तीज मनाउँदा कारवाही

नारी संवाददाता

श्रावण २३, २०७६

 

जिल्ला प्रशासन कार्यालय कास्कीले होटल र पार्टी प्यालेसमा तीज मनाउनेलाई कारबाही गर्ने चेतावनी दिएको छ । सूचना जारी गर्दै प्रशासनले तीजलाई भड्किलो हुनबाट रोक्न महागा होटल र पार्टी प्यालेसमा अग्रिम बुकिङ गरी कार्यक्रम र भोजभतेर गर्नेलाई कारबाही गर्ने जनाएको हो । 

दर र तीजलाई भड्किलो नबनाउन कतिपय सामाजिक अभियान्ता तथा संघसंस्थाले जिल्ला प्रशासन कार्यालयमा निवेदन नै दिएका थिए भने थुप्रै संघसंस्था तथा व्यक्तिहरुले अनौपचारिक रुपमा भनेका थिए । सूचना अटेर गरे कानुनअनुसार कारबाही हुने प्रशासनको चेतावनी छ ।

प्रत्येक वर्ष भाद्र शुक्ल द्वितीयादेखि पञ्चमीसम्म मनाइने हरितालिका तीज यो वर्ष १५ भदौमा दर खाने र १६ भदौमा तीज पर्व परेको छ ।

 

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्