दम्पती

एउटै सिक्काका दुई पाटा : नरेन्द्रबहादुर र निरु श्रेष्ठ

जीवन दु:ख र सुखको दोसाँध हो । दु:खमा नआत्तिनु र सुखमा नमात्तिनु भन्ने सिद्धान्तमा हिँडिरहेका दम्पती हुन्, नरेन्द्रबहादुर श्रेष्ठ र निरु श्रेष्ठ । उनीहरूको विवाह भएको ४४ वर्ष नाघिसकेको छ तर उनीहरूलाई अझै पनि आफ्नो विवाह भर्खरै भएजस्तो लाग्छ । श्रेष्ठ दम्पती आफ्नो सम्बन्धलाई एउटै सिक्काको दुई पाटा भन्न रुचाउँछन् । विवाहपछि नै नरेन्द्रबहादुर व्यवसायका साथमा कविता लेखन र जराको स्कल्पचरमा परिचय स्थापित गर्न सफल भएका हुन् । जीवनमा धेरै किसिमका उत्तारचढाव आए तर यी आपसी समझदारी, व्यावहारिकता एवं एउटै निर्णयका कारण हरेक परिस्थिति सहज बन्दै गए । नेपालमा जराको स्कल्पचर बनाउने पहिलो कलाकार हुन् नरेन्द्र र यसलाई निरन्तरता दिने पनि उनी मात्र हुन् । उनी आफ्नो कलालाई प्रकृतिसँयको सहकार्य भन्न रुचाउँछन् । उनका कोठाभरि जरा, काठ, रंग तथा ब्रसहरू छरिएका हुन्छन् । काठको धूलोले सोफा तथा कार्पेट फोहोर हुन्छन् तर कहिल्यै श्रीमतीले उनको यो कलाप्रतिको मोह भंग हुने गरी डिस्टर्ब गरिनन् । अहिले नाति सानो भएकाले नरेन्द्रबहादुरलाई छुट्टै वर्कसप बनाइदिएकी छिन् तर एक्लै बसेर काम गर्न नसक्ने नरेन्द्र श्रीमतीकै अघि किचेन, डाइनिङ वा बेडरुममै जराबाट विभिन्न स्कल्पचर बनाइरहन्छन् । निरु उनको त्यो कला दंग पर्दै हेरिरहन्छिन् । काठमाडौंमा जन्मिएका नरेन्द्रबहादुर सानैदेखि स्टेजमा नाटक गर्ने, कविता कोर्ने, पेन्टिङ गर्ने प्रकृतिका थिए । यसरी कला क्षेत्रमा मात्र व्यस्त भएपछि कमाउनु पनि पर्छ भनेर उनी विराटनगरमा छिरेका थिए । त्यतिबेला धरानकी निरु श्रेष्ठसँग उनको विवाहको कुरा अघि बढ्न थाल्यो । पिकेमा दिदीसँग पढ्ने धरानकी निरु श्रेष्ठको आनीबानीले गर्दा आमाबाट नै कुरा अघि बढेको हो । विवाह भएको केही समयसम्म पनि नरेन्द्रले कविता नलेखेको र चित्रहरू नकोरेको देखेर खोइ त कलम र कुची चलाएको भन्दा आफूमा जोस आएको नरेन्द्र बताउँछन् । उनले त्यतिबेला निरुलाई हेरेर कविता फुराइहाले जसलाई निरुले टेप रेकर्डमा रेकर्ड गरेकी थिइन्, जुन अहिले पनि सुरक्षित छ । विवाहपछि उनीहरू दुई वर्ष विराटनगरमै बसे । काठमाडौं आएर विशालबजारमा व्यापार गर्न थालेकै बेला इन्डियन पब्लिसरले २०१८ मा नरेन्द्रको कविता संग्रह प्रकाशित गरिदिए । नरेन्द्र आफ्नो कविताको आधा अंग श्रीमतीलाई नै मान्छन् । कविताको आलोचना र समालोचना पनि श्रीमतीबाटै पाउँछन् । विवाहअघि नै ग्राजुएट निरुले विवाहपछि कतै जागिर खाइनन् । सासू आमाले धेरै ठाउँमा जागिर मिलाइदिए पनि श्रीमान्सँगको सल्लाहमा उनी घर, परिवार तथा छोराहरू हेर्ने जिम्मा लिएर बसिन् । त्यो समय धेरै घरका छोराहरू कुलतमा परेको सुनिन्थ्यो, त्यसको डर थियो । अहिले दुवै छोरा सफल भएकोमा निरु आफूले गरेको निर्णय सही भएको अनुमान लगाउँछिन् । उनका अरु समकालीन साथीहरूको पेन्सन आए पनि निरु छोराहरू नै आफ्ना पेन्सन हुन् भन्ने मानेर खुसी छिन् । नरेन्द्रबहादुर आफ्नी जीवसाथीको प्रशंसा गरेर थाक्दैनन् । म निरुकै कारण साहित्य, कला, समाजसेवा तथा व्यवसायमा सफल हुन सकेको हुँ । उनी भन्छन्–कुराकानीकै क्रममा आफू गलत बाटोमा जानबाट श्रीमतीले रोकेको सन्दर्भ पनि सुनाउँछन्–उनी । हङकङमा व्यवसायका क्रममा उनले दुईवटा बाटा देखे । रातारात लखपति हुने कि विस्तारै कमाउने । श्रीमतीको इच्छा र मनसाय बुझ्न उक्त कुरा सुनाउँदा उनले एकैपटक धुरी चढ्नु छैन, विस्तारै पुगौंला भनिन् । सही बाटो हिँडौं, मलाई सुनका चुरा, नेकलेस आदि लगाउने इच्छा छैन भनेपछि नरेन्द्रले सही जीवनसाथी पाएकोमा गर्व गरे । अहिलेसम्म श्रीमतीले कहिल्यै महँगा साडी तथा गहनाको डिमान्ड नगरेको उनी बताउँछन् । साहित्यिक कार्यक्रम, कला प्रदर्शनी तथा व्यावसायिक जमघटहरूमा धेरैजसो सँगै पुग्छन्–श्रेष्ठ दम्पती । निरु श्रीमान्का हरेक क्रियाकलापमा उत्तिकै चासो राख्छिन् र राम्रो कला एवं कृतिका लागि प्रोत्साहन पनि दिन्छिन् । अहिलेसम्म परिवारसँगै बसेर राति टिभी हेर्दै दिनभरिका घटनाहरू सुन्ने, सुनाउने बानी छ उनीहरूको । हरेक पुरुषको सफलतामा महिलाको हात हुने कुरामा नरेन्द्रबहादुर पूर्णरूपमा सहमत छन् । अहिले सामाजिक सञ्जालले गर्दा हरेक कुरा छिटो संचार हुने र रिजल्ट आइहाल्ने हुँदा यसमा बढी सक्रिय हुन थालेको निरुलाई चित्त बुझ्दैन । निरुका अनुसार अहिलेको घोप्टे युगबाट वृद्धदेखि बालकसम्म दुस्प्रभावित छन् । यसले एक–अर्काप्रति समयको अभाव महसुस हुन्छ । यद्यपि नरेन्द्रबहादुरको मान्यता यसलाई सकारात्मक रूपमा लिनुपर्छ भन्ने छ । श्रेष्ठ भन्छन्–धेरै त चिनी पनि तीतो हुन्छ तर हामी अहिलेको युगअनुसार चल्न सकेनौं भने डेट एक्सपायर वस्तुझैं हुन पुग्छौं ।नरेन्द्रको नजरमा श्रीमती    नरेन्द्रबहादुरको परिचय बनाउने व्यक्ति नै निरु श्रेष्ठ हुन् ।    प्रतिभाको कदर गर्ने बानी छ ।    हरेक काम योजना बनाएर गर्छिन् ।    उनीबाट कहिल्यै नचाहिँदो माग भएन, जसले गर्दा जीवन सहज भयो ।    बीचबाटै कुरा गर्ने र बुझिएन भने रिसाउने उनको एउटै कमजोरी छ । निरुको नजरमा श्रीमान्     काम मात्र भनेर परिवारलाई विखण्डन हुन दिनु हुँदैन भन्ने मान्यता राख्नुहुन्छ ।    समय व्यवस्थापन गर्न सक्ने खुबी छ ।    सारै खट्न सक्ने, जोसिलो व्यक्ति हुनुहुन्छ ।    कुनै पनि काम नसकेसम्म एकोहोरो लागिरहनुहुन्छ ।    अहिले मोबाइल बढी चलाउन थालेकाले कुराकानीमा भने केही कमी आएको छ । 

