फिचर

स्कुटरले आत्मनिर्भर 

पछिल्लो समय दुई पाङ्ग्रे सवारीसाधन प्रयोग गर्ने महिलाको संख्या बढेको छ । समयको बचत र सार्वजनिक यातायातमा हुने दुर्व्यवहारबाट जोगिने भएकाले दुईपाङ्ग्रे सवारी साधनको प्रयोग गर्ने महिला बढेका हुन् । सञ्चारकर्मी सिर्जना खड्काले स्कुटर चलाउन थालेको पाँच वर्ष भइसक्यो । भक्तपुरको ठिमीबाट काठमाडौं प्रदर्शनीमार्गस्थित रत्नराज्य क्याम्पस आउजाउ गर्न उनले खरिद गरेको स्कुटरले उनलाई हरेक काम गर्न सहज भएको छ । समाचार संकलन गर्ने क्रममा पत्रकार सबै ठाउँमा पुग्नुपर्ने तर, ती सबै ठाउँमा सार्वजनिक यातायात नपुग्ने भएकाले स्कुटर उपयोगी भएको उनले बताइन् । उनी स्कुटरबाट काठमाडौं उपत्यका मात्र नभई बाहिर पनि जाने गर्छिन् । उनले स्कुटरबाटै रामेछाप र काठमाडौंको यात्रा गर्छिन् । ‘सार्वजनिक यातायातमा सिट नहुने तथा सहचालक र यात्रुबाट दुर्व्यवहार हुने, समय पनि खेर जाने भएकाले पनि मलाई स्कुटरमै यात्रा गर्न मन पर्छ’ उनले भनिन्, ‘स्कुटर चलाउन थालेयता मेरो आत्मविश्वास बढ्नुका साथै स्वतन्त्रता महसुस हुन थालेको छ ।’ महाराजगञ्जस्थित शिक्षण अस्पतालमा कार्यरत स्टाफ नर्स कृति नापित दिनरात काममा व्यस्त छिन् । सार्वजनिक यातायातमा भीडभाड हुने तथा सानो कामका लागि पनि धेरै समय खर्चिर्नुपर्ने बाध्यताले उनी स्कुटर चलाउन थालेकी हुन् । पाँच वर्षअघि स्कुटर कुँदाउन थालेयता उनलाई समयमै ड्युटीमा पुर्‍याएको छ । उनले भनिन्, ‘सार्वजनिक यातायातमा हिँड्नुपर्दा एक घण्टाअगाडि घरबाट निस्कनुपर्थ्यो भने स्कुटर चलाएपछि १५ मिनेट अगाडि निस्कन्छु ।’ स्कुटर भएपछि आफ्नो समयअनुसार निस्कन सकिने उनको अनुभव छ । व्यस्त जीवनशैलीका कारण आफूले कुनै पनि सवारीसाधन चलाउन सके धेरै समय बचत हुन सक्ने उनले बताइन् । समयमै काम गर्न र कुनै पनि ठाउँमा समयमै पुग्न अहिले स्कुटर आवश्यक भएको उनले बताइन् । नेपाल इन्भेस्टमेन्ट बैंकमा कार्यरत अनिता शाहीलाई मातातीर्थबाट दैनिक अफिस लाजिम्पाट आउनुपर्थ्यो । उनलाई सधै समस्या हुन्थ्यो, सार्वजनिक यातायातको । समयमा गाडी नपाउने, पाए पनि सिट नहुने, एउटै सवारीसाधनमा सबैतिर पुग्न नसकिने भएकाले आफूले दुईपाङ्ग्रे रोजेको बताइन् । अर्को कुरा, सवारीसाधनमा भाडाको खर्च नै बढी लाग्छ । यी यस्तै समस्याबाट मुक्ति पाउन उनले स्कुटर किनेको बताइन् । उनका अनुसार स्कुटरमा दैनिक २८ किलोमिटर हिँड्नुपर्दा पनि राहत महसुस हुन्छ । ‘स्कुटरले खर्च पनि बचाइदिएको छ’ अनिताले भनिन्, ‘धेरै वटा सवारीसाधनमा महँगो भाडा तिर्नुभन्दा स्कुटीमा पेट्रोल हाल्न सहज हुन्छ ।’ आफ्नो इच्छा र समयअनुसार यात्रा गर्न सकिने भएकाले पनि आफूलाई स्कुटरले धेरै सहज भएको उनले बताइन् । एक सन्तानकी आमा उनी स्कुटरकै कारण अफिसबाट समयमै घर पुग्न सकिने भएकाले छोरीलाई पर्याप्त समय दिन सकेको उनको भनाइ छ । सवारी साधनको प्रयोगले आफूलाई आत्मनिर्भर बनाएको उनले बताइन् । फाइनान्समा कार्यरत दुर्गा रूपाखेतीलाई आफू स्कुटरबिना काम गर्न सक्छु भन्ने लाग्दैन । उनका लागि स्कुटर बाध्यतासँगै आवश्यकता बन्दै गएको छ । फिल्डमा रकम संकलन गर्नका लागि स्कुटर धेरै उपयोगी भएको उनलाई लाग्छ । स्कुटर भएका कारणले घरको काममा पनि समय छुट्याउन सकेकी छन् । छोराछोरीलाई विद्यालय पुर्‍याउनेदेखि फिल्डमा हिँड्नसमेत स्कुटर सहयोगी भएको उनले बताइन् । ‘पैसा संकलन गर्न फिल्डमा हिँडिराख्नुपर्छ, न सार्वजनिक यातायात चढ्न सकिन्छ न त हिँड्न नै, मेरा लागि स्कुटर एउटा आवश्यकता बनेको छ’ उनले भनिन् । स्कुटर भएपछि उनलाई काम गर्ने जाँगर बढेको छ । उनले भनिन्, ‘स्कुटरले समयको बचत र दुर्व्यवहारबाट बच्न धेरै सहयोग गरेको छ ।’

