शीतल र स्वास्थ्यवर्धक पेय पदार्थ
एकाएक बढेको गर्मीसँगै मानिसमा विभिन्न समस्या थपिन थालेका छन् । यो मौसममा थप तरल पदार्थ र शीतलता दिने पेय पदार्थको बढी आवश्यकता पर्छ ।
लेमन आइस टी
सामग्री : कागतीको रस १५ मिलिलिटर, सुगर सिरप १५ मिलिलिटर, फ्रेस टी (चियाको रस) १ सय ५० मिलिलिटर, आइसक्युब ८–१० वटा तथा पुदिनाको पात ५–६ वटा ।
विधि : सबैभन्दा पहिले चिनीविनाको कालो चिया तयार गर्ने । त्यसमा कागतीको रस हालेर मज्जाले चलाउने । कागतीको रंग चियामा आउन थालेपछि सुगर सिरप हालेर चलाई ५ मिनेट त्यत्तिकै छाड्ने । केही समय फ्रिजमा राखेपछि सर्भ गर्ने ग्लासमा आइसक्युब अनि कागतीका दुई टुक्रा हालेर तयार लेमन टीलाई विस्तारै ग्लासमा खन्याउने । ग्लास आधा भरिएपछि चिसो पानी हालेर माथिबाट पुदिनाको पातले सजाउने ।
फ्रेस मोइटो
सामग्री : कागतीको रस १५ मिलिलिटर, सोडा १ सय ८० मिलिलिटर, सुगर सिरप १५ मिलिलिटर, आइसक्युब १० वटा तथा पुदिनाको पात ३–४ वटा ।
विधि : एउटा ग्लासमा पुदिनाको ५–६ वटा सफा पात हाल्ने । त्यसमा क्रमशः सोडा, सुगरसिरप, कागतीको रस अनि आइसक्युब मिसाउने अनि तलदेखि माथिसम्म क्रस गर्दै चलाएर सर्भ गर्ने ।
मसला मोइटो
सामग्री : सोडा १ सय ८० मिलिलिटर, कागतीको रस १५ मिलिलिटर, आइस क्युब ८–१० वटा, सुगर सिरप १५ मिलिलिटर, जलजिरा पाउडर ८ ग्राम तथा पुदिनाको पात ३–४ वटा ।
विधि : पुदिनालाई पिस्ने अनि जलजिरा र पिसेको पुदिनालाई जगमा हाल्ने र पुदिनाका २ वटा सिंगो पात त्यसमा राख्ने । क्रमशः कागतीको रस र सोडा हालेर चलाउने । सर्भ ग्लासमा आइसक्युब र पुदिनाको पात हालेर जगबाट आवश्यक मात्रामा खन्याउने । यो गर्मीमा घरमै तयार पारी फ्रेस हुन सकिने पेय पदार्थमध्ये एक हो । गर्मीमा शीतलता दिने भएकाले पुदिनाको प्रयोग फाइदाजनक हुन्छ ।
आममहिलालाई लक्षित गरी महिलाको विषयवस्तु सम्बन्धित म्यागेजिनको संख्या न्यून रहेको अवस्थामा नारी मासिकको परिकल्पना गरिएको हो । कान्तिपुर पब्लिकेसन्सको सह–प्रकाशन नारी मासिकले महिलाका विविध आयामलार्ई समेट्दै आएको छ ।महिलाका विषयवस्तुमा प्रकाशित म्यागेजिनको संख्या न्यून रहेको अवस्थामा यसले महिलाका विभिन्न विषयलार्ई समेट्दै आफूलार्ई अग्रस्थानमा राख्न सफल भएको छ ।
© Copyright narimag.com.np |