सिर्जना दुवाल श्रेष्ठ, कार्तिक १७, २०७६

-- पुरै पढ्नुहोस् --

नदीजस्तै असीम र दीपाञ्जलीको यात्रा

मंगोल परिवारमा जन्मिएकी दीपाञ्जली लामा तथा इस्लामिक समुदायका असीम शाह वैवाहिक सम्बन्धमा बाँधिएको १२ वर्ष पूरा भैसकेको छ । उनीहरूको विवाहको समयतिर धेरैले जात, धर्म केही नमिल्ने, त्यसमाथि मुस्लिमसँगको यो विवाह असफल हुने अनुमान गरेका थिए ।

सिर्जना दुवाल श्रेष्ठ, पुस १९, २०७५

-- पुरै पढ्नुहोस् --

नगरपिताको प्रेमकहानी

दुई भारतीय राजघरानाकी नातिनी प्रतिमा त्यसरी भागेको माइती पक्षलाई पटक्कै मन परेको थिएन । सबैभन्दा धेरै कान्छी आमा विभुकुमारी रिसाएकी थिइन्, तर जति रिसाए पनि पाँच वर्षपछि भने माइतीको मन पग्लियो अनि बल्ल धवल–प्रतिमा त्रिपुरा खान्दानमा भित्र्याइए ।