नारी संवाददाता , वैशाख ११, २०७९

-- पुरै पढ्नुहोस् --

साहसी सुबिना

पत्रकार तथा फिल्म मेकर सुबिना श्रेष्ठलाई उनको दृढता, आत्मविश्वास र कामप्रतिको लगनले अन्तर्राष्ट्रिय मञ्चमा अब्बल बनाएको छ । ‘काठमाण्डु पोस्ट’, ‘टाइम्स अफ इन्डिया’ हुंँदै अरबी मुलुक कतारको सरकारी सञ्चार माध्यम ‘अल–जजिरा’ टेलिभिजनमार्फत उनले विभिन्न देशका नसुनिएका कथाहरू विश्वभरिका मानिसको आँखा र कानसम्म पुर्‍याइदिइन् । 

लक्ष्मी भण्डारी, फाल्गुन ९, २०७८

-- पुरै पढ्नुहोस् --

‘डिजिटल’ हिंसाको जोखिममा दृष्टिविहीन 

म्यासेन्जरमा आएका ‘च्याट’ हरू हेरेर श्रीमानले तथानाम गाली मात्र होइन झगडा गरी कुटपिटसमेत गर्थे ।

विद्या राई, फाल्गुन ६, २०७८

-- पुरै पढ्नुहोस् --

घुमफिरमा राष्ट्रपति

राष्ट्रपति आउने पक्कापक्की भएपछि चन्द्रागिरिका सेफ हवल लामाको टोलीले छुट्टै मेनु बनाएको थियो ।

सुरज कुँवर , मंसिर ३, २०७८

-- पुरै पढ्नुहोस् --

पर्यटनमा महिला

पर्यटन व्यवसायी महिला संघकी संस्थापक अध्यक्षसमेत रहेकी लक्कीले भनिन्, ‘अहिले महिलाको अवस्थामा धेरै सुधार भएको हो, पहिला त यस किसिमको व्यवसायमा लाग्नेलाई बिग्रिएको भन्थे तर अहिले केही परिवर्तन आएको भने पक्कै हो ।’

  लक्ष्मी भण्डारी, कार्तिक १५, २०७८

-- पुरै पढ्नुहोस् --

सरकार बिरुद्ध युवतीहरु

लकडाउनको अबज्ञा गर्दै हजारौं युवायुवतीहरु अहिले सरकारको बिरुद्धमा सडकमा उत्रिरहेका छन् । कोरोना संक्रमणलाई नियन्त्रण गर्न सरकारले गरेको लकडाउन, परिक्षण, राहत, खर्च जस्ता विषयमा असन्तुष्टि देखाउदैं उनीहरु सडकमा उत्रिएका हुन् ।

