सुरक्षा

अर्गानिक खाना र  स्वस्थ जीवन

दोस्रो विश्वयुद्धपछि मात्र किसानहरूले खेतिपातीमा सिन्थेटिक किटनाशक विषादी र रसायनको प्रयोग गर्न थालेका हुन् । अहिले खेतीमा उत्पादन बढी होस् भनेर बिभिन्न किसिमका रासायम मिसाएर बनाएको किटनाशक औषधि र एन्टिवायोटिकहरुको प्रयोग अत्याधिक बढीरहेको छ । अन्नलाई नष्ट गर्ने किरालाई मार्न प्रयोग हुने यस्ता किटनाशक औषधिको अंश हामीले भान्छामा भित्राउने खानेकुरामार्फत् भित्रिरहेको छ । किटनाशक, एन्टिबायोटिकको मात्रा धेरै भएका तरकारीको सेवनले क्यान्सरजन्य रोगको मात्र बढाइरहेको छ । जसको कारण पछिल्लो पटक अर्गानिक खानेकुराहरू खानुपर्छ भन्ने लहर चल्न थालेको छ । प्राकृतिक रुपमा फल्ने वा सिजन अनुसारको तरकारी र फलफुलमा कम किटनाशक औषधिको प्रयोग भएका हुन्छन् भने सिजन भन्दा अन्य समयमा आउने तरकारी र फलफुलको उत्पादन गर्न अत्याधिक रुपमा किटनाशक औषधि र एन्टिवायोटिकको प्रयोग भएको हुन्छ । यही कारणले पनि सिजन अनुसारको तरकारी र फलफुल खाने गर्नु यो समस्यावाट जोगिने पहिलो उपाय देखिन्छ । यो वाहेक सकरभर बोक्रा छोडाएर खाने किसिमका तरकारी र फलफुलको प्रयोग गर्नु राम्रो हुन्छ । अर्गानिकका फाइदाजुन फलफुल, तरकारी र अन्नबालीको उत्पादनमा कुनै किसिमको रसायनको प्रयोग गरिएको छैन भने त्यसलाई अर्गानिक मानिन्छ । अध्ययनहरूले बिरुवाको बोटमा मात्र नभएर माटोमा हालिने मल समेत जैविक हुनुपर्छ भन्ने मान्यता राख्छन् । खेतीमा प्रयोग भएका रसायनहरूले मेटाबोलिक समस्या, हर्मोनल समस्या र क्यान्सरजस्ता विभिन्न खालका स्वास्थ्य समस्या उत्पन्न हुन सक्छन् । अर्गानिक रूपमा उत्पादन भएका बालीहरू र मासुहरू जेनेटिकल्ली मोडिफाइड अर्गानिजम अर्थात् जीएमओबाट बनेका हुँदैनन् । जीएमओहरू खानेकुराको परिवर्तित रूप हुन् । यो प्रविधि भनेको अन्नको उत्पादन बढाउने र खानेकुराको अभाव हुनबाट जोगाउने हो ।  अर्गानिक रूपमा उत्पादन गरिएका फलफूल, तरकारी र मासुहरू पोषिलो हुने मात्र होइन, रसायनको कमीले गर्दा राम्रो गुणस्तर र स्वादिलो पनि हुन्छन् । विभिन्न किसिमका हर्मोन र एन्टिबायोटिकको प्रयोग गरी हुर्काइएका पशुहरू अर्गानिक हिसाबले खुला रूपमा हुर्काइएका पशुहरूको तुलनामा धेरै तनावमा हुन्छन् । यसले मासुको गुणस्तरमा पनि निकै फरक पार्न सक्छ । यही कुरा अर्गानिक रूपमा उत्पादन गरिएका फलफूल र तरकारीमा पनि लागू हुन्छ । अर्गानिक रूपमा उत्पादन गरिएका फलफूल, तरकारी र मासुजन्य उत्पादन वातावरणमैत्री पनि हुने अर्गानिक चूल्होका संचालक शितल श्रेष्ठ बताउ“छिन् । किनभने ती खानेकुरा उत्पादन गर्न र वृद्धि गराउनका लागि कुनै पनि रसायनको प्रयोग गरिएको हुँदैन । किटनाशक विषादीहरूले कृषि र वातावरणजन्य नोक्सानी हुने गरी नदी, माटो र हावालाई समेत प्रदूषित बनाउन सक्छन् ।

सिर्जना दुवाल श्रेष्ठ, वैशाख ७, २०७७

-- पुरै पढ्नुहोस् --

इन्डक्सनको लोकप्रियता र सावधानी

मुटुमा पेसमेकर प्रयोग गरिरहेकाहरूले यो उपकरण प्रयोग गर्दा विशेष सावधानी अपनाउनुपर्छ । त्यस्ता व्यक्तिमा इन्डक्सन चुल्होले उत्पन्न गर्ने चुम्बकीय शक्तिले नकारात्मक प्रभाव पार्ने भएकाले विशेषज्ञहरूको सल्लाह अनुरूप मात्र यसको उपयोग गर्नुपर्छ ।

