गन्तव्य

चोकचोकमा स्तम्भ

पर्यटकीय दृष्टिले अग्रणी जिल्ला धनकुटामा आगन्तुकको स्वागत गर्ने शैली फेरिएको छ । दैनिकजसो वाह्य तथा आन्तरिक पर्यटक भित्रिने त्यहाँ स्वागत लेखिएका ठूला गेट र होडिङबोर्ड कमै छन् । तर, चोकैपिच्छे स्थान विशेष पहिचान दिलाउने स्तम्भ बनाएर पर्यटक आकर्षण गर्ने होडबाजी छ । त्यहाँ बनाइएका स्तम्भले आगन्तुकहरूलाई एउटा चोकबाट अर्को चोकमा जानधेरै सजिलो भएको छ। धनकुटा प्रवेश गर्ने दक्षिणी नाका भेंडेटारदेखि उत्तरतर्फको सिधुवासम्म स्तम्भहरू छन्, स्तम्भहरूले सेल्फी खिच्नेलाई लोभ्याउँछन् । पूर्वको प्रमुख पर्यटकीय केन्द्र धनकुटाको भेंडेटारमा शंख, हिलेमा तोङ्बा, सिधुवा बजारमा काउली, तेह्रथुमको वसन्तपुरमा गुराँस, लसुनेमा लसुन, म्याङलुङमा बिरालो, संक्रान्ति बजारमा फाल्गुनन्दको स्तम्भ र संखुवासभाको मूढेशनिश्चरे बजारमा यलम्बरको स्तम्भ बनाइएका छन । भेंडेटारको शंखेश्वर पर्यटकीयस्थल भेंडेटार चोकबाट पूर्वतर्फ सय मिटर दूरीमा शंखको ठूलो स्तम्भछ । त्यसलाई शंखेश्वर मन्दिर भनिन्छ । धरानबाट उकालिँदै गर्दा डाँडामा सेतो रंगको शंख देख्न सकिन्छ । शंखले महाभारत पहाडको पौराणिक पक्षसँग समेत महत्व राख्ने स्थानीयको दाबी छ । धार्मिक पर्यटनको दृष्टिले कलाकार रोजन राईको परिकल्पनामा ०७० मा शंखेश्वर मन्दिर निर्माण भएको हो । ४९ फिट अग्लो शंखको आकारको मन्दिर भारतको गुजराँतपछिको अग्लो भएको स्थानीय विष्णुराज श्रेष्ठको दाबी छ । शंखेश्वर मन्दिरमा दैनिक सयौं पर्यटकले पूजा गरी तस्बिर खिच्छन् ।एभोकाडो पार्कझट्ट नियाल्दा काटेर खान तयार पारिएको फल राखिएको भान हुन्छ । धनकुटा नगरपालिका–छस्थित एभोकाडो पार्कमा एभोकाडोकै आकर्षक स्तम्भ सजाइएको छ । उसो त धनकुटा नगरपालिकाले नगरलाई एभोकाडोको राजधानी घोषणा गर्दै एभोकाडो फेस्टिवल पनि गर्दै आएको छ । पछिल्लो समय एभोकाडो खेतीमा धनकुटाका कृषकको विशेष सहभागिता देखेर धनकुटा नगरपालिकाले पार्क निर्माण गरी यसको स्तम्भ राखेको नगरप्रमुख चिन्तन तामाङ बताउँछन् । नगरका कृषकले वार्षिक सात करोडभन्दा बढीको आम्दानी हात पार्ने महत्वाकांक्षी योजनासहित एभोकाडोको प्रचार थालिएको हो । एभोकाडो पार्क क्षेत्रमा ‘फ्रि वाइफाइ’ व्यवस्था गरिएसँगै पर्यटकको आकर्षण बढ्दै गएको छ । जिल्ला बाहिरबाट पुग्ने जोकोहीको प्राथमिकतामा एभोकाडो पार्क पनि रहेको छ ।  