनिबार काठमाडौंमा पहिलो पटक एकल गायन कार्यक्रममा झुल्किए । आधा दर्जन वाद्यवादक संगीतकर्मीसहित प्रस्तुत भएका गायक सुमन कुमारले त्यो अवधिमा आफ्ना लोकप्रिय गीत–संगीत प्रस्तुत गरे । 

नारी संवाददाता , श्रावण ४, २०७६

-- पुरै पढ्नुहोस् --

मिस्टर इन्टरनेसनलको प्रतिस्पर्धामा

२३ वर्षीय प्रशान्तजंग शाह फिलिपिन्सको मनिलामा यही फागुन २ देखि १२ गतेसम्म सञ्चालन हुने पुरुष व्यक्तित्व, बौद्धिकता एवं सुन्दरताको अन्तर्राष्ट्रिय सौन्दर्य प्रतियोगिता मिस्टर इन्टरनेसनलको १३औं संस्करणमा सहभागी हुँदैछन् ।

नारी संवाददाता , फाल्गुन ३, २०७५

-- पुरै पढ्नुहोस् --

म्यानहन्ट इन्टरनेसनल

विवेश श्रेष्ठ इन्टरनेसनल नेपाल–२०१९ को विजेता भएका छन् । आफ्ना १४ जना प्रतिस्पर्धीको तुलनामा आफूलाई अब्बल प्रमाणित गर्न सफल विवेशले मिस्टर फिजिकको एवार्डसमेत आफ्नो पोल्टामा पारेका थिए ।

नारी संवाददाता , माघ २५, २०७५

-- पुरै पढ्नुहोस् --

हिट हिरो : खगेन्द्र

गाउँबाट लेखक बन्छु, पुस्तक निकाल्छु भन्ने सपना साँचेर काठमाडौं आएका खगेन्द्र अहिलेका हिट हिरो मानिन्छन् । थिएटरबाट चलचित्रमा आएका खगेन्द्र सपनामा पनि नसोचेको कुरा भएकोमा कहिलेकाहीँ आफै आश्चर्यचकित हुन्छन् ।

नारी संवाददाता , असार ११, २०७५

-- पुरै पढ्नुहोस् --