सिर्जना दुवाल श्रेष्ठ, वैशाख ४, २०७७

-- पुरै पढ्नुहोस् --

घरमै एरोबिक्स 

एरोबिक्स विशेषगरी महिलाहरूबीच चर्चित छ । जसले गर्दा केही मानिसमा यो महिलाले मात्र गर्ने व्यायाम हो भन्ने भ्रम पनि छ तर एरोबिक्स जोकसैले गर्दा पनि हुन्छ । यो व्यायाम कडा अथवा कार्डियो व्यायाम गर्न नचाहने महिला अथवा पुरुषका लागि उत्तम छ । यो रमाइलो तरिकाले स्वस्थ एवं फिट रहन गरिने व्यायाम हो । 

नारी संवाददाता , मंसिर ३०, २०७६

-- पुरै पढ्नुहोस् --

धेरै खुसी हुनु पनि मुटुका लागि खतरा 

सरप्राइज, जन्मदिन, पार्टी, परिवारमा नयाँ शिशुको जन्म, काममा प्रमोसन आदिमा मानिसहरू खुसी हुन्छन् र यस्तो अवस्थामा मुटुसम्बन्धी समस्या देखापर्न सक्ने चेतावनी विज्ञहरूले दिएका छन् । यो समस्यालाई हेप्पी हार्ट सिन्ड्रोम भनिएको छ ।

नारी संवाददाता , कार्तिक १९, २०७६

-- पुरै पढ्नुहोस् --

आगलागीको क्षति  न्यूनीकरणका उपायहरू

 परिवारिक योजना बनाउनुहोस् । घरको मूलढोका बन्द भए बाहिर निस्कनका लागि वैकल्पिक बाटोका बारेमा योजना तयार पार्नुहोस् । चेतावनीका लागि साथमा सधैँ सिट्ठी राख्नुहोस् । 

जीवन घिमिरे, विपत् व्यवस्थापन सहजकर्ता असार १४, २०७६

-- पुरै पढ्नुहोस् --

चायाँ हटाउने उपाय

केशमा चायाँ पर्नु स्वाभाविक हो । शरीरबाट तेल र पसिना निस्कने हुँदा यो समस्या वृद्धि हुन्छ । कतिपय अवस्थामा स्केल्प ओयली तर केश सुख्खा र रुखो हुन्छ । स्केल्पको रोमछिद्र बन्द भएका कारण त्यस्तो भएको हो । यसले नेचुरल ओयलको समुचित बाँडफाँडमा बाधा पुर्‍याउँछ । 

नारी संवाददाता , चैत्र १७, २०७५

-- पुरै पढ्नुहोस् --

इलेक्ट्रिक सामग्रीको प्रयोग

नयाँ परिकार बनाउन एवं खाना तताउन माइक्रो ओभन राम्रो विकल्प हुन सक्छ । जाडो मौसममा चिसा खानेकुरा खान मन लाग्दैन । पकाएर राखिएका खानेकुरा तताउने सहज माध्यम ओभन हुन सक्छ । प्रयोग नगरेका बेलामा यसको प्लग निकालेर राख्नुपर्छ । यसलाई सुख्खा कपडाले पुछ्नुपर्छ ।

नारी संवाददाता , पुस २४, २०७५

-- पुरै पढ्नुहोस् --

सुरक्षामुखी मोबाइल एप्लिकेसन

भारतका महिलाले टेल–टेल, बि सेफ, सेफ्टी पिन, ट्याक्सी पिक्सी, स्क्रिम अलार्मजस्ता मोबाइल एप्लिकेसन एन्ड्रोइड र आइओएस दुवै प्लेटफर्ममा उत्तिकै प्रयोग गरेको पाइएको छ । नेपालमा यस्ताएप्लिकेसन धेरै छैनन् ।

विभु लुइटेल, कार्तिक २७, २०७५

-- पुरै पढ्नुहोस् --

महिला तथा बालबालिकाका लागि समर डाईट

दही, लस्सी, मोही, जुस तथा दही आदिमा फलफूल काँक्रा, केरा, खरबुजा हालेर खान सकिन्छ । यसले खाना स्वादिलो हुनुका साथै पानीको मात्रा पनि पुर्‍याएर शरीरलाई शक्ति प्रदान गर्छ ।

नारी संवाददाता , वैशाख ३०, २०७५

-- पुरै पढ्नुहोस् --

कस्तो छ खाना पकाउने तेल ?

जुनसुकै तेल तताएर भन्दा पनि काँचै दल्नु प्रभावकारी हुन्छ । कतिपय तेल खानेकुरामा काँचै हाल्दा गन्हाउने भएकाले भाँडा तातेपछि तेल र तरकारी एकैपटक राखेर पकाउनुपर्छ । तेलमा फ्याटी एसिड हुने भएकाले यसलाई उच्च तापक्रममा तताउनुहुँदैन । यो सिक्रीजस्तै हुन्छ जति ततायो त्यति फ्याटी एसिड टुक्रन्छ जुन शरीरका लागि हानिकारक मानिन्छ ।

नारी संवाददाता , चैत्र ५, २०७४

-- पुरै पढ्नुहोस् --

आन्तरिक सजावटमा भूकम्पीय जोखिम र चुनौती

नेपालजस्तो भूकम्पकीय जोखिम भएको देशमा बसोबास गर्नेहरूले घरको जग तथा खम्बाहरू भूकम्प प्रतिरोधात्मक तरिकाले बनाउनु आवश्यक छ । अलि पुराना घरलाई पनि प्रवधिको मद्दतले शक्तिशाली बनाउन सकिन्छ ।

नारी संवाददाता , पुस २१, २०७४

-- पुरै पढ्नुहोस् --