छेउको भाग काटिएको चार वटा ब्रेडलाई ९–१० वटा स–साना पिस बनाएर प्लेटमा राख्ने । दहीलाई बाउलमा राखी एकचिम्टी नुन राखेर हल्का घोल्ने । घोलेको दहीलाई प्लेटमा राखेको ब्रेडको पिसमाथि ब्रेड डुब्ने गरी खन्याउने । त्यसमाथि खुर्सानीको धूलो स्वादअनुसार छर्किने । त्यसैगरी स्वादअनुसार बिरेनुन र धनियाँको धूलोपनि माथिबाट छर्किने । त्यसमाथि चपिङ गरिएको प्याज, हरियो खुर्सानी र हरियो धनियाँ राखिसकेपछि सबैभन्दा माथि अलिअलि भुजिया राखिदिने । मन परेको खण्डमा यसमाथि टोम्याटो सस राखेर पनि खान सकिन्छ । यत्तिकै खा“दा पनि यो परिकार स्वस्थ र स्वादिष्ट छ । तयार भएको ब्रेड दहीवाडा लन्च वा डिनरपछिको डेजर्टका लागि उपयुक्त हुन्छ । यसले शरीरमा शीतलता प्रदान गर्नुका साथै पोषण पनि दिन्छ ।
तीन सय ग्राम खसीको मासु, १५० ग्राम सुकेको प्याज, दुई पिस खुर्सानी, ८/१० पिस लसुन, एक चम्चा जिराका दाना, स्वादअनुसार नुन, आधा चम्चा बेसार, सय मिलिलिटर भुटेको तोरीको तेल, गरम मसला, एक चम्चा मरिचको धूलो ।