हिलेको तोङ्बावरिपरि हरियालीसँगै क्षणभरमा बादलुको घुम्टोभित्र लुकामारी गर्ने हिलेलाई बजारको चोकमा रहेको तोङ्बाको सालिकले थप सौन्दर्य प्रदान गरेको छ । बाह्रै महिना चिसो हुने हिलेलाई सुन्दर वातावरणले पर्यटकको मन लोभ्याउनु सामान्य हो । अझ यहाँको चिसोपनलाई न्यानो पार्ने मौलिक पेय पदार्थ तोङ्बालाई सायद कसैले भुल्लान् । हिलेको तोङ्बा र सुकुटीले यति प्रसिद्धि पाइसकेको छ कि, त्यहाँ पुग्ने अधिकांशको रोजाइमा यो पर्छ । त्यसैले हिलेको मौलिकपन एवं परम्परा झल्काउने उद्देश्यले स्थानीय युवाले तोङ्बाको आकर्षक भाँडोको स्तम्भ बनाएका हुन् । हिले समुद्र सतहबाट करिब १९ सय मिटरको उचाइमा छ । अझ कलात्मक तारघेराभित्र सजाइएको २२ फिट अग्लो र चार मिटर गोलाइको तोङ्बाको स्तम्भले त्यहाँ पुग्ने जोकोहीलाई लोभ्याउने गरेको वाणिज्य संघका पूर्वअध्यक्ष उमेश घिमिरेको भनाइ छ । कोदोबाट बनाइएको स्वादिलो तोङ्बाले चर्चित धनकुटाको हिले बजारमा स्थानीय युवाको समूहले नौ लाख रुपैयाँ लागतमा स्तम्भ निर्माण गरेको हो । हिले बसपार्कमा निर्माण गरिएको २२ फिट अग्लो कलात्मक तोङ्बा हिले बजारमा पहिलोपटक आउनेका लागि आकर्षण लाग्ने र तस्बिर खिच्नेको भीड नै लाग्ने गरेको छ ।खोकुको सुन्तलामुलुकमै स्वादिष्ट सुन्तलाका रूपमा परिचित धनकुटाको खोकुमा सुन्तलाको आकर्षक स्तम्भ बनाइएको छ । सुन्तलाको स्तम्भ एवं पार्कले त्यहाँ पुग्ने आन्तरिक तथा वाह्य पर्यटकको ध्यान तान्ने गरेको गाउँपालिका अध्यक्ष मनोज राईको भनाइ छ । सहिदभूमि गाउँपालिकाको मुकामका रूपमा रहेको पिप्लेमा उक्त पार्क छ ।  हात्तीखर्कमा हात्तीधनकुटाको छथर जोरपाटी गाउँपालिकाको हात्तीखर्कमा नामअनुसारको हात्तीको स्तम्भ रहेको छ । तीन वर्ष पहिले निर्माण गरिएको स्तम्भ पहाड धरातलमा नपाइने प्रसिद्ध जनावर हात्तीलाई सजीवझैं लाग्छ । कुनै बेला हात्ती बस्ने ठाउँका रूपमा रहेकाले उक्त स्थानलाई हात्तीखर्क भनिएको स्थानीय भीम खेवा लिम्बूको भनाइ छ । हात्तीखर्कमा रहेको हात्तीको स्तम्भ अवलोकन गर्न विभिन्न ठाउँबाट सर्वसाधारण पुग्छन् ।  सिधुवाको काउलीधनकुटाकै छथर जोरपाटी गाउँपालिकालाई कृषिको पकेट क्षेत्रका रूपमा चिनाउन सिधुवा बजारको मुख्य चोकमा काउलीको स्तम्भ निर्माण गरिएको छ। स्थानीय सिंहदेवी युथ क्लबको अगुवाइमा करिब सात लाख रुपैयाँको लागतमा काउलीको स्तम्भ निर्माण गरिएको हो । यो स्तम्भ करिब छ फिट गोलाइ र पाँच दशमलव पाँच फिट उचाइको छ । सिधुवा बजारमा तरकारी त्यसमा पनि काउलीको खपत बढी हुने र काउलीको संकलनका साथै निकासी हुने मुख्य बजारका रूपमा पहिचान बनाएकाले काउलीको स्तम्भ बनाइएको कृषि अभियन्ता मेघेन्द्र गुरुङ बताउँछन् । महालक्ष्मीको रुद्राक्षधनकुटाको महालक्ष्मी नगरपालिकाको मुकाम जितपुर बजारमा रुद्राक्षको आकर्षक स्तम्भ निर्माण गरिएको छ । महालक्ष्मी नगर रुद्राक्ष उत्पादन तथा कारोवारको दृष्टिले अग्रणी रहेकाले प्रतीकका रूपमा रुद्राक्ष स्तम्भ निर्माण गरिएको नगर प्रमुख पर्शुराम नेपालको तर्क छ । त्यहाँ पुग्ने पर्यटकले स्तम्भमा तस्बिर खिच्छन् । 

