सार्क चेम्बर महिला उद्यमी परिषद नेपाल (एससिडब्लुइसी ) संग आबद्ध महिला टोलीले नेपाली उत्पादनहरुको प्रबद्र्धन गर्ने उदेश्य सहित वर्माको याङ्गनमा प्रर्वधननात्मक प्रदर्शनी गरेको छ । वर्मा स्थित नेपाली राजदुताबासको निमन्त्रणामा एससिडब्लुइसि नेपालकी उपाध्यक्ष सरोजनि शेरचनको नेतृत्वमा १६ जना महिला उद्यमी सम्मिलित टोलीले वर्माको याङ्गनमा प्रबद्र्धनात्मक प्रदर्शनीको आयोजना गरेको हो ।
उक्त टोलीले वर्माको याङ्गनको पाइन ओ ओलीन शहरमा अवस्थीत नेपाली दुताबासको प्राङ्गणमा गत भदौं १४ देखि १६ गते सम्म नेपालका विभिन्न उत्पादनहरुको प्रबद्र्धनात्मक प्रदर्शनीको आयोजना गरेको थियो ।
प्रदर्शनीमा नेपाली हस्तकलाका सामाग्री, महिलाहरुले प्रयोग गर्ने पोते, किलीप, चुरा, कुशन कभर, दौरा सुरुवाल, साडी र चोली, मखमलको चप्पल, बिभिन्न प्रकारका हातले निर्माण गरेको हाते झोलाहरु, गाग्री, खड्कुलो जस्ता सामाग्रीहरु प्रदर्शनीमा राखिएको छ । त्यसैगरी सोही टोलीले बर्माका विभिन्न शहरहरुमा नेपाल भ्रमण बर्ष २०२० को प्रचार प्रसार गरी यस मुलुकबाट नेपालमा पर्यटक भित्र्याउने उदेश्य लिएको छ ।
आममहिलालाई लक्षित गरी महिलाको विषयवस्तु सम्बन्धित म्यागेजिनको संख्या न्यून रहेको अवस्थामा नारी मासिकको परिकल्पना गरिएको हो । कान्तिपुर पब्लिकेसन्सको सह–प्रकाशन नारी मासिकले महिलाका विविध आयामलार्ई समेट्दै आएको छ ।महिलाका विषयवस्तुमा प्रकाशित म्यागेजिनको संख्या न्यून रहेको अवस्थामा यसले महिलाका विभिन्न विषयलार्ई समेट्दै आफूलार्ई अग्रस्थानमा राख्न सफल भएको छ ।
© Copyright narimag.com.np |