जनक नेपाल, श्रावण ३१, २०७५

-- पुरै पढ्नुहोस् --

गुड लक विसले मिलाएको जोडी

डा. अनिल नेपाल आएका बेला उनीहरू भेटघाट गर्थे । त्यतिबेला घुम्न कतै टाढा जाँदा कसैले देख्ने हो कि भन्ने चिन्ता डा. अनिललाई हुन्थ्यो, त्यसैले उनीहरू नजिकैको रेस्टुराँमा पुग्थे । विवाह गर्ने समयमा मनीषाले शिक्षण अस्पतालको जागिर छोडिन् । अहिले मनीषा आफ्नी दुई वर्षीया छोरीको स्याहार गरेर दिन बिताउ“छिन् भने परिआएका बेला मोडर्न हर्ट क्लिनिकलाई समय दिन्छिन् ।

उपासना घिमिरे, असार ७, २०७५

-- पुरै पढ्नुहोस् --

इगो र इखलाई पर राखौं

समय–परिस्थितिअनुसार कुनै पनि कुरामा एकजनाले त कम्प्रोमाइज गर्नैपर्छ, त्यतिबेला मैले किन कम्प्रोमाइज गर्ने, तिमी नै गर भन्ने जस्ता कुराले पनि सम्बन्ध बिग्रन्छ भने इगो र इखलाई वैवाहिक सम्बन्धबीच ल्याउनु हुँदैन ।

नारी संवाददाता , चैत्र ९, २०७४

-- पुरै पढ्नुहोस् --

विना संघर्ष मिलेको जोडी

संगीतप्रतिको रुचिबाहेक अरू सबै अपोजिट छन् । म घुम्न, फिल्म हेर्न तथा सपिङ गर्न रुचाउँछु तर उहाँलाई यी कुरामा पटक्कै रुचि छैन । म धेरै बोल्छु भने उहाँ कम बोल्नुहुन्छ ।

नारी संवाददाता , चैत्र ८, २०७४

-- पुरै पढ्नुहोस् --

साइबरले जोडेको ज्ञानेन्द्र र संगीता को जोडी

अलि रिजर्ब खालकी छिन् । खाना मीठो भएन भने खाँदै खान्नन् । मलाई भने खाना खेर फाल्ने बानी मनपर्दैन ।

नारी संवाददाता , चैत्र ७, २०७४

-- पुरै पढ्नुहोस् --

क्रियटिभ जोडि

हामी हरेक दिन सिक्ने प्रयासमा हुन्छौं । त्यसैले हामी आफूलाई सिकारुका रूपमा लिन्छौं साथै हामी भित्रैबाट हाँस्छौं, हामीलाई संसारको नम्बर वान हुनु छैन । हामी आफ्नो सन्तुष्टि र खुसीमा विश्वास राख्छौं । हामी कुनै पनि काम प्रेसरमा गर्दैनौं ।

सिर्जना दुवाल श्रेष्ठ, फाल्गुन १८, २०७४

-- पुरै पढ्नुहोस् --

विपरीत रुचिमा रमाएको जोडी मेघा र पारस

४–५ वर्षको रिलेसनपछि घरमा आ–आफ्नो जातअनुसारको विवाहको कुरा आउन थालेपछि उनीहरूले आपसी सम्बन्धका बारेमा परिवारलाई जानकारी दिए जुन कुरा सुनेर उनीहरूका परिवारका सदस्यहरू अचम्ममा परे । उनीहरू संगीत प्राक्टिसका क्रममा भेट्ने कुरा परिवारलाई थाहा थियो तर विवाह गर्नेसम्मको सम्बन्ध भनेर कसैलाई जानकारी थिएन ।

सिर्जना दुवाल श्रेष्ठ, माघ १६, २०७४

-- पुरै पढ्नुहोस् --

एक–अर्काको प्रेममा मग्न मल्होत्रा जोडी

अध्ययन पूरा गरी दिकेश नेपाल आएपछि जेनिशा र दिकेश दुवैले इन्टर्नसीपका लागि सामसुङमा सँगै काम गरे । कामलाई महत्व दिने उनीहरू एमबीए पढ्न सँगै बेलायत गए । एक वर्ष सँगै बस्दा एका–अर्कासँग नजिकिन र एक–अर्कालाई बुझ्न अझ सजिलो भयो । उनीहरूको अफेयरको हल्ला दुवैको घरमा पनि पुगिसकेको थियो ।

सिर्जना दुवाल श्रेष्ठ, पुस २३, २०७४

-- पुरै पढ्नुहोस् --

बाइक राइडर जोडी दीपेश र मेरिना

दीपेशसँग मोटर स्पोट्र्सको अनुभव एवं ज्ञान छ भने मेरिनासँग सिर्जनशीलता, उत्साह एवं जाँगर छ । यसरी दुवैका गुणहरू मिले भने आफ्नो क्षेत्रलाई अझ धेरै कुरा दिन सकिन्छ भन्ने सोचका कारण आफूहरूले एक–अर्कालाई चुनेको उनीहरू बताउँछन् । एउटै क्षेत्रको हुँदा एकले अर्काेलाई बुझ्न, एक–अर्काको कामलाई सहयोग गर्न धेरै सहयोग पुग्ने मेरिनाको अनुभव छ ।

सिर्जना दुवाल श्रेष्ठ, मंसिर २४, २०७४

-- पुरै पढ्नुहोस् --