रमेशचन्द्र अधिकारी, वैशाख ९, २०७९

-- पुरै पढ्नुहोस् --

मनमोहक ‘ग्रिन भ्याली रिसोर्ट’

काठमाडौंको शिवपुरी डाँडागाउँस्थित ‘ग्रिन भ्याली रिसोर्ट’ पछिल्लो समय पर्यटकको आकर्षक गन्तव्य बन्दै गएको छ ।

नारी संवाददाता , माघ २६, २०७८

-- पुरै पढ्नुहोस् --

जाडो छल्न कहाँ जाने ?

तराईको सबैभन्दा ठूलो राष्ट्रिय निकुञ्ज हो, बर्दिया । अहिले यहाँको मौसम सुख्खा एवं न्यानो हुन्छ । यतिबेला बर्दिया घुम्नका लाागि उपयुक्त हुन्छ ।

नारी संवाददाता , माघ ५, २०७८

-- पुरै पढ्नुहोस् --

घुम्दै खाना चाख्दै

चियाका लागि इलाम, सुकुटीका लागि धनकुटा, कालो सुँगुरका लागि धरान, चुकौनीका लागि पाल्पा, बरमाझिँयाको पेडा, नेपालगञ्जको चाट र राबडी, हिलेको तोङ्बा, भक्तपुरको जुजुधौ, मलेखुको माछा, चितवनको तास प्रसिद्ध मानिन्छ ।

भाद्र ९, २०७८

-- पुरै पढ्नुहोस् --

घुम्नैपर्ने नयाँ ठाउँ

भौगोलिक हिसाबले आकर्षक, प्राकृतिक दृष्टिले रमणीय, ऐतिहासिक कोणले महत्वपूर्ण ठाउँहरूमा अहिले आगन्तुकहरूको भीड लाग्न थालेको छ ।

सुजाता मुखिया, चैत्र १०, २०७७

-- पुरै पढ्नुहोस् --

साहसिक यात्राका लागि पदमार्ग

उच्च हिमाली यात्राका लागि नेपालमा यस्ता ‘ट्रेकिङ रुट’ हरू छन्, जहाँ हिमतालको लोभलाग्दो दृश्य, साँघुरो गोरेटो बाटो, दुर्लभ बोटबिरुवा, पशुपंक्षी नजिकबाट नियाल्दै यात्रा गर्नुको नौलो अनुभव बटुल्न सकिन्छ ।

सुजाता मुखिया, फाल्गुन १०, २०७७

-- पुरै पढ्नुहोस् --

इलामका नयाँ गन्तव्य

इलामको उत्तरी भेगतर्फ लाग्दा एकपछि अर्को पर्यटकीय गन्तव्य फेला पर्छन्–माइपोखरी, टोड्के झरना, सन्दकपुर, छिन्टापु । यी गन्तव्यहरूको प्रवेश बिन्दुमा छ, कोठीडाँडा । जसबीरे भञ्ज्याङको शिरमा अवस्थित यो डाँडा इलामको नयाँ पर्यटकीय गन्तव्य हो, जहाँबाट इलामका अधिकांश भाग अवलोकन गर्न सकिन्छ ।

सुजाता मुखिया, माघ ८, २०७७

-- पुरै पढ्नुहोस् --

घुमफिरका लागि होमस्टे

कोरोना महामारीले लामो समय थलिएको होमस्टे व्यवसाय अहिले केही सामान्य भएपछि फेरि जुरमुराउन थालेको छ ।

प्रकृति दाहाल, मंसिर ११, २०७७

-- पुरै पढ्नुहोस् --

नेपालमै घुमफिर

नेपालका हिमाली भेग तथा नदीको किनारमा बेग्लै रमाइलो हुन्छ । अहिले धेरैजसो परिवारसहित नगरकोट, सुकुटे बीच, गोरखा बीच, त्रिशूली बढी जान्छन् ।

सुजाता मुखिया, माघ १३, २०७६

-- पुरै पढ्नुहोस् --

खप्तड :  प्रकृतिको उपहार

सुदूरपश्चिमका चार जिल्ला बझाङ, बाजुरा, डोटी र अछामको थाप्लोमा पर्ने भूस्वर्ग खप्तडले अनेकौं विविधता बोकेको छ । पर्यटन पत्रकार अमृत भादगाउँले भन्छन्–‘प्राकृतिक, धार्मिक, ऐतिहासिक एवं पर्यटकीय तवरले छुट्टै अस्तित्व बोकेको सुदूरपश्चिमको श्रीपेच हो ।’ उनी थप्छन्–‘२ हजार ७ सयदेखि ३ हजार २ सय २७ मिटरसम्मको उचाइमा पर्ने खप्तड जैविक विविधताको राजधानी हो ।’

वसन्तप्रताप सिंह, विद्या राईपुस ९, २०७६

-- पुरै पढ्नुहोस् --

विदेशमा हनिमुन

मंसिरदेखि जेठसम्मलाई नै हनिमुनको सिजन मानिन्छ । हरेक जोडी विवाहपछिको हनिमुनका लागि एक्साइटेड पाइन्छन् । हनिमुनका लागि हाम्रै देशमा धेरै ठाउँ रमणीय छन् । यद्यपि कतिपय नवविवाहित जोडीको चाहना विदेश घुमघाम हुन्छ । सही र कम खर्चमा घुमघाम हुने स्थानको जानकारी नहुँदा आफ्नो इच्छा मार्नुपर्ने अवस्था पनि आउँछ ।

नारी संवाददाता , मंसिर ९, २०७६

-- पुरै पढ्नुहोस् --