रंगहरूको पर्व : होली
होली पर्व प्रत्येक वर्ष फागुन शुक्लपूर्णिमाका दिन हर्षोल्लासका साथ मनाइने हिन्दूहरूको प्रमुख चाड हो । होली रंगहरूको पर्व हो । असत्यमाथि सत्यको विजय भएको खुसीमा उल्लासका साथ एक–आपसमा अबिर एवं रंग लगाई यो पर्व मनाइन्छ ।
घरपालुवामा अस्वाभाविक रूपले स्तन बढ्नु वा गाँठो पर्नु ट्युमर अथवा क्यान्सरको लक्षण हुनसक्छ । बिरालोमा कम देखिने यो समस्या कुकुरमा व्यापक रूपमा देखिन्छ । समयमै उपचार नगरे कतिपय स्तनक्यान्सर शरीरका अन्य भागमा पनि फैलनसक्छ । स्तनक्यान्सर खासगरी वृद्ध घरपालुवामा लाग्ने सम्भावना उच्च हुन्छ ।
के कारणले हुन्छ ?
स्तनक्यान्सर हुने कारक तत्व यकिन गर्न सजिलो हुँदैन । बन्ध्याकरण नगरिएका घरपालुवामा बढी देखिने हुनाले यसमा हार्मोन्सको असन्तुलन बढी जिम्मेवार देखिन्छ । साथै विगतमा गरिएको हार्मोन्सको उपचारले पनि स्तनक्यान्सर निम्त्याउन सक्छ भने यो वंशानुगत कारणले पनि हुनसक्छ ।
कसरी पत्ता लगाउने ?
घरपालुवाको स्तन अस्वाभाविक रूपले बढ्दै जानु, छाम्दा कडा हुनु तथा गिर्खाहरू देखिनु, पिप बग्नु ट्युमर तथा क्यान्सरको सुरुवात हुनसक्छ । यो समस्या एकै पटकमा धेरै स्तनमा अथवा एउटामा मात्र देखापर्न सक्छ । पशुचिकित्सकको सल्लाहअनुसार ल्याव टेस्ट गरी समस्या क्यान्सर हो कि ट्युमर यकिन गर्न सकिन्छ ।
उपचार कसरी हुन्छ ?
समयमा रोग पत्ता लगाएर शल्यक्रिया गरी यो समस्या समाधान गर्न सकिन्छ । शल्यक्रियाअघि घरपालुवाको रगत जाँच तथा एक्सरे गराउनु आवश्यक हुन्छ । शल्यक्रियासँगै कतिपय घरपालुवामा रेडियो थेरापी, केमोथेरापीको पनि आवश्यकता पर्नसक्छ । यस्तो समस्या दोहोरिन नदिन घरपालुवा जनावरको पाठेघरसमेत निकाल्नुपर्ने हुन्छ ।
कसरी जोगिने ?
घरपालुवालाई स्तन ट्युमर तथा क्यान्सरबाट जोगाउने सबैभन्दा प्रभावकारी उपाय हो–आफ्नो घरपालुवाको पाठेघर एक वर्षभन्दा कम उमेरमा शल्यक्रिया गरी निकाल्न लगाउने । यसबाट घरपालुवालाई स्तनक्यान्सर तथा ट्युमरबाट धेरै हदसम्म जोगाउन सकिन्छ ।
डा.शरद सिंह यादव, एडभान्स्ड पेट हस्पिटल, विशालनगर, काठमाडौं
आममहिलालाई लक्षित गरी महिलाको विषयवस्तु सम्बन्धित म्यागेजिनको संख्या न्यून रहेको अवस्थामा नारी मासिकको परिकल्पना गरिएको हो । कान्तिपुर पब्लिकेसन्सको सह–प्रकाशन नारी मासिकले महिलाका विविध आयामलार्ई समेट्दै आएको छ ।महिलाका विषयवस्तुमा प्रकाशित म्यागेजिनको संख्या न्यून रहेको अवस्थामा यसले महिलाका विभिन्न विषयलार्ई समेट्दै आफूलार्ई अग्रस्थानमा राख्न सफल भएको छ ।
© Copyright narimag.com.np |