सामग्री :
पनीर : २ सय ग्राम ।
आलु : २ सय ग्राम ।
काजु : १ सय ग्राम ।
हरियो खुर्सानी : २ वटा ।
कर्नफ्लोर : २ चम्चा ।
जिराको धूलो : १ चम्चा ।
नुन : स्वादअनुसार ।
प्याज : २ सय ग्राम ।
गोलभेंडा : २ सय ग्राम ।
गरम मसला : १ चम्चा ।
धनियाँको धूलो : १ चम्चा ।
अदुवा र लसुनको पेस्ट : २ चम्चा ।
हरियो धनियाँ र फ्रेस क्रिम : २ चम्चा ।
विधि :
आलु उसिनेर मुछ्ने र त्यसमा पनीर पनि मुछेर मिसाउने । यो मिक्समा कर्नफ्लोर, नुन, जिराको धूलो, हरियो खुर्सानी मसिनो गरी काटेर मिक्स गर्ने । प्यानमा तेल तताई मिक्सरको स–साना गोला बनाई तातेको तेलमा फ्राई गर्ने र ब्राउन भएपछि त्यसलाई निकाली छुट्टै प्लेटमा राख्ने ।
ग्रेभीका लागि : प्याज र गोलभेंडा उसिनेर छुट्टाछुट्टै प्युरी बनाउने । काजुको पनि पेस्ट बनाउने । अर्काे प्यानमा तेल तताई प्याजको प्युरी भुट्ने । खैरो हुन थालेपछि अदुवा–लसुनको पेस्ट हाल्ने । २ मिनेटमा गोलभेंडाको प्युरी हाल्ने । गोलभेंडाले तेल छाड्ने बेलासम्म भुट्ने र गरम मसला, धनियाँ तथा खुर्सानीको धूलो हाल्ने । त्यसपछि काजुको पेस्ट अनि २ कप पानी हालेर २ मिनेटजति पकाउने । यसरी ग्रेभी तयार भएपछि कोफ्तालाई बाबलमा हाल्ने । यसलाई माथिबाट ग्रेभी हाली फ्रेस क्रिम छर्केर खान सकिन्छ ।
नीलम शाही ठकुरीको रिसेपि
आममहिलालाई लक्षित गरी महिलाको विषयवस्तु सम्बन्धित म्यागेजिनको संख्या न्यून रहेको अवस्थामा नारी मासिकको परिकल्पना गरिएको हो । कान्तिपुर पब्लिकेसन्सको सह–प्रकाशन नारी मासिकले महिलाका विविध आयामलार्ई समेट्दै आएको छ ।महिलाका विषयवस्तुमा प्रकाशित म्यागेजिनको संख्या न्यून रहेको अवस्थामा यसले महिलाका विभिन्न विषयलार्ई समेट्दै आफूलार्ई अग्रस्थानमा राख्न सफल भएको छ ।
© Copyright narimag.com.np |