महेश प्रधान, जेष्ठ ३१, २०७७

-- पुरै पढ्नुहोस् --

अहिले घरभित्रका डाक्टर भनेकै गृहिणी 

घरभित्रको अस्पताल भनेकै भान्छा घर हो र त्यसका डाक्टर भनेका गृहिणी हुन् । उनीहरू सजग छन् भने घरका सम्पूर्ण परिवार स्वस्थ हुने अमेरिकामा गरिएको एक सर्वेक्षणले देखाएको छ । 

लक्ष्मी भण्डारी थापा, वैशाख १०, २०७७

-- पुरै पढ्नुहोस् --

लकडाउनको सदुपयोग, पुरानो एल्बम पल्टाउने कि 

आफ्ना बालबच्चालाई विगतको कथा सुनाउनुहोस् । फोटोको माध्यामबाट उनीहरुले सचित्र तपाईंको बिगतबारे जान्ने मौका पाउनेछन् । विगतमा आफु कुन अवस्थामा थिएँ र के कस्ता संघर्ष गरेर अघि बढे भन्ने कुरा सुनाउनुहोस् । यसका लागि पुराना फोटो तपाईंका लागि निकै उपयोगी सावित हुनेछ । 

सुजाता मुखिया, वैशाख ७, २०७७

-- पुरै पढ्नुहोस् --

कोरोना त्रासः मनको बाघले खाइरहेको त छैन !

अहिले चौतर्फी कोरोना भाइरसको त्रास बढिरहेको छ । सँगै मौसम पनि परिवर्तनको बेला छ । यसर्थ सामान्य मौसमी रुघाखोकी लाग्दापनि कोरोनाले भेट्यो कि भन्ने शंका हुन्छ । यसले मानिसको मानसिक स्वास्थ्यमापनि असर गरिरहेको छ । सर्वसाधारण नागरिक मात्रै होइनन्, राम्रै व्यवसायिक एवम् पेसागत छवि भएकालाई पनि कोरोनाले तर्साइ रहेको छ ।

लक्ष्मी भण्डारी, चैत्र १५, २०७६

-- पुरै पढ्नुहोस् --

सम्झनामा विवाह

२६ वर्षमा विवाह गरेकी भुवन त्यो समयमा आफ्नो विवाह ढिलो गरी भएको बताउँछिन् । उमेर र जागिरका कारण हरेक निर्णय आफैं लिन सक्ने अवस्थामा भएकाले पनि चन्दले माइकलसँग विवाह गर्ने निर्णय गरिन् । यसले गर्दा पनि उनीहरूबीच सहजै विवाहको सहमति जुट्यो । विवाहको समयमा माइकल डेरामा बस्थे । उनले भुवनलाई डेरामै भित्राएका हुन् ।

प्रकृति दाहाल, मंसिर ८, २०७६

-- पुरै पढ्नुहोस् --

बिहे नगरेका नेपालका हिट अभिनेत्रीहरु

चलेको चलन, विवाहका लागि साइत जुर्नुपर्छ । यद्यपि, साइत नजुरेपनि इच्छा हुनेहरुले बिहे गरेकै छन् । नेपाली ग्ल्यामर क्षेत्रमा केहि त्यस्ता चर्चित अभिनेत्रीहरु छन्, जसले अहिलेसम्म लगन गाँठो कस्न सकेका छैनन् । कतिपयले डिभोर्स गरेर यत्तिकै एकल जिवन बिताइरहेका छन् । कतिपयले इङ्गेजमेन्ट गरेर बिहेको मिति कुरिरहेका छन् । यसपटक हामीले नेपाली चलचित्र क्षेत्रमा काम गरिरहेका चर्चित अविवाहित अभिनेत्रीहरुको बारेमा छोटो चर्चा गरेका छौं ।

रामजी ज्ञवाली, श्रावण २३, २०७६

-- पुरै पढ्नुहोस् --