छठ पर्व सम्पन्न
बिहान उदाउँदो सूर्यको अर्घ्य दिँदै छठ पर्वको विधिवत समापन गरिएको छ । जलासय किनारमा पूजासामग्रीसहित ब्रतालुले आदिदेव सूर्यको अर्घ्य दिएपछि छठ सम्पन्न भएको हो ।
१७ औं बृहत् तीज व्यापार मेला ‘हामी सबै सिर्जनशील महिलाको एउटै नारा, सीप सिकौं, उद्यम गरौं, बनौं आत्मनिर्भर सारा’ भन्ने नाराका साथ सञ्चालन हुने भएको छ । महिला सिर्जनशील केन्द्र (वुमन्स क्रियसन) ले आयोजना गर्ने उक्त ‘बृहत् तीज व्यापार मेला’ भदौ ७ गतेदेखि १० गतेसम्म भृकुटीमण्डपको प्रदर्शनी हलमा चल्नेछ ।
मेलामा लत्ताकपडा, शृंगार सामग्री, होम अप्लाइन्सेस, एसेसरिज, ब्याग तथा फुटवेयर, खानपान, भाँडाकुँडा आदि विविध सामग्रीका २ सयभन्दा बढी स्टल रहने बताइएको छ । उक्त मेलामा महिला सिर्जना एवं उद्यमशीलतालाई प्रोत्साहित गर्ने उद्देश्यले पहिलो पटक ५ उत्कृष्ट व्यवसायीलाई पुरस्कृत समेत गरिँदैछ ।
मेलामा फोटोसुट, मेहन्दी आर्ट, हेयर कटिङ, स्पा आदिको नि:शुल्क सुविधा समेत उपलब्ध गराइनेछ । प्रसिद्ध जापानी ब्रान्ड मिनिसोद्वारा प्रस्तुत यो मेलामा डाबर नेपाल गुलाबरी रोज वाटर तथा नेपाली उत्पादन सेफ्टीको सहकार्य छ । नारी मासिक सुरुदेखि नै यो तीज महोत्सवको अफिसियल मिडिया पार्टनर रहँदै आएको छ ।
आममहिलालाई लक्षित गरी महिलाको विषयवस्तु सम्बन्धित म्यागेजिनको संख्या न्यून रहेको अवस्थामा नारी मासिकको परिकल्पना गरिएको हो । कान्तिपुर पब्लिकेसन्सको सह–प्रकाशन नारी मासिकले महिलाका विविध आयामलार्ई समेट्दै आएको छ ।महिलाका विषयवस्तुमा प्रकाशित म्यागेजिनको संख्या न्यून रहेको अवस्थामा यसले महिलाका विभिन्न विषयलार्ई समेट्दै आफूलार्ई अग्रस्थानमा राख्न सफल भएको छ ।
© Copyright narimag.